...No Power in the Verse can stop me...

Ok, það voru kannski ekki teiknimyndafuglar sem klæddu mig en þessi dagur byrjaði nú samt eins dásamlega og hann átti að gera (og þá tel ég eiginlega með að dagurinn byrjaði á miðnætti)! Meira að segja sólin sem vakti mig var bara þægileg!
Svo ég vitni nú í Radiohead: It's gonna be a glorious day!
Er farin út að gera allt sem ég ætla að gera...

Fokk, ég get ekki klárað neitt í dag. Er búin að byrja á milljón hlutum, byrja að skrifa milljón færslur og svör og komment á allar bloggsíður sem ég skoða en svo stroka ég allt út aftur. Sumir dagar...

Kannski er þetta af því að ég hlakka svo mikið til morgundagsins. Ég sé reyndar fyrir mér Disney mynd þegar ég hugsa um hann; teiknimyndafuglar sem hjálpa mér að klæða mig og greiða mér, dádýr og íkornar og fiðrildi skoppandi um ganginn þegar ég fer fram og hin og þessi heimilistæki bresta í söng þegar ég labba framhjá...

Somebody slap me please!

Oooooo hvað ég vildi að það væri fimmtudagur af því að þá væri föstudagur á morgun. Og af hverju ekki að langa til að það sé bara kominn föstudagur, kynni e.t.v. einhver að spyrja. Það er sko af því að mér finnst svo gaman að hlakka til! Þetta verður nefnilega besti föstudagur í heimi, hvorki meira né minna! Ég er að fara á dásamlegt „stefnumót” á Ósushi. Ó sushi ó shushi ó sushi! Það er svo langt síðan ég borðaði alvöru sushi. Og ég ætla að vera í fríi allan daginn og dúllast á náttfötum framyfir hádegi, fara svo út og kaupa mér eitthvað sætt til að vera í (en bara ef ég finn það á innan við hálftíma!) og kaupa fullt af drasli sem ég sé í hillingum núna af því að ég á engan pening!

Hey já, til að róa Laufblaðið niður og af því að enginn gat fínu kvikmyndaatriðisgetraunina mína ætla ég að ljóstra því upp hér með að atriðið er úr Death Becomes Her og er það engin önnur en Goldie Hawn sem er þarna í fitugallanum.

Já ok, það var ákveðinn formgalli á þessari kvikmyndagátu svo að þið fáið bara aðra! Og aftur er spurt; úr hvaða kvikmynd er þessi mynd:



Það er reyndar svolítið langt síðan ég sá þessa en ég hafði alltaf gaman af henni...

Stal þessari skemmtilegu hugmynd frá Laufblaðinu sem stal henni frá Þarfa sem stal henni frá Skoffíni sem stal henni frá einhverjum öðrum o.s.frv.
Maður pikkar semsagt inn uppáhalds vanmetnu kvikmyndina sína inn í myndaleitina á Google og velur eitthvað skemmtilegt atriði og svo megið þið giska núna hvaðan myndin hér að neðan kemur:



Þetta er reyndar ekkert vanmetin mynd held ég, allir alvöru töffarar ættu að þekkja hana! En það eru samt furðulega margir sem hafa aldrei heyrt um hana...

I DID IT!!!


I done-diddily-doodily-did it!!! Ég fór út fyrir hússins dyr í pilsi! Og það eru ekki einu sinni jól! Ég á nefnilega pils ofan í skúffu þótt það hafi nú verið algert hernaðarleyndarmál hingað til, stundum brýst nefnilega einhver stelpa fram í mér og lætur mig gera stelpulega hluti eins og að kaupa pils (þótt hin venjulega ég neiti svo að ganga í þeim).
Ég fékk svo meira að segja mjög jákvæð viðbrögð við þessu uppátæki mínu og aldrei að vita nema framhald verði þarna á!

* Ég er mætt í vinnuna. Hefði eiginlega ekkert átt að gera það en ég nenni ekki að eyða helginni í að vinna svo að ég ákvað að mæta í dag. Það biðu líka 172 póstar í innboxinu mínu! Að vísu var meirihlutinn af því ruslpóstur og fjöldapóstur og allskonar sem ég nenni ekki og þarf ekki að lesa en þegar ég var búin að sía það frá voru ca 80 eftir með einhverju sem þarf að svara og vinna úr. Held að ég endi sem sagt á því að vinna eitthvað um helgina líka.

* Það er samt svona mánudagsföstudagsfílíngur í mér dag. Gaman að því, kannski maður ætti að fara á pöbbarölt í kvöld!

* Ég fékk (loksins) stígvélin mín í gær og þau eru svoooooo mikið æði þótt ég þurfi að láta þrengja þau aðeins. Verst samt að nú þarf ég að fara og kaupa mér föt sem ég get notað þau við en með nógu mikilli stelpulógík ætti samt að vera hægt að réttlæta fatakaup á næstunni! Kannski ég fari að ganga í pilsum. Sjáið þið það ekki fyrir ykkur, gallabuxna- og strigaskóstelpan ég í háum stígvélum og pilsi! Ok, ég fór í pils um jólin en það var líka í fyrsta skipti í möööööörg ár sem það gerðist. Og ég var í strigaskóm við það! Við sjáum til hvað gerist...

* Ég sá á netinu að We Made God, hljómsveitin sem Steini, bróðir hennar Hildar er í er komin í úrslit í Músíktilraunum. Mér finnst það geggjað, þeir eru nefnilega soldið góðir, alla vega það sem ég hef heyrt frá þeim. Það er vonandi að þeir vinni þetta bara!

* Litli bróðir minn á kærustu! Hún kemur með honum í matarboðið hjá Trausta á laugardaginn og það verður fyrsti formlegi fjölskylduhittingurinn hennar þótt hún sé víst búin að búa nánast hjá honum síðustu vikur. Við systkinin hittum hana náttúrulega ekkert þar...

* Já og Trausti ákvað semsagt að ráðast í það að halda matarboð í tilefni af sextugsafmælinu hennar mömmu (með minni aðstoð samt líka!) og það er nú hægara sagt en gert fyrir þessa fjölskyldu! Ég með mína kjötkomplexa og Ásta og co með ennþá meiri sérþarfir... Það þýðir samt ekki að það verði ekki góður matur á borðum sko, matseðillinn er ekkert smá girnilegur. Það er nefnilega fleira matur en feitt kjöt! Og sykraðar kartöflur... Og rjómasósur...

Jæja, batnandi Böbble er bezt að lifa eins og einhver sagði (!) og þá er nú mjög gott að vera batnandi Böbble akkúrat núna, ég verð orðin ágætlega bötnuð á morgun geri ég ráð fyrir. Það er samt hundleiðinlegt að vera veikur og að hafa engan til að hugsa um sig, ég er algjör kall þegar ég er veik sko. En ég er nú samt alveg sjálfbjarga og fullkomlega fær um að fluffa mína kodda sjálf og hana nú!

Annars er mamma á leiðinni heim frá London í þessum töluðu orðum með stígvélin mín og fullt fleira skemmtilegt, ég get varla beðið...

Já, ég er lögst upp í rúm með flensu. Mig langar í einhvern sem kemur og fluffar koddana mína, gefur mér kjúklingasúpu og skiptir um mynd í dvdinu...

Það sem stendur uppúr:
Miðnæturlaugarferðin. Það að það skyldi létta til akkúrat á meðan við fórum í laugina og himininn sýndi okkur allt það fallegasta sem hann hefur upp á að bjóða. Að fljóta á bakinu í lauginni, ein í heiminum (næstum því), umkringd hraundröngum og fjallshlíðum, horfandi á trylltan norðurljósadans innan um stjörnur og stjörnuhröp... Íslensk náttúra hættir aldrei að koma manni á óvart og það er æði.

Annað eftirminnilegt: Kojufyllerí, hveitibollur, buffalóskór og hvítt rusl, krapapollar (og festingar í þeim), þegar Tóta reif undan Jónasi (!), vélsleðagaurarnir í lauginni (*hrollur*), fyrri laugarferðin, gult Gajolskot, að þessi Ásgeir skuli hafa komið með gítar (af því að ég gleymdi mínum), að syngja Famous Blue Raincoat í stjörnuskini um miðja nótt ofan í lauginni fyrir tvo áheyrendur, eldhúspartí eftir laugina, sirka áttahundraðogfjörutíu góðar stundir útivið og bara alveg fullt meira...

Fékk samt flensu einhvers staðar á leiðinni og er held ég bara á leiðinni í rúmið. That sucks...

Farin á fjöll. Góða helgi!

Jæja, þá er það stórafmæli númer tvö á árinu; elsku besta mamma mín á sextugsafmæli í dag. Eins og öll sniðug afmælisbörn þá er hún að heiman á afmælisdaginn (er í London og kemur heim með stígvélin mín, veiiiiii!) en fær engu að síður hamingjuóskir og knús og kossa í tilefni dagsins!

Læf í Egilshöllinni og ég á miða! Ég held að ég gæti dáið úr tilhlökkun!

Ég var að hugsa það í gær hvað það væri leiðinlegt að vera ekkert búin að fara í fjallaferð í vetur, svo hringdi Agnes áðan og bauð mér að koma með í Landmannalaugaferð um helgina með Vöku gaurunum (sem við höfum farið með í nokkrar ferðir áður)! Finnst ykkur ekki æði þegar svona gerist?! Ég er alla vega til í að sleppa vinnudjamminu um helgina fyrir jeppatúr, þetta verður snjór og frost og fjallamyrkur og stjörnur (vonandi) og allt sem er æði...!

Æj, lestu bara bakþanka Jóns Gnarr í Fréttablaðinu, það er svona sirka það sem mig langar til að segja í dag...

AAAAaaaarrrrgh. Ég get ekki sofið. Ég á það til að verða yfirmáta dramatísk og sveiflukennd í þessu ástandi en það er bara af því að ég er búin að missa yfirsýnina. Eins og t.d. núna, mér er alls ekki sama um hluti sem mér ætti að vera nákvæmlega sama um og koma mér eiginlega bara ekkert við en þeir fara samt endalaust mikið í taugarnar á mér. En það pirrar mig eiginlega meira hvað þetta pirrar mig mikið...
Blaaaaagh, ég er farin að horfa á eitthvað skemmtilegt.

Já og Eddi á náttúrulega líka afmæli í dag;
TIL HAMINGJU MEÐ AFMÆLIÐ EDDI!

Mér finnst frábært hvað Rúv er duglegt að sýna heimildarmyndir um tónlistarmenn og í kvöld er mynd um Ray Davies, þann mikla snilling. Það er svo spurning hvort maður reyni að draga mömmu með á tónleikana með honum, Ray Davies og Kinks er eitt af því fáa sem við eigum sameiginlegt tónlistarlega séð (ég er alla vega ekki mikið fyrir panflautur og lyftutónlistina sem hún móðir mín er farin að hlusta ískyggilega mikið á í seinni tíð), þrátt fyrir að ég hlusti aðallega á tónlist frá því hún var ung um þessar mundir.
Svo er náttúrulega möst að fara á Iggy Pop og Stooges og að sjálfsögðu fer ég á Roger Waters, váááá hvað ég hlakka til að sjá hann taka DSotM, þetta er miklu, miklu meira spennandi en þegar Pixies komu og það var nú sögulegur atburður í mínum bókum! En þótt Waters sé snillingur þá er ég nú meiri Gilmour manneskja verð ég að segja, getur ekki einhver komið með hann líka til að halda tónleika? Svona fyrst þeir eru nánast búnir að útiloka að þeir spili saman aftur (nánast sko, maður heldur alltaf í vonina!).
Ég held svo að fjárhagurinn leyfi ekki mikið meiri skemmtun þetta sumarið og ég verð hvort sem er að vinna allan sólarhringinn svo ég komist til Ástralíu í haust! Ég er búin að finna tiltölulega ódýrt flugfar til Sydney frá London, ekki nema 83.000 kall en það er bara ekki neitt miðað við verðin sem maður sér venjulega og fara allt upp undir 150þúsundkall. Nú þarf bara að fara að kippa síðustu spottunum í lag og þá er ég bara farin!!!
Ég var einmitt hjá Agnesi í gær og við vorum að tala um ferðalög og svona og komumst að því að þetta er sirka munurinn á lífi okkar í hnotskurn þessa dagana; ég er að fara í road trip um Ástralíu og hún er að fara til Kanarí! Who’d’ve thunk?!

Ég fór líka í náttfataheimsókn til Völlu í gærkvöldi (það er dásamlegt að vera á bíl!) og við bjuggum til flottasta afmæliskort í heiminum, þó ég segi sjálf frá! Fyrir utan það, þá gætum við ábyggilega meikað það í tónlistarbransanum með vanstilltan gítar, myndavél og WindowsXP að vopni; dúettinn Gutl og Gaul snýr aftur! :P
I *heart* technology!!!

TIL HAMINGJU MEÐ AFMÆLIÐ HILDUR!



Bara svona fyrst áttundi er formlega genginn í garð!

Ég fór út úr húsi í dag þegar bólgan var farin að hjaðna. Það er alveg hell gaman að geta brugðið sér með nánast engum fyrirvara niður fyrir Elliðaár, það er svo margt sniðugt sem gerist þar! En jæja, ég fór sem sagt í Hagkaup og ákvað að kaupa nælonsokkabuxur, það er aldrei að vita hvenær það kemur upp tilefni til að klæðast slíkum flíkum og þá er gott að eiga þær ofan í skúffu. Já hlæðu bara, ef þú værir steingeit myndirðu líka gera svona hluti! Jæja, ég fann par sem leit ágætlega út, með fullt af fínum teikningum á pakkanum sem sýndu alla staðina sem eiga að vera “supported” þegar maður er kominn í þetta (því fleiri, því betra) og keypti þær. Svo þegar ég kom heim og fór að skoða pakkann betur þá rak ég augun í setninguna: “Aromatherapy: a pleasing lavender fragrance...” Og ég opnaði pakkann og það er aksjúallí lykt af sokkabuxunum!!! WTF?? Hver er eiginlega tilgangurinn með lyktuðum sokkabuxum? Og lavender þar fyrir utan... *hrollur* Ef einhver getur sagt mér það skal ég bjóða þeim sama upp á bjór. Íklædd lavenderuðu sokkabuxunum! :P

Hver segir að maður þurfi að fara í rándýra lýtaaðgerð til að breyta útlitinu? Allt sem þarf er vírussýking og voila; einn góðan veðurdag vaknar maður með varir eins og Melanie Griffith!



Krapp, þetta er samt frekar pirrandi...
(Get t.d. ekki brosað og tala frekar asnalega)

„In my life
Why do I smile
At people who I'd much rather kick in the eye?”

Já, góð spurning Id girl...!
(Ekki það að ég vilji endilega sparka í augað á öllum sem ég sé en æj, stundum þarf fólk bara svona mental spanking...)

Vá.
Ég fékk litla bílinn hennar mömmu lánaðan í gær og hún sagði að ég gæti haft hann eitthvað fram á daginn í dag. Svo hringdi ég í dag til að gá hvenær hún vildi fá hann aftur og vá, hún vill bara ekkert fá hann aftur strax, það er búið að kaupa einhverja druslu sem Kristján fer á í vinnuna og Arnar er kominn með æfingaakstursleyfi á bláa bílinn...
Ég á bara ekki orð!!!

I wov my mommy!!!

Já, ég held að það séu akkúrat núna svona ca. 85% líkur á því að ég sé að fara til Ástralíu í haust.
Áætlaðar dagsetningar eru 1. nóvember til 22. desember.

Þetta veltur samt allt á nokkrum þáttum sem á eftir að skoða aðeins betur...

Bjórinn á afmæli í dag, það er alltaf merkilegt. Bjórkvöld, anyone?! (Spáiði samt ef bjórinn hefði ekki verið leyfður og okkur væri ennþá boðið upp á bjórlíki...)
~~~
Ég er virkilega farin að velta því fyrir mér að taka frí á næstu önn og fara í langt ferðalag... Asía og Ástralía verða líklega fyrir valinu ef af verður.
~~~
Stjörnuspáin mín í Mogganum í dag er pínu fyndin. Írónísk jafnvel! (Ekki það að ég trúi eitthvað á stjörnuspár enda búin að fara í heilan kúrs niðri í Háskóla sem kennir manni að vera ekki að trúa á svona vitleysu (!))
~~~
Börn nú til dags virðast að mestu leyti vera ókurteis, dónaleg og ótalandi (líka þau sem eru ekki klædd eins og Silvía Nótt). Fyrir utan það þá syngja þau ekki heldur muldra eitthvað ofan í bringuna, líta svo upp með græðgisglampa í augunum og spyrja hvað þau fái. Og sum ekki einu sinni í tilraun til búnings. Ég vona að þau fái öll tannpínu... (nema litlu prinsessuskvísurnar og kábojinn sem var með þeim, þau voru æði og rödduðu lagið sitt og allt!)
~~~