...No Power in the Verse can stop me...

...síðbúið áramótaheit...

2009-01-14T20:02:00.002Z

Ég strengi þess heit að þakka oftar fyrir mig.
Ég er óendanlega þakklát fyrir margt í lífinu, bæði fólk og það sem það fólk gerir fyrir mig en stundum gleymi ég að þakka þeim fyrir allt sem þau segja og gera til að bæta mig sem manneskju.
Það þýðir samt ekki að ég taki því sem sjálfsögðum hlut að eiga þetta góða fólk að eða að ég ætlist til þess að það fari eftir mínum vilja, ég bara gleymi of oft að segja einfalt 'takk'.

Svo ef þú ert hluti af mínu lífi; Takk. Takk fyrir að vera þú og takk fyrir að leyfa mér að læra af þér.

...söknuður...

2009-01-02T03:15:00.003Z

Í dag komst ég að því að það er hægt að vera dásamlega hamingjusamur og ótrúlega dapur á sama tíma.

...oh it feels quite funny...

2008-11-15T01:40:00.003Z

Vá. Ég var að fá furðulega frábært og asnalega yndislegt símtal. Aðallega það að ég hafi verið furðuleg og asnaleg, viðmælandinn var frábær og yndislegur!!

Og nú er ég með lag á heilanum.

I don't have the slightest clue
I don't know what I'm gonna do
I only know it's gonna be with you...

...

2008-07-30T01:13:00.001Z

Það er kaffistofulykt af höndunum á mér. Kaffistofulykt samanstendur af gulum gúmmíhönskum, kaffikorgi, hangikjöti og klór. Það þarf nákvæmlega 2 þvotta með vellyktandi sápu til að ná henni af.

...ekki svo athyglisvert...

2008-07-21T17:58:00.004Z

...það er línuritalykt af höndunum á mér (línuritalykt er sko lykt af sjúkrahússsápu, sótthreinsigeli, leiðnivökva, annarsfólkssvita/líkamslykt og almenn gamalmennalykt all rolled into one). Það þarf að þvo sér minnst 7 sinnum með vellyktandi sápu til að ná henni af.
(það er kannski best að taka það fram áður en fleiri hætta við sushi að þetta er ekki eins ógeðslegt og það hljómar, þetta er meira einhver keimur í loftinu sem situr bara í nefinu þegar maður kemur heim og blandast við sápu/sótthreinsilyktina af höndunum, það er aðallega hún sem þarf að þvo af...)

...athyglisvert...

2008-07-18T04:11:00.005Z

...afar athyglisvert!

Annars er ég búin að eyða nóttinni í allskonar vitleysu (glöggir lesendur (haha djók, ég veit að það er bara ein lesönd hérna :P) taka kannski eftir því að ég er loksins búin að laga letrið í linkunum hér til hægri), m.a. að fara yfir Facebook apps og eyða út nokkrum sem ég nenni ekki að hafa og kíkja á fullt af dóti sem ég var búin að gleyma, alltaf gott að taka til í kringum sig. Mér fannst samt frekar fyndið þegar ég smellti á 'remove' við einn hlekkinn og það poppaði upp hjá mér: Are you sure you want to remove your sex appeal?

Já veistu, fyrst enginn virðist taka eftir honum hvort sem er þá er bara eins gott að henda honum!

2008-07-12T21:59:00.006Z

Einhvern vegin svona var spegilmyndin í dag. Það sést að vísu ekki hvað ég er í geggjuðum skóm á henni en trust me, þeir eru gordjuss!

Þessa dagana er ég að lesa bók sem heitir Áður en ég dey eftir Jenny Downham. Hún á margt sameiginlegt með bókinni Veróníka ákveður að deyja eftir Paulo Coelho; báðar sögurnar eru sagðar frá sjónarhóli ungra kvenna sem vita að dauðinn er á næsta leyti. Það sem er ólíkt er hins vegar stíllinn, frásögnin og útfærsla hugmyndarinnar. Coelho gerir Veróníku að leiðindapersónu; þegar ég var komin inn í miðja bók og virkilega farin að vona að hún myndi kannski bara drepast á næstu blaðsíðu þá hætti ég að lesa og hef ekki opnað hana síðan. Áður en ég dey greip mig hins vegar strax, hún er mun hlýrri, auðveldara að fá samúð með aðalpersónunni og mann langar til að upplifa þessar síðustu stundir með henni.
Ég hugsa að ég mæli með henni, þótt ég sé ekki einu sinni búin með hana...

...Hún bloggar!...

2008-07-06T20:41:00.003Z

Pottþétt leið til að yngja sig upp: að fljúga á hausinn af reiðhjóli og fá fleiður í lófana, hné og olnboga. Á örskotsstundu líður manni eins og maður sé 10 ára! Mér líður allavega þannig núna, er með plástra á öllum helstu liðamótum og marbletti á lærinu. Og svo komst ég að því að svona fyrir utan það að fljúga á hausinn í fyrstu hjólaferðinni í nokkur ár þá hef ég ekkert hjól-þol og á sennilega eftir að deyja þegar ég reyni að hjóla í vinnuna (reyndar er ekkert mál að hjóla í hana, vandamálið byrjar á leiðinni uppeftir aftur :P).

Svo er ég líka alveg með það á hreinu að það eru engar konur sem vinna við það að hanna reiðhjól því ef þær gerðu það þá væri fyrir löngu búið að finna upp hnakk sem virkar fyrir rass sem er stærri en meðalstærð! Já, ég fór sumsé út að hjóla í dag og ekki nóg með það, ég fór í sund líka. Dugleg stelpan, segirðu ef til vill en þetta er ekki allt. Þegar ég kom heim og var búin að gleyma því að ég var næstum búin að æla í miðjum Elliðaárdalnum af áreynslu og andlitið á mér hætt að vera bleikt á litinn, þá datt mér í hug að fara á línuskauta. Eða sko... hugmyndinni um línuskauta var plantað í hausinn á mér og það var ekki aftur snúið. Ég druslaðist í Laugardalinn og tók lítinn hring þar í afskaplega góðum og skemmtilegum félagsskap, stórvel heppnuð fyrsta ferð sumars (já, það er kominn júlí og ég hef ekkert skautað, hneykslanlegt).

Og af því að það var komið svo mikið sumar í hjartað ákvað ég að nenna ekki heim svo ég brunaði niður á Ósushi og borðaði nokkra bita og átti einstaklega skemmtilegt samtal í öðrum afskaplega góðum og skemmtilegum félagsskap. Mmmmmm sushi...

Þessi dagur fær alveg 10 í einkunn, kannski ekkert erfitt miðað við vinnuálag og frítímaleysi undanfarið en hann var allavega frábær! Verst að karma gæti dottið í hug að hafa tvöfaldan mánudag á morgun í staðinn...

...whedon is my god now...

2008-07-01T18:44:00.001Z

Teaser from Dr. Horrible's Sing-Along Blog on Vimeo.

...

2008-06-11T23:53:00.002Z

Þegar við vorum að mála um daginn fór systir mín að telja upp þá hluti sem ‘á’ að fara með fyrst af öllu inn í nýtt húsnæði til að heimilislífið verði gott. Og af því að gamla húsnæðið mitt er orðið frekar nýtt þá fannst henni viðeigandi að minna á þetta. Eitt af því sem hún nefndi var salt. Það er eitur fyrir mig og kemur ekki einu sinni inn fyrir dyr sem tákn fyrir eitthvað annað. No way, no how! Annað sem hún nefndi var biblía. Trúleysinginn ég var fljót að fussa yfir þeirri tillögu og held að ég hafi hneykslað hana pínulítið með því að segja henni að biblían kæmi ekki inn á mitt heimili nema bara í kassa með öðrum skáldverkum. Ég fór samt að hugsa. Hvað er það sem ég vil gera að tákni fyrir 'nýtt' líf, hvað er það sem á að setja tóninn fyrir komandi mánuði? Hvað átti að fara fyrst inn á nýjan stað (þótt hann sé gamall)?
Þegar ég fór niðureftir að pakka niður í dag blasti svarið við mér og stendur núna úti í horni í nýja/gamla herberginu mínu; gítarinn! Svo lífið verði alltaf fullt af tónlist.

Annars er herbergið orðið voða kósí og sætt. Ógeðslegu brúnköflóttu gardínurnar sem voru settar upp til bráðabirgða fyrir allt of löngu síðan eru komnar á Sorpu, teppið var rifið upp og mun líka enda lífið í Sorpugámi, búið að mála yfir hræðilega bláa litinn sem ég valdi fyrir mööööööörgum árum þegar ég var á einhverju furðulegu síð-gelgjuskeiði og í staðinn fyrir þetta allt er búið að skella niður ljósu eikarparketi, mála veggina í hlýlegum brúnum tónum og skrúfa upp trérimlagardínur. Þetta er allt svona meira... fullorðins. Já, fullorðins er rétta orðið held ég bara, svei mér þá! Það hefur líka verið fínt að hafa svona project til að fókusa á, það lætur tímann líða og forðar manni frá því að detta of mikið innávið. Nýju vinnurnar gera líka sama gagn, ég get svo svarið það að ég hef oftar farið að sofa fyrir miðnætti síðustu 3 vikur en síðustu 3 ár þar á undan! I iz a busy girl. Verst að það tekur enda um síðir en þangað til ætla ég að njóta þess að koma ‘heim’ útkeyrð eftir daginn og finna til í öllum skrokknum. Það er skárra en að finna bara til í hjartanu...

...

2008-05-17T23:46:00.004Z

Veit ekki alveg hvað ég á að segja. Stundum er bara betra að finna orð sem einhver annar hefur notað áður.

Of all the things I believed in
I just want to get it over with
tears form behind my eyes, but I do not cry
Counting the days that pass me by

I've been searching deep down in my soul
Words that I'm hearing are starting to get old
Feels like I'm starting all over again
The last two years were just pretend and I say

Goodbye to you
Goodbye to everything that I knew
You were the one I loved,
the one thing that I tried to hold on to.

...

2007-09-17T22:39:00.000Z

Ok, bara örsnöggt:

Mikið ROSALEGA er Radiohead góð hljómsveit!

Hef svosem alltaf vitað að þeir eru góðir en í dag var ég að hlusta á live tónleika með þeim og ég fékk gæsahúð og allan pakkann og kafaði mun lengra niður í undirdjúp tónlistarinnar en ég virðist hafa gert áður. Exit music (for a film) er mögulega fallegasta lag veraldar, sérstaklega þegar maður setur það í samhengi við Rómeó og Júlíu, sem er einmitt myndin sem lagið var samið fyrir...

...flutningar...

2007-09-07T15:58:00.000Z

Jæja, kominn tími á þessa mánaðarlegu færslu...

Það ber helst til tíðinda í þessum mánuði að ég hefi ákveðið að flytja heimili mitt úr Árbænum, hvar ég hef búið í samtals rúm 13 ár af mínum 28 og gerast húsmóðir í vesturbænum. Þetta verður töluverð breyting, þótt ég sé nú búin að vera með annan fótinn hjá Halldóri á Hringbrautinni frá því í fyrra þá er það engu að síður stórt skref að flytja með innbú og alles.

Ég get ekki neitað því að ég er pínu kvíðin enda hef ég ekki deilt heimili með annarri manneskju síðan ég leigði í Gnoðarvoginum hérna um árið og það endaði ekkert sérstaklega vel! En það var reyndar annars eðlis, þetta ætti skv. öllum forsendum að ganga mun betur!
Núna er ég svo bara að pakka í rólegheitum og henda fullt af drasli, ákveða hvað af húsgögnum og húsbúnaði ég þarf að hafa með mér, hvað ég ætla að setja í geymslu og hvað ég ætla að gefa frá mér.

Ég geri fastlega ráð fyrir að hér verði a.m.k. einn ísskápur á lausu (soldið gamall samt en kælir vel), bókahilla (úr ljósri furu, 5 hillur), frekar ljótt og shaky furu-glerskáps-júnit með skúffum (ca. 2m hátt, glerskápur efst, svo hilla fyrir neðan og svo skúffur og hilla niður við gólf), rörahillur úr IKEA (með viðar- og glerhillum), geisladiskarekki fyrir marga geisladiska (hehe, veit ekki hvort einhver þarf svoleiðis lengur, ég þarf það alla vega ekki!), blái sófinn hans Halldórs verður líklegast látinn fara (3 sæta IKEA sófi, ca. ársgamall með bláu flauelsáklæði) og kannski rúm, 140 cm á breidd, er ekki alveg búin að ákveða hvort það fer í geymslu eða ekki og ég veit ekki heldur með sófaborðið mitt, spurning líka með slatta af glösum og svoleiðis dóti...
Held að ‘sófinn’ sem ég er með hérna fari bara í Sorpu, hann er eiginlega bara grind (reyndar með renndum fótum, voða fín grind) með svampdýnu og 3 púðum í bakið, mjög retro!

Ef það eru einhverjir ‘takers’ þarna úti þá má alveg hafa samband við mig áður en ég fer með þetta í Góða hirðinn eða set auglýsingu á Barnaland (eins og Agnes gerði með góðum árangri þegar hún flutti), get tekið myndir ef þess þarf ;)

Ég held samt að þetta verði skrítið til að byrja með, mér finnst afskaplega gott að búa í Árbæ, hér er t.d. hægt að fá bestu langlokur í heiminum (Skalli í Hraunbæ), bestu súkkulaðibita’smá’kökur í heiminum (Árbæjarbakarí, samt afar mistækt bakarí að öðru leyti) og hér er eiginlega allt til alls í göngufæri. Á móti kemur að það er svosem líka flest í göngufæri af Hringbrautinni (sérstaklega skólinn og ef ég fæ hjól er ég ekkert lengi að hjóla í vinnuna) og það þarf aldrei að bíða eftir leigubíl á djamminu!

Ég var samt einhvern vegin búin að bíta það í mig að þegar ég flytti frá pabba þá myndi ég halda mig ofan við Elliðaárnar en svona er lífið, maður veit aldrei hvar maður endar!

Og já, ef þið vitið um einhvern sem vantar herbergi til leigu (aðgangur að baðherbergi og þvottahúsi en engin eldunaraðstaða) þá endilega hafið samband. Ég hef haft það mjög gott hérna og mæli alveg með því að búa í Árbænum, eins og sjá má!

Anna Simpson

2007-08-24T20:45:00.001Z

Jamm, þetta er Simpsoníseraða útgáfan af mér, afar gáfuleg og geðþekk ung kona sem myndi örugglega slá í gegn í Springfield!

AAAAAAARRRRGHH

2007-08-21T13:02:00.000Z

Fjandans, helvítis, djöfuls PAKK.

Tók bensín í morgun á einni af hinum svokölluðu 'ódýru' bensínstöðvum (versla ekki við samráðsbullurnar) og þar kostaði bensínlítrinn mig 124,5 íslenskar krónur!!! Per lítra!!! Með afslætti!!! Mér er nánast illt í rassinum eftir þetta.

Auglýsi því hér með eftir reiðhjóli, er tilbúin til að borga allt að 10.000 krónur (hámarks verð fyrir fátækan námsmann sko) fyrir góðan hjólhest (þótt manni verði nú stundum illt í rassinum af að sitja á hjólahnakki þá er það samt allt annað mál!). Eina skilyrðið sem ég set er að það verða að vera góðar bremsur á því, annars kemur allt til greina. Vinsamlegast kíkið í geymslurnar hjá ykkur og grafið upp hjólið sem þið keyptuð fyrir mörgum árum en hafið aldrei notað, ég skal losa ykkur við það ;)

Reykingar

2007-08-20T16:50:00.001Z

Ég var að grúska aðeins uppi hjá pabba áðan og rakst þar á bók sem heitir Hvernig hætta á að reykja og var gefin út á íslensku árið 1963. Upphaflega kom hún út á ensku árið 1951 og í henni leynast nokkrir óborganlegir kaflar sem má með sanni segja að séu börn síns tíma. Hér eru nokkrir gullmolar:

„Þú veizt, að þú þarft ekki að reykja eins mikið og þú gerir á skrifstofunni, við bridge-borðið, í vinnunni, eða þegar þú ert að vinna heima í garðinum þínum.”

„Læknar virðast heldur ekki geta gefið neinn úrskurð um það hvort reykingar séu skaðlegar eða ekki.”

„Þú ferð til heimilislæknis þíns til skoðunar og hann segir þér að þú sért stálhraustur, enda þótt þú ættir nú samt að reykja minna. Þú hristir höfuðið með sektarsvip, samþykkir orð hans og heitir að reyna það. Svo segir læknirinn: „Já, það er nú það”, og báðir takið þið upp vindlingapakka, og þegar hann gefur þér eld, veitir þú því athygli, að vísifingurinn á hægri hönd hans er gulur af tóbakseitri.”

„Það eru að sjálfsögðu tvær hliðar á hverju máli. Enda þótt langflest mæli með reykingum þá eru þó nokkur atriði, sem mæla gegn þeim.”

„Sá maður sem reykir tvo pakka af vindlingum á dag, eyðir 290 krónum á viku eða kr. 1160 á mánuði, eða kr. 13.000.00 á ári.”

„Þá þarftu ekki að gera sjálfum þér og öðrum ónæði í kvikmyndahúsinu með því að fara út í miðri sýningu til þess að reykja, eins og svo margir reykingamenn.”

„Að áliti kvenna veita reykingar þeim tækifæri til að sanna að þær séu hispurslausar heimskonur. Þetta sjónarmið á miklu síður við um karlmenn, þar eð almenningsálitið er afskiptalausara af reykingum þeirra.”

„Þegar einhver býður þér sígarettur, eftir sex mánuði, eða sex ár, þá muntu hafna boðinu, ekki hikandi eða í varnarstöðu af ótta við það að verða talinn ó-samkvæmishæfur. Þú munt bara segja: Nei þakka þér fyrir - ég var vanur að reykja tvo pakka á dag, en ég vandi mig af því. Og það mun verða litið á þig með lotningarfullri öfund, eins og menntaskólabusi horfir á sjöttabekking, sem sloppinn er úr eldrauninni.”

Svo eru nokkar auglýsingar aftast í bókinni, læt 2 dásamlegar fylgja með:

„Fylgist með tímanum og klæðist fötum frá GEFJUN. Hver sá maður sem reykt hefur 2 pakka af vindlingum á daga getur eignazt þessi föt frá GEFJUN eftir 2ja mánaða bindindi.”

„HAFIÐ ÞÉR ATHUGAÐ -
að ef þér hættið að reykja 1 pakka á dag í rúmt 1/2 ár, getið þér eignast fyrir þá peninga EZY-PRESS straupressuna.
10 ára góð reynsla hérlendis - Raforka”

Framaná bókinni er líka loforð um endurgreiðslu ef aðferðirnar virka ekki og ég verð nú að segja að miðað við þekkingu á þessum tíma þá eru þetta mjög 'pró' aðferðir sem ættu að virka ef fólk vill hætta að reykja, þrátt fyrir svona smáatriði sem ég týndi úr hér að ofan. Pabba tókst reyndar ekki að hætta eftir lesturinn og sagði að hann hefði átt að fara og fá hana endurgreidda! En hann hætti nú á endanum kallinn og er búinn að vera reyklaus í rúm tuttugu ár alla vega (man ekki alveg hvaða ár það var) og það er náttúrulega fyrir öllu ;)

...ferðasaga eystri...

2007-07-30T19:30:00.000Z

Við erum komnar í bæinn úr þessari dásamlegu ferð!

Lögðum af stað frekar seint á föstudaginn og mættum á tjaldstæðið í Haukafelli* að verða 2 um nóttina, hentum tjaldinu upp og fórum að sofa. Daginn eftir var ættarmótið hennar Völlu og á meðan fórum við Hildur í hike upp í dal þarna fyrir ofan, sáum sko voða fínt kort með gönguleiðum og ákváðum að fara gulu leiðina, nema við fundum aldrei gulu leiðina og fórum í staðinn bara þangað sem okkur langaði til að fara! Borðuðum suðusúkkulaði, týndum grös, príluðum upp á smá hæð (sem var auðvitað stórt fjall þegar við segjum frá því) og drukkum í okkur hrikalega jökulsorfna náttúruna. Dásamlegt!!
Þar sem við vorum búnar að pakka öllu niður áður en við lögðum af stað fórum við beint í bílinn þegar við komum niður og akkúrat þegar við keyrðum út af tjaldstæðinu kom rigning. Hversu heppnar erum við?!

Héldum í rigningunni niður á Höfn til að finna sturturnar í ferðamannamiðstöðinni, hringdum sko í sundlaugina kl 17:53 og svarið hjá starfsmanni var (nánast) orðrétt; það lokar eftir sjö mínútur, velkomin í sveitina! En fín sturta, náðum svo í Völlu og keyrðum eftir malarslóða inni á landareign afa hennar og ömmu (sjá mynd (hækið okkar var inn dalinn til hægri á myndinni)) til að finna okkur nýjan náttstað. Við vorum nefnilega búnar að ákveða að reyna að vera bara útaf fyrir okkur svo við a) gætum verið eins ‘silly’ og háværar og okkur sýndist og b) gætum sungið og spilað og samið án þess að annað fólk byði sér með í partíið. Enda nenni ég ekki að spila ‘útilegulög’, bara lög sem mér finnst skemmtileg!

Laugardagskvöldið var líka æði, borðuðum aaaallt of mikið (það var samt ekkert kjöt með í ferðinni og ég held að það hafi komið a.m.k. 4 sætar kartöflur óeldaðar til baka) og drukkum alveg ágætlega (samt kom heill kassi af hvítvíni óopnaður til baka) og hlógum og sungum og sömdum og... og... og... Vá hvað það var gaman, mér er illt í gítarputtunum af áreynslu! Ég þarf greinilega að fara að taka oftar í hann á milli ferða til að halda sigginu við :P

Klukkan hálf sex morguninn eftir vaknaði ég samt skjálfandi úr kulda og stífluð í hausnum og ákvað að fara út og hoppa aðeins mér til hita. Um leið og ég stakk hausnum út úr tjaldinu fann ég að það var mun hlýrra útifyrir en inni í tjaldinu þar sem skugginn af bílnum kom í veg fyrir að sólin skini á það. Ég sá ekki fyrir mér að stíflaði hausinn minn myndi sofna í bráð svo ég kom mér fyrir í tjaldstól og sat þar og las í morgunsólinni, það var æði. Upp úr sjö var ég búin að fá nóg og sólin farin að skína á tjaldið svo ég skreið aftur undir sængina mína og svaf í smástund.

Lögðum svo af stað í bæinn um tvöleytið á sunnudag og stoppuðum við Jökulsárlón þar sem við gerðumst alvöru túrhestar og fórum í bátsferð út á lónið í glampandi sól. Fengum líka að smakka á þúsund ára gömlu klakastykki sem var brotið niður fyrir augunum á okkur! Eins og leiðsögukonan sagði, sennilega það elsta sem við munum nokkurn tíma bragða á! Svo dóluðum við okkur bara í bæinn, rigning á leiðinni svo við stoppuðum ekki mikið en fórum samt Krýsuvíkurleið frá Hveragerði í bæinn svo við vorum frekar seint á ferðinni.

Þetta dásamlega sumar varð bara betra við þessa ferð (þrátt fyrir ofnæmi og stíflur) og nú ætlum við að fara í verkefni sem heitir ‘ENDURVEKJUM SUNNUDAGSBÍLTÚRINN’ því okkur langar svo að fara að kynna okkur meira hvað er í kringum okkur með stuttum bíl- og gönguferðum, meira um það síðar.

Er að hugsa um að enda þetta á hæku um hækið okkar:

Fjallið stendur hátt,
lækur liðast um gilið.
Fótspor í mosa.

__
* Haukafell er rétt hjá Fláajökli sem er skriðjökull úr Vatnajökli. Móðurfjölskylda Völlu býr í Holtaseli sem er skammt frá og eiginlega alveg undir jöklinum.

...sumarþankar...

2007-07-26T21:06:00.000Z

In case you were wondering, þá var ég að borða dásamlega góðan mat og hugsa um útileguna sem ég er að fara í á morgun.

Maturinn kom frá grænmetisveitingastaðnum Á Grænni Grein sem er staðsettur í bláu húsi við Faxafen, nánast við hliðina á Makkdónalds. Hildur og mamma hennar reka þennan stað og þrátt fyrir þessi augljósu hagsmunatengsl ætla ég hér með að lýsa því yfir að þetta er uppáhaldsstaðurinn minn í bænum. Hugsanlega þó að Ósushi undanskildum (sorrí Hildur!) en baráttan milli þeirra er hörð. En í alvöru, ég mæli með því að allir sem eru ekki hræddir við grænmetisfæði prófi að fara þangað, það er meira að segja þess virði að fara þangað bara til að kaupa brauðbollur því þær eru í alvöru talað bestar í heimi! Næst skaltu bara keyra framhjá Makkanum og fá þér alvöru mat í magann ;)

Á meðan ég hugsaði um útilegu helgarinnar fór ég líka að hugsa um sumarið og komst að þeirri niðurstöðu að það er búið að vera yndislegt! Helstu viðburðir hafa m.a. verið:

Tónleikar með Air, sem voru æði, þótt við sætum nánast uppi á þakinu. En við sáum mjög vel og tónlistin var frábær.

Næst voru það The Wall tónleikar sinfóníunnar og Dúndurfrétta sem voru... ólýsanlega góðir. Gæsahúð og allur pakkinn og ég er ennþá agndofa og opinmynnt eftir að hafa séð og heyrt hvernig þeir fóru að því að taka Bring the Boys back Home (sem ég var búin að íhuga mikið fyrir tónleika). Og svo finnst mér ótrúlegt hvernig raddirnar þeirra hljóma saman, þegar Pétur og Matti syngja tvíraddað hljómar það einhvern vegin eins og heill kór sé að syngja. Dúndurfréttir eru æði og yndi og ég vona að það verði ekki langt í næstu tónleika.

Einn dásamlegan sunnudag fórum við svo nokkur upp á Snæfellsnes þar sem við fórum í hvalaskoðun frá Ólafsvík í frábæru veðri, ekki sól en alveg stillt og sléttur sjór svo við sáum mjög vel yfir hafflötinn og sáum hrefnur og höfrunga. Og fullt af fuglum líka!
Við skelltum okkur svo hinum megin á nesið þar sem við fengum sól og ennþá betra veður, borðuðum á Hellnum (að Hellnum ?!) og fórum í göngutúr um nágrennið. Ég get ekki mælt nógu mikið með ferð þangað, maturinn var frábær og jökullinn fallegur.

Svo er ég búin að fara með Halldóri á ættarmót sem haldið var í Súðavík og notaði tækifærið til að skoða sveitina mína en afi og amma bjuggu í Arnardal sem er rétt fyrir utan Ísafjarðarkaupstað og þar kom ég oft á sumrin þegar ég var yngri. Jörðin var þó seld fyrir nokkrum árum og núverandi ábúendur eru m.a. búnir að innrétta fjósið sem fínan veislusal og héldu brúðkaupsveisluna sína þar fyrir nokkrum vikum (sá það reyndar bara utanfrá en hef séð myndir að innan og þær eru afar ólíkar því sem ég man eftir!). Frábær ferð og merkilegt nokk þá var gott veður á vestfjörðum. Að vísu er bara gott veður fyrir vestan ef maður kemst í almennilegt skjól en þá er það líka gott!

Um síðustu helgi var svo brúðkaup Agnesar og Ágústs (sem á reyndar að beygjast Ágústar en ég er að reyna að klóra yfir það að ég skrifaði það vitlaust í skrautskriftarhausinn í gestabókinni... trallala... *flaut*) og það var ólýsanlega fallegur og yndislegur dagur. Ég hef ekki farið í mörg brúðkaup en mér fannst athöfnin hjá sýslumanni svo lítil og náin og falleg að ég var næstum farin að gráta. Það hefur sko aldrei gerst í kirkjubrúðkaupi. Ég held samt líka að ég hafi aldrei verið í brúðkaupi hjá neinum sem ég er jafn náin og Agnesi (nema kannski brúðkaup mömmu og Kristjáns en þá var ég nú bara 10 ára og var ekkert yfirkomin af tilfinningum) svo það hefur nú kannski haft sitt að segja. Og svo var hún náttúrulega fallegasta brúður í heimi! Veislan var líka vel heppnuð, ekki of formleg en ekki of mikil læti eða leikir og fiflagangur. Ég fékk að syngja fyrir brúðhjónin, sem var mér mikill heiður, tók fyrir þau Time in a Bottle (sem þau stigu brúðar’valsinn’ við), Perfect Day og Sunday Morning. Ég held að það hafi ekki helmingurinn af gestunum þekkt Time in a Bottle (sem þau völdu sérstaklega) eða Sunday Morning (með Velvet Underground) en mér er sama, ég söng fyrir þau ;) og fékk reyndar mjög gott feedback frá öðrum gestum, sem mér þykir mjög vænt um og gefur mér smá styrk til að íhuga að fara kannski að gutla eitthvað og gaula meira útávið!

Og næst er það sumsé útilega með Einari!! Við Hildur ætlum að fá að crasha ættarmótið hennar Völlu (ég er að verða mjög góð í að fara á annarra manna ættarmót) og nota tækifærið og fara í alvöru útilegu. Og þá meinum við sko alvöru, það eina sem verður tekið með af nýjustu tækni verður iPod og það verður nú eiginlega bara til að hlusta á á leiðinni því auðvitað verður öll tónlist utan bílsins í formi gítarglamurs. Kannski semjum við bara þemalag fyrir Einar þegar við erum komnar aðeins niður í hvítvínskassann, ótrúlegt að það sé ekki búið að því eftir öll þessi ár! En annars er það bara gammeldags tjald með hælum sem verður stungið niður einhvers staðar við ána og eldað á prímus og kolum. Ég hlakka svo mikið til!

Þannig að já, fyrst þetta er stelpuferð þýðir það auðvitað að Halldór verður einn heima, vinsamlegast takið hann að ykkur, gefið honum jafnvel að borða (og drekka, hann verður mjög glaður ef hann fær einn bjór eða svo) og hjálpið honum eftir bestu getu, ég ímynda mér auðvitað að hann sé alveg lost án mín ;P

Þangað til næst (hvenær sem það verður), knúsís&kissís...

Dúfnahólar... nei, Laugardalur!

2007-07-02T18:37:00.000Z

Ég var að uppgötva að síðasta bloggfærsla var gerð þann 29. maí og í dag er 2. júlí. Það þýðir að ég hef ekkert bloggað í heilan mánuð. Mikið er það nú gott!

Við Helga skelltum okkur í Laugardalinn á dögunum að gefa fuglunum brauð. Fyrir þá sem nenna ekki á tjörnina vegna máfagers mæli ég með ferð í dalinn, það er eiginlega miklu meira kósí að gefa öndunum þar!
En jæja, við opnuðum brauðpokana á göngustígnum og um leið vorum við umkringdar af dúfum og komumst varla afturábak eða áfram. Okkur tókst nú samt að mjaka okkur að stórum steinum sem hægt er að setjast á og þar sátum við með hópinn í kringum okkur, bæði dúfur, endur og gæsir, þangað til allt var upp urið. Dúfurnar gerðust meira að segja svo aðgangsharðar að þær settust hreinlega á okkur eins og sjá má á myndunum:

Annars hefur sumarið bara verið fínt, búin að fara fullt á skauta (einmitt í Laugardalnum líka) og uppgötva að það er æðislegt að geta tekið sér fyrirvaralaust frí í vinnunni þegar það er sól!

...ég veit...

2007-05-29T14:31:00.001Z

...ekki taka að þér að tala útlensku fyrir framan alþjóð ef þú kannt ekki útlensku...

2007-05-28T15:33:00.000Z

Þrátt fyrir að íslenska sé gegnsýrð af enskum áhrifum, orðaröð breytist án þess að fólk hafi tilfinningu fyrir því að það sé að tala vitlaust og að slettur og enskir frasar séu jafnvel tamari á tungu en rammíslenskir málshættir og orðtök þá erum við ekkert nema lubbalegir og sveitó Íslendingar inn við beinið. Það kemur aldrei betur í ljós en þegar meirihluti Íslendinga fer að rembast við að tala ensku (og önnur mál) sem þeir halda að þeir kunni svo vel en renna svo hratt og örugglega á rassinn þegar það kemur að framburði og orðaforða. Sem leiðir mig aftur að því sem varð kveikjan að þessum skrifum:

Af hverju í ósköpunum er ekki hægt að fá manneskju með lágmarkshæfni í enskum framburði til að lesa inn á sjónvarpsauglýsingar fyrir ný myndbönd?

Þetta hljóðvillta fífl sem hefur séð um þetta undanfarið hefur á einhvern óskiljanlegan hátt náð að koma minnst 5 framburðarvillum inn í hverja auglýsingu sem hann les, þótt eina útlenskan í textanum séu heiti kvikmynda og nöfn leikara. Sem dæmi má nefna þegar kvikmyndin V for Vendetta var kölluð V for VAndetta, rómantíska gamanmyndin Failure to Launch (réttur framburður: lontsj) varð Failure to Lounge (frb: lánds) og það nýjasta hjá honum er að kynna tvær myndir með leikkonunni Jennifer Connelly í sama pakkanum og tekst að bera nafnið fram á tvo mismunandi vegu, sem hvorugur er réttur. Í SÖMU AUGLÝSINGUNNI!!!
Mér finnst pínlegt að hlusta á manninn. Yfirleitt eru svona kynningaraddir valdar með það í huga að þær komi efninu skammlaust frá sér en þetta er fáránlegt, hann hlýtur að hafa sofið hjá einhverjum til að fá þetta starf!

Þekkir einhvert ykkar þennan mann? Eruð þið til í að segja honum að það sé hlegið að honum fyrir þetta? Kannski koma honum á framburðarnámskeið í ensku eða senda hann í tíma hjá ameríska, djúpraddaða gaurnum sem les inn á trailera. Eða kannski bara segja honum að fá sér nýja vinnu...

...

2007-05-20T18:18:00.000Z

O jæja, það er þá eitthvað vit í kollinum á þeim eftir allt saman. Ætli SS-stjórnin (fremstir fyrir pólitísku brögðin?!) dugi ekki næstu 4 árin, svo skulum við bara vona að Samfylkingin fari vel með valdið og þá verður e.t.v. grundvöllur fyrir alvöru vinstri stjórn að þeim tíma liðnum.

...

2007-05-15T10:43:00.000Z

Ok, ef stjórnarflokkarnir ætla í alvörunni að starfa saman áfram er það merki um mikinn hroka þeirra sem þá skipa.
Ef Sjálfstæðisflokkurinn er aftur á móti að nota Framsókn (til að styrkja samningsstöðu sína gagnvart öðrum flokkum eins og sumir hafa haldið fram) hlýtur það að koma verst niður á Framsókn, þar á bæ ættu menn eiginlega að sjá sóma sinn í því að taka pokann sinn og fara með hann í stjórnarandstöðu í staðinn fyrir að hanga á spenanum í veikri von um bitlinga því hvað sem gerist situr Framsókn eftir með sárt ennið og nákvæmlega engan trúverðugleika. Formaður flokksins og aðrir þingmenn að auki gáfu það út fyrir kosningar það þeir myndu ekki fara í stjórnarsamstarf með þetta lítið fylgi á bak við sig en hafa ekki manndóm í sér til að standa við stóru orðin (og litla fylgið) á meðan Sjálfstæðismenn veifa gulrótinni fyrir framan þá. Verst fyrir Framsókn að gulrótin er mygluð...

Æ kannski væri bara fínt að leyfa þeim að byrja á þessu, það fer þá bara allt til fjandans á miðju kjörtímabili og við hin getum sagt: I told you so!

...júró...

2007-05-10T21:14:00.000Z

Jæja, í fyrsta skipti á ævinni var ég búin að hlusta á öll lögin í júró og það er miklu skemmtilegra að horfa á keppnina þannig! Ég get samt ekki sagt að ég hafi mikla skoðun á þeim, þessi tónlist er alls ekki minn tebolli og mér er nokk sama hverjir komast áfram. Nema að ég vil sjá Ungverjaland áfram, þvílík rödd, þetta er bara eins og Janis Joplin endurborin! Fyrir utan hreiminn auðvitað... Lagið gæti líka verið betra en ég er í fyrsta skipti á ævinni að spá í að reyna að hafa upp á meira efni með júróvisjónflytjanda.

Íslendingarnir stóðu sig svosem ágætlega, mér fannst Eiríkur æðislegur en hverjum í ósköpunum datt í hug að setja þessa gítargaura á sviðið?! Í fyrsta lagi, það vita allir að það er enginn að spila á hljóðfæri í alvörunni á sviðinu. Í öðru lagi þá er engin hljómsveit með 4 gítarleikara (vinsamlegast ekki draga upp einhverjar obskjúr pælingarokksveitir, ég er bara að tala um svona almennt). Í þriðja lagi þá er ekki einu sinni það mikið gítasánd í laginu að það réttlæti 4 gítarleikara á sviðinu. Ég fékk í alvörunni þennan margfræga kjánahroll og skipti um stöð þegar þeir röðuðu sér upp fremst til að taka sólókaflann, þúst... bara WTF?!!! Mér finnst þetta alla vega leim (finn ekki nógu gott orð fyrir "leim" svo ég læt það bara standa).
O jæja. Við sjáum til hvað gerist á næstu mínútum... Hvað sem gerist verður vonandi gott partí á laugardaginn!

...svefn í vöku...

2007-05-08T07:00:00.000Z

Það er skrítið að geta ekki sofið. Svefn er eitthvað sem allir þurfa, þótt enginn viti hvers vegna, og það er vont að fá ekki það sem maður þarf. Ég virðist einmitt vera að sigla inn í svefnleysistímabil enn einu sinni en undanfarin ár hafa svona tímabil komið upp öðru hvoru og staðið í mislangan tíma, yfirleitt bara nokkra daga en stundum upp í nokkrar vikur.

Fyrst reyndi ég allt til að sofna; heitt og róandi te, hituð mjólk, heitt bað (heitt á greinilega að vera róandi!), náttúrulyf, náttúruhljóð, svefngrímu (ef það var sumar) og ýmislegt fleira. Fæst af því virkaði. Eftir að hafa talað við lækni sem neitaði að skrifa upp á svefnlyf (sagði að ég væri of ung til að fá svoleiðis (þetta var fyrir löngu síðan)) ákvað ég að ef líkaminn vildi vera vakandi þá skyldi ég bara vera vakandi, ég hef nefnilega mjög lítinn sjálfsaga og leyfi mér oftast að gera það sem ég vil.
Og síðan þá hef ég farið í gegnum þessi tímabil svefnleysis án þess að reyna nokkuð til að koma í veg fyrir þau og finnst það eiginlega bara æði. Ég er nefnilega næturdýr í eðli mínu og þótt þetta 9-5 samfélag okkar hafi næstum náð að berja það niður þá líður mér afskaplega vel á nóttunni þegar ég vaki svona.
Yfirleitt reyni ég að lesa, skoða nýjungar á gagnvarpinu eða horfa á dvd (einhverra hluta vegna finnst mér það hálf róandi að horfa á ofbeldisfullar og blóðugar myndir á nóttunni) en á meðal þess sem ég hef tekið mér fyrir hendur eru einstaklega nýtískulegar hárgreiðslur og förðun í stíl (klippti í eitt skiptið á mig topp því það var svo langt síðan ég var með topp síðast að ég mundi ekki hvernig ég leit út með svoleiðis), tekið alla venjulega t-boli sem voru í fataskápnum mínum og gert tilraunir til að búa til eitthvað flottara úr þeim með bitlaus skæri og öryggisnælur að vopni, geisladiska-dómínó, skrúfað vídeótækið mitt í sundur og skoðað innvolsið, farið út að skokka (þótt ég hafi aldrei gert það áður eða síðan), gert lista yfir hitt og þetta í lífinu og ýmislegt fleira. Og ég á örugglega eftir að gera eitthvað meira!
Málið er bara að þegar maður leggst niður og sofnar þá missir maður af þessum tíma. Þetta er það næsta sem maður kemst því að vera einn í heiminum, engin hljóð nema í einstaka fugli þegar sólin er komin upp. Ég er alveg til í að fórna nokkrum nóttum fyrir gæðatíma með sjálfri mér, ég veit alveg að þetta er tímabil sem gengur yfir og að einn góðan veðurdag (eða kvöld) kemur svefninn minn aftur og allt verður í stakasta lagi.
En þangað til er ég auðvitað ómöguleg í vinnu og í skóla, er t.d. að fara í próf á morgun (á eftir) og verð bara að vona að ég sofni ekki fram á borðið. Það er alveg satt sem er sagt í Fight Club (sem er ein af uppáhalds næturmyndunum mínum); When you have insomnia, you're never really asleep... and you're never really awake.
En nóttin var þess virði, ég sá fallega sólarupprás og upplifði kyrrð næturinnar og það er nóg fyrir mig...

...skoðaðu skoðunina...

2007-04-26T17:47:00.000Z

Ég vaknaði úr bloggdvala í dag með þessari færslu á moggablogginu. Annars er bara allt í gúddí, prófin að byrja í næstu viku og svona...

...AMMLIS 'n' stuff...

2007-03-08T19:41:00.001Z

First things first; Hildur á afmæli í dag og Eddi á líka afmæli í dag og eru þeim hér með sendar hugljúfar hamingjuóskir í tilefni dagsins! *Knúses og smútsjes*

Annars er allt við það sama, fór reyndar á bókamarkaðinn í Perlunni í dag og keypti 5 bækur fyrir rúman þrjúþúsundkall og hefði alveg getað eytt mun meiru ef ég ætti mun meiri pening.
En í dag lét ég mér nægja að kaupa Satýrikon, Furðulegt háttalag hunds um nótt, Glerhjálminn (The Bell Jar), Klór (smásögur e. Þorstein Guðmundsson) og bók sem ég keypti bara af því að hún heitir Anna! Mér finnst gaman að taka plastið utanaf nýjum bókum, opna þær rétt svo að kjölurinn skekkist ekki, lesa fyrstu blaðsíðuna og ímynda mér hvert framhaldið verður...
Ég hálf vorkenni þeim sem kunna ekki að meta bókalestur en auðvitað eru ekki allir eins. Ég vona samt að þeir hafi eitthvað í sínu lífi sem kallar fram sömu tilfinningar og vakna hjá mér þegar ný bók bíður þess að ég opni hana!

P.s. nýtt skoðanablogg á moggablogginu!

...

2007-02-25T10:52:00.000Z

Jæja, ég fór að fordæmi Þarfa og fleira góðs fólks og stofnaði blogg á mbl.is. Það var nú samt aðallega til að geta kommentað hjá öðrum en ég asnaðist til að skrifa grein um stóra klámráðstefnumálið og er núna örugglega komin með fleiri heimsóknir þar á þremur dögum en á þetta blogg frá áramótum!
Ég veit ekki alveg hvað mér finnst um það, ég er nefnilega frekar mikil prívat manneskja í mér. Þó að ég komi fram undir nafni og mynd hérna þá er það eiginlega bara af því að þótt ég þekki ykkur ekki öll persónulega þá þykist ég vita að það eru fáir sem skoða þetta blogg sem eru ekki a) fjölskyldumeðlimir, b) vinir eða c) Gestapóar. Það finnst mér fínt!
Þetta mbl dæmi verður samt held ég meira pólitískt, skoðanatengt og tengt fréttum inn á mbl.is og þetta kannski meira persónulegt, ég ætla að sjá hvernig sú skipting gengur...

...smábæjarblús...

2007-02-16T19:14:00.000Z

Ég rakst á þessa litlu sögu á blogginu hans Helga Seljan, Kastljósmanns með meiru. Hann er uppalinn á Reyðarfirði og tilheyrir hinni ógurlegu Reyðarfjarðarmafíu sem hefur verið rætt um og ritað í gríni og alvöru, ásamt Andra Frey Viðarssyni (sem sást síðast fullur í bílahermi í Kastljósinu, ætli „mafían” hafi haft puttana í því?!) og fleiri vinum þeirra félaga. En já, þetta leiddi til þess að við Valla fórum að ræða um okkar smábæjarreynslu í dag sem varð tilefni til þessara skrifa.

Smábæjarfólk er mjög misjafnt, sumir geta ekki beðið eftir tækifæri til að komast í burtu, hvert sem er en aðrir eru bara smábæingar fram í fingurgóma og finna sig ekki í henni „stóru” Reykjavík.

Nú verður bara að segjast eins og er að mín reynsla af því að búa í smábæ var ekki góð. Hún var reyndar ekkert svo voðalega slæm fyrir mig persónulega þótt vond hafi verið (enda lögðu ýmsir mikið á sig til þess að svo yrði) og viðkvæmari manneskja hefði kannski farið verr út úr því. Nei, ég geri mér grein fyrir því að ég slapp ágætlega út úr þessu öllu saman en eftir þessa (bitru) reynslu er einhver rómantísk hugsun um kósí smábæjarlíf ekki til í mínum huga. Ef ég neyddist til að flytja af höfuðborgarsvæðinu myndi ég flytja á einangraðan sveitabæ þar sem væru engir nágrannar í minnst 15 kílómetra fjarlægð!

Nálægðin við nágrannana í smábæjum er nefnilega of mikil á köflum. Eins og einn aðkomumaðurinn komst að orði þá kúkaði hann á morgnana og á hádegi vissi allur bærinn hvernig það hefði verið á litinn! Þessi maður kom til að kenna í grunnskólanum þegar ég var búin að búa þarna í 1 ár (var þá í 8.bekk) og hafði einmitt séð smábæjarlífið í þessum rósrauða bjarma, hann hafði ímyndað sér að hann myndi bara fá sér húsnæði, kenna, fara út í búð, kúra með konunni sinni í skammdeginu yfir vídeói í þögulli fjallakyrrð en hann reiknaði ekki með fólkinu. Fólkið í smábæjum er nefnilega það sem gerir þá að helvíti á jörð. Í smábæjunum er nefnilega ákveðið fólk sem ræður. Þótt það hafi engin kjörin embætti þá ræður það bara. Það ákveður hvaða hlutverk aðkomufólk fær í bænum og guð hjálpi þeim sem reyna að segja eitthvað sem stríðir á móti heimsmynd þessa fólks (eins og grey leikfélagskonan í sögunni hans Helga) eða reyna að finna sér eitthvað annað hlutverk. Enda fór það svo að þessi yndislegi maður hrökklaðist frá staðnum í skugga kjaftasagna og leiðinda og flutti aftur til Reykjavíkur, læknaður af smábæjarrómantíkinni. Ég kalla hann í dag hiklaust einn af mínum bestu kennurum og áhrifavöldum þrátt fyrir að hann hafi ekki verið menntaður kennari og bara kennt mér einn vetur, hann sagði okkur svo mikið um lífið, hann hafði gert svo margt og upplifað svo margt og hafði skoðanir á öllum hlutum. Hann var bara miklu meira en kennari og þannig fólk vantar sárlega í smábæjarflóruna.

En nei, fólkið sem ræður vill ekki svoleiðis fólk. Ekki fólk með skoðanir (ef þær eru öðruvísi), ekki fólk sem sér margar hliðar á málunum, ekki fólk sem er ekki „rétt” fólk.

Og guð hjálpi þeim ef einhver fær eitthvað örlítið meira en það sjálft. Þar sem ég bjó var alltaf haldinn jóladansleikur/fyllerí í félagsheimilinu á annan í jólum. Aldurstakmarkið á böllin á þessum tíma var 16 ár og miðað við fæðingarár, ekki afmælisdag. Um áramót fengu því allir 10.bekkingar að fara á böllin en sú hefð hafði komist á að hleypa þeim á jólaballið líka, sumsé allir á undanþágu frá almennum lögum og reglum. Ég og önnur stelpa í bekknum mínum vorum ári á undan í skóla og því ári yngri en bekkjarfélagar okkar (en samt bara mánuður á milli okkar og yngsta bekkjarbróður þar sem við eigum báðar afmæli í janúar). Okkur fannst nú svolítið súrt að fá ekki að vera með okkar bekkjarfélögum og bestu vinum í þessari manndómsvígslu sem fyrsta „fullorðins” skemmtunin er (fermdumst t.a.m. báðar með bekknum okkar ári á undan og gerðum já bara allt með bekknum, kepptum á íþróttamótum og þar fram eftir götunum) svo að við pöntuðum fund með sýslumanni og sóttum formlega um undanþágu fyrir þetta eina ball. Tókum m.a.s. skýrt fram að okkur langaði bara til að vera með á þessu fyrsta balli og myndum ekki sækjast eftir því að fara á önnur böll um veturinn. Þetta tók hann vel í og gaf okkur samþykki sitt og við fórum út af skrifstofunni himinsælar og sögðum hinum krökkunum frá því. Nokkrum dögum síðar var þetta samþykki hins vegar dregið til baka þar sem nokkrar mæður barna í bekknum fyrir neðan okkur höfðu heyrt af þessu og þrammað ævareiðar á fund sýsla og sagt að ef við fengjum undanþágu til að mæta á þetta ball þá skyldu þeirra börn sko fá hana líka! Því miður var leyfið sem við fengum ekki skriflegt og því var það fyrirvaralaust afturkallað. Ég var ekki einu sinni látin vita heldur frétti ég þetta að mig minnir frá hinni stelpunni (sem var þó dóttir eins aðalkallsins í bænum). Þetta er öfund og afbrýðissemi og ekkert annað, að við fengjum eitthvað skemmtilegt sem aðrir fengju ekki var náttúrulega bara ekki hægt...

Ég svindlaði mér bara í staðinn mjög ólöglega inn á áramótaballið og komst að því að það var bara ekkert eftirsóknarvert við þessa skemmtan hvort sem er! Sýslumanninn leit ég aldrei sömu augum eftir þetta og fyrir mér var hann bara einhver grínfígúra sem lét stjórnast af dyntum annarra í staðinn fyrir að standa með sínum ákvörðunum. Hann er í dag sýslumaður í mun stærra byggðarlagi og ég vona að hans stjórnarhættir séu aðrir þar.

En ég held að það megi draga hugsunarhátt smábæjarbúans í eina setningu; hjá honum er alltaf meira af úlföldum heldur en mýflugum...

...dýrafréttir...

2007-02-13T16:34:00.000Z

Algrímur var hjá dýralækni í morgun. Hann var geldur, bólusettur, ormahreinsaður og merktur og væflast núna um, vankaður og valtur eftir svæfinguna. Það er frekar fyndið að sjá hann svona en um leið fæ ég alveg sting í hjartað af því að mér finnst svo sárt að horfa upp á hann svona bjargarlausan, hann kemst ekki einu sinni upp í sófa af sjálfsdáðum. En þetta verður búið á morgun er mér sagt af mér fróðari kattamanneskjum, sem betur fer.
Snúðurinn minn er svo kominn í pössun í Eyjabakkann og hefur það afskaplega gott skilst mér, Bjarki passar vel upp á hann og allir hinir líka, held ég bara!

Alla vega fæ ég mjög jákvæðar ástandsskýrslur á msn:
gr8 says:
snúði líður vel hjá okkur
gr8 says:
Bæ
gr8 says:
verð að fara

Ekkert verið að bíða eftir að ég geti svarað en varð samt að láta mig vita :P
Krútt!!!

...NEYÐARKALL...

2007-02-13T13:52:00.000Z

Kannast einhver af ykkur við að hafa fengið smásagnasafnið Smoke and Mirrors eftir Gaiman að láni hjá mér? Ég finn hana hvergi og mig vantar hana svo!

...

2007-02-07T11:39:00.000Z

Vinnan mín flutti um síðustu helgi. Því miður gleymdist að panta flutning á síma og neti (held að fólk hafi bara haldið að þetta gerðist af sjálfu sér) svo að ég er í mjög óvæntu fríi þessa dagana þangað til þetta kemst í lag (eina manneskjan í fyrirtækinu sem get ekki gert neitt þótt við höfum fengið net- og póstaðgang).
Ég get ekki sagt að mér finnist þetta neitt sérstaklega slæmt, ég ligg hálfklædd uppi í sófa og er að dunda mér á netinu og hlusta á Dark Side of the Moon milli þess sem ég tek skurk í að skrifa þessa greinargerð. Ah já, lífið er bara fínt í dag!

...ch ch ch ch changes...

2007-02-06T15:18:00.000Z

Í "gamla daga," þegar maður var í menntaskóla, var ógeðslega mikið mál að skrifa 5 blaðsíðna ritgerð. Þrátt fyrir margra vikna fyrirvara á svoleiðis skrif kom ósjaldan fyrir að maður þurfti að fá frest á skilum og svo "bilaði" kannski prentarinn þegar fresturinn var runninn út... Æj, þetta var bara hunderfitt, þið kannist við þetta er það ekki?

Núna er ég hins vegar að fara að skrifa ca. 6 síðna greinargerð á tveimur dögum, með tilvitnunum í heimildir og allt saman og sé ekki fram á annað en að þetta ætti að ganga vel. Já, svona breytist lífið...

...og meira af skoðunum...

2007-01-27T12:29:00.000Z

Dómstóll götunnar er orðasamband sem heyrist æ oftar í tengslum við kynferðisafbrot gegn börnum og unglingum. Lögreglan hefur takmarkaðar heimildir og mannafla til að sinna þessum málaflokki, dómstólar nýta ekki þann refsiramma sem er gefinn í lögum og almenningur er að fá nóg af getuleysi yfirvalda í þessum flokki.

Hann Galdri er með tengil á blogginu sínu á síðu sem tveir ungir menn halda úti. Þeir fóru svokallaða “Kompásleið”, settu inn auglýsingar á einkamálavefi í nafni táningsstúlkna, birtu msn-kennið sitt og komust þannig í samband við um 300 karlmenn sem vildu komast í nánara samband við þessar stúlkur. Nokkrir af mönnunum buðu myndavélaspjall og þegar það var samþykkt notuðu þeir tækifærið og beruðu sig fyrir framan það sem þeir héldu að væri 13 ára stelpa. Afraksturinn var svo settur í myndum inn á síðuna og andlit ekki falin á neinn hátt að mér skilst því nú er búið að taka þær út og á að afhenda lögreglu öll gögn. Vonandi kemur eitthvað út úr því en af reynslu er ég þó ekki bjartsýn. Lögreglan hefur, sem fyrr segir, litlar heimildir til að bregðast við þessum upplýsingum og það mesta sem gerist er að þetta fer í skýrslu einhvers staðar og hægt að draga þetta upp þegar einhver af þessum mönnum er kærður fyrir alvarlegra brot. Það að lögregla sé komin með þessi gögn í hendurnar er því ekki fyrirbyggjandi aðgerð gegn kynferðisbrotum.

Það að almenningur setjist á dómstóla gæti verið það. Mér finnst allt í lagi að þessir menn fái að kynnast þeim hluta okkar sem finnst þeir ekki vera í lagi. Sú spurning hvort mennirnir hefðu gert þetta ef þeir hefðu ekki verið egndir til þess er svo sem réttlætanleg en má ekki svara henni á þann veg að maður sem berar sig fyrir framan vefmyndavél á meðan hann telur að 13-14 ára stúlkur séu að horfa sé örugglega ekki að gera það í fyrsta og ekki í síðasta skipti, hann kemur væntanlega til með að gera þetta svo lengi sem hann kemst upp með það. Þetta eru ekki bara einhverjar aðstæður sem mennirnir “lenda” í, þeir voru (eftir því sem ég best veit) aldrei beðnir um að fara úr og sýna sprellann heldur fundu þeir það algjörlega upp hjá sjálfum sér og bjóða jafnvel að fyrra bragði peninga fyrir kynlífsathafnir þótt “táningurinn” hafi ekki minnst einu orði á kynferðislegar athafnir eða hugsanir. Þetta finnst mér nóg til þess að ég set engin (alla vega fá) spurningarmerki við tálbeitunotkun, þetta ERU menn sem koma sér viljandi í tengsl við börn og unglinga í þessum tilgangi og mér finnst ekki skipta máli hvort unglingurinn er tálbeita eða ekki.

Nú á tímum pólitískrar rétthugsunar er viðkvæðið að það eigi að reyna að hjálpa svona fólki og saklaus þar til sekt er sönnuð og allt það. Í mínum augum er maður sekur um leið og hann byrjar að klæmast við 13 ára barn á msn. Samtalið er skráð, það er orðrétt það sem hann skrifar, burtséð frá því að hann er auðvitað sekur um leið og hann rennir niður buxnaklaufinni og það næst á myndband*.
Og þar með er hann búinn að fyrirgera rétti sínum og á ekkert skilið nema fyrirlitningu. Ef hann vill fá traust og virðingu aftur þá verður hann að gjöra svo vel og vinna sér það inn, hann á ekkert inni að mínu mati og mér finnst allt í lagi að láta hann vita af því.
Sektir hafa engin áhrif. Stuttir dómar hafa engin áhrif. Af hverju megum við ekki verða brjáluð við svona menn og láta þá vita hvað okkur finnst?
ÞAÐ Á EKKI AÐ VERNDA NÍÐINGANA, ÞAÐ Á AÐ VERNDA ÞOLENDUR.

__
* Ath. þarna er ég eingöngu að tala um tilvik þar sem sannanir eru fyrir hendi á tölvutæku formi, ég geri mér grein fyrir því að það eru ekki allir sem nota þessar aðferðir og í þeim málum verður að fara varlega með sönnunarbyrði.

...mín skoðun...

2007-01-22T14:16:00.000Z

Jæja. Lækurinn er bakkafullur en ég ætla samt að bera í hann.

Það eru víst flestir, ef ekki bara allir, búnir að sjá þetta blessaða myndband þar sem forstöðumaður meðferðarheimilis og skjólstæðingur hans sjást í mis-æsilegum bindingarleikjum eða a.m.k. fylgjast með forsögunni í fjölmiðlum undanfarinn mánuð.
Ég ætla ekki að fara út í efni myndbandsins hér eða aðdraganda birtingu þess, heldur ætla ég að lýsa furðu minni á því sjónarhorni sem sumir virðast hafa; það að þar sem þetta „samband” hafi varað í um tvö ár þá sé fráleitt að tala um að um misnotkun hafi verið að ræða.

Mannskepnan er einu sinni þannig gerð að hún er ótrúlega fljót að aðlaga sig að aðstæðum, að gera það sem hún getur til að lifa af í þeim aðstæðum hún lendir í. Tökum dæmi. Maður og kona hefja samband. Það gengur vel og þau eru hamingjusöm í nokkra mánuði þangað til einn góðan veðurdag að maðurinn lemur konuna sína. Ástæðan skiptir ekki öllu máli en hann blíðkar hana og biður afsökunar, hún fyrirgefur og annað hamingjutímabil upphefst, hvort sem það eru dagar, vikur, mánuðir, ár eða lengur. Að endingu endurtekur sagan sig. Hann lemur hana aftur, aftur biðst hann afsökunar og ætlar aldrei að gera þetta aftur og konan fyrirgefur. Svona getur þetta gengið í ansi langan tíma þar til konan hefur sig loksins í það að gera eitthvað í málinu, oftast með utanaðkomandi hjálp. Gerandinn í ofbeldisfullri sambúð er frá sínu sjónarhorni í afar góðu sambandi, hans hlið er alltaf sú rétta og það er sú sannfæring sem að lokum sannfærir þolandann líka um að svona eigi þetta að vera.
Á pappírum og í augum annarra er þetta langvarandi samband þótt aðstæður innan þess séu meira en lítið skrítnar.

Hver einasta manneskja sem ég þekki segir að þetta gæti aldrei komið fyrir sig. Og væntanlega er það satt því það eru ákveðnar týpur sem lenda frekar í þessu en aðrar og það er ótrúlegt hvað þeir einstaklingar sem beita ofbeldi, andlegu eða líkamlegu eru naskir á að finna þessar týpur. Sterk sjálfsmynd og félagslegt tengslanet gerir þarna gæfumuninn, þeim konum sem finnast þær vera háðar utanaðkomandi viðurkenningu er hættara við að festast í þess konar sambandi, þar sem gerandi gerir þær í raun háðar sér og sínu áliti. Kannski gerir hann það ekki meðvitað en svona er mynstrið.
Því betri tengsl sem einstaklingur hefur við annað fólk því betra á það með að vinna sig út úr svona hlutum án þess að festast í þeim. Þeir sem standa einir eða finnst þeir ekki eiga neinn að eiga það á hættu að telja sig háða þeirri manneskju sem sýnir þeim alúð og umhyggju, sama hvað annað sú manneskja gerir.

Sem leiðir mig að áðurnefndum forstöðumanni og skjólstæðingi hans. Skjólstæðingurinn er ung stúlka hverrar forsögu ég þekki ekki vel en það má þó gera ráð fyrir að hún hafi verið í óreglu og þess konar líferni býður ekki beint upp á heilbrigð félagstengsl, sérstaklega ef það hefur byrjað snemma. Ekki er ólíklegt að forstöðumaðurinn þekki inn á veikleika manneskju í þessu ástandi en eins og kom fram hér að ofan þá er þetta ekki alltaf meðvitað hjá gerandanum en hann kann svo sannarlega að ýta á réttu takkana. Mér finnst persónulega ekkert ósennilegt að hann hafi fengið hana til að gera hluti sem hún vildi ekki gera. Það sem manni finnst ógeðfellt í fyrstu verður að vana og maður hættir að finna fyrir þeim viðbrögðum sem maður fann í fyrstu. Þetta er hluti af varnarviðbrögðum mannskepnunnar, kallað habituation upp á útlensku. Sem sagt, maður sættir sig við hluti sem maður er ekki endilega sáttur við, vegna þess að til að lifa af verður maður að aðlagast. Ég tel það ekkert ólíklegt að hún hafi einfaldlega aðlagast aðstæðum, gert það besta sem hún taldi sig geta gert í stöðunni þar til hún var komin það langt í sinni félagslegu færni að sjá, að það var í raun verið að eyðileggja hana og brjóta niður með þessum aðgerðum. Og já, ég myndi verða reið hverjum þeim sem hefði, undir yfirskini þess að ætla að hjálpa mér, hrint mér afturábak í mínu bataferli.
Það er hægt að vera í sambandi í tvö ár og gott betur, gegn betri vitund og eigin vilja. Flestir eru bara svo heppnir og hamingjusamir í sínu lífi að þeir gera sér ekki grein fyrir því.

Og þó svo að þetta hafi verið með hennar samþykki þá á hann auðvitað ekkert með það að leita eftir slíku samþykki. Með þessu framferði brýtur hann ekki bara gegn 197. grein almennra hegningarlaga þar sem stendur: „Ef umsjónarmaður eða starfsmaður í fangelsi, geðsjúkrahúsi, vistheimili, uppeldisstofnun eða annarri slíkri stofnun hefur samræði eða önnur kynferðismök við vistmann á stofnuninni varðar það fangelsi allt að 4 árum,” heldur líka 198. grein; „Hver sem hefur samræði eða önnur kynferðismök við mann utan hjónabands eða óvígðrar sambúðar með því að misnota freklega þá aðstöðu sína að hann er honum háður fjárhagslega, í atvinnu sinni eða sem skjólstæðingur hans í trúnaðarsambandi skal sæta fangelsi allt að 3 árum eða, sé maðurinn yngri en 18 ára, allt að 6 árum. …”

Það eru bara staðreyndir málsins, hvert svo sem eðli sambandsins var.

...note to self...

2007-01-20T18:24:00.000Z

...do not buy pretty things. :(

...meira ammlis...

2007-01-16T22:52:00.000Z

Skemmtileg tilviljun að ég rakst á lítinn bloggleik í dag; gengur út á það að fara á Wikipedia, slá inn afmælisdaginn sinn og birta þrjár niðurstöður úr hverjum flokki; merkilegir atburðir, afmæli og dánardægur.

Það gleður mig að geta frætt ykkur um að þann 16. janúar hefur þetta gerst merkilegt:

1920 var Zeta Phi Beta systrafélagið stofnað við Howard háskóla í Bandaríkjunum. Þann 17. janúar var væntanlega farið í fyrsta koddaslaginn á nærfötunum...
1945 Flutti Adolf Hitler í neðanjarðarbyrgi sitt. Við vitum öll hvernig það endaði.
1969 kveikti Tékkinn Jan Palach í sjálfum sér á Wenceslas torgi í Prag til að mótmæla innrás Sovétmanna og annarra Varsjárbandalagsríkja í Tékkóslóvakíu eftir „vorið í Prag” árið áður (og það var einmitt spurt um Jan Palach og fyrir hvað hann er þekktastur í Gettu betur í kvöld, skemmtileg tilviljun það!).

1908 fæddist Ethel Merman sem ég veit ekkert um annað en að hún var þekkt bandarísk leik- og söngkona sem er stundum minnst á í sjónvarpsþáttum.
1950 fæddist Debbie Allen, dansari sem er/var þekktust fyrir hlutverk sitt sem danskennarinn Lydia Grant í þáttunum FAME. Mér fannst hún alltaf svo kúl!
1991 fæddist yngsta manneskjan á Wiki listanum. Hún heitir Julie Dubela og er titluð amerísk söngkona. Á Wikipedia síðunni hennar kemur fram að hún er þekktust á stór-Boston svæðinu fyrir túlkun sína á bandaríska þjóðsöngnum. Ætli þarna sé næsta Britney á ferðinni?

1806 lést William Pitt the Younger, forsætisráðherra Bretlands. Ég giska á að hann hafi átt föður sem hét líka William Pitt...
1993 lést Jón Páll Sigmarsson, kraftajötunn með meiru. Þetta er staðreynd sem ég hafði ekki hugmynd um fyrr en bara núna nýlega.
2002 lést Bobo Olson, bandarískur hnefaleikakappi sem kemst á listann minn fyrir að heita einstaklega skemmtilegu nafni. B-O-B-O; BOMBA!!!

En það er náttúrulega merkilegast og mikilvægast að ég skyldi einmitt velja þennan dag til að fæðast á og gera hann þannig að besta degi í heiminum!

...árið og AMMLIS...

2007-01-09T21:36:00.000Z

First things first, AMMLI AMMLI AMMLIS!!! Elsku besta Vallan mín á afmæli í dag og á skilið að fá knús og þúsund kossa fyrir að þora að vera fyrst okkar til að verða tuttuguog... öh... eitthvað! Eitthvað lítið. Já... Það þýðir náttúrulega að það er vika í afmælið mitt og að það verður okkar venjulega afmælissingstar um helgina (er það ekki orðið að hefð ef það er gert oftar en tvisvar?!). Ef ég hefði strengt áramótaheit hefði það líklegast átt að vera að þetta árið ætla ég að MUNA EFTIR AFMÆLISPARTÝINU MÍNU!!! Það ætti reyndar að vera frekar auðvelt þar sem við ætlum ekki að bjóða upp á BananaDrama. *hrollur* Það er skaðræðisuppfinning og ætti auðvitað að seljast til miðausturlanda sem efnavopn.

En já, nýtt ár er gott. Já, ég held það bara. Eftir að hafa byrjað frekar leiðinlega með vinnu- og skólamál í algjörum ólestri er allt orðið eins og það á að vera, ég byrja í skólanum í næstu viku og var ekki sagt upp í vinnunni (sem hefði væntanlega orðið raunin ef ég væri ekki að fara í hálft starf með skólanum), veiiiii!

Afleiðingin er einhvers konar metnaðarkast, mér finnst aftur gaman að mæta í vinnuna og fór m.a.s. í Kringluna í dag og keypti mér peysur í fínni kantinum fyrir vinnuna. Dress for the job you want, not the job you have ;) Ég var nefnilega orðin pínu leið í þjónustuverinu, sat bara úti í horni í gallabuxum og hettupeysu, nánast ómáluð og var bara þarna, núna þarf ég að sitja fundi með eigandanum og söludeildinni svo að maður verður nú að vera aðeins snyrtilegri. Nema á fundinum á morgun sem ég neyðist til að sitja með kattaklór í andlitinu, sem er ekki snyrtilegt, Algrímur var eitthvað ósáttur þegar ég tók hann niður af eldhúsborðinu þegar ég var að elda.
En þetta verður fínt, fín vinna og fínn vinnutími, vona bara að þetta fari ekki allt í klessu með skólanum, ég ætla að reyna að taka fullt nám, 15 einingar, á þessu misseri. Sjáum til hvað gerist...

...jóla jóla...

2006-12-25T02:40:00.000Z

Það komu jól. Svo sem ekkert óvænt en einhvern vegin bara gerðist þetta eins og svo margt annað. Og þessi jól voru nú bara ágæt en full af nýjum hlutum, við systkinin borðuðum t.d. ekki hjá pabba heldur bauð Trausti bróðir í mat, eldaði hamborgarhrygg handa þeim feðgum og ég klessti svo saman einhverju sem gæti mögulega hafa verið hnetusteik en þar sem ég hef aldrei borðað svoleiðis áður, hvað þá eldað þá er ég alls ekki viss! Ég veit bara að útkoman var góð og verður örugglega gerð aftur (með ýmsum tilfæringum og bragðprufum, nú þarf ég að fara að prófa mig meira áfram í grænmetiseldun). Ég verð samt að segja það að eftirrétturinn sem hann bauð upp á ætti alveg eins heima á fínustu veitingastöðum heimsins; heit súkkulaðikaka með mjúkum kjarna (í smáformi svo það var ein á mann) borin fram með heimalöguðum konfektís með Lindor kúlum og smá Baileys slettu (Bail-ís, geddidd?!!). Jöööömmí...
Svo í staðinn fyrir að fara til mömmu og enda svo kvöldið hjá Ástu systur eins og undanfarin ár fór ég til foreldra Halldórs þar sem við enduðum á því að horfa á Simpsons og höfðum það voða gott.
Samt fann ég ekki fyrir því að það vantaði neitt eða að ég vildi halda sérstaklega í þetta gamla, þetta var í alla staði yndislegur dagur sem sannar það enn og aftur að gleðin er í hjartanu og fólkinu í kringum mann, ekki í utanaðkomandi hlutum! Ég er samt voðalega ánægð með jólagjafirnar (sem eru víst utanaðkomandi hlutir) þótt þær hafi verið færri og kannski minni en oft áður en það er líka gott að vita að þið létuð gott af ykkur leiða í staðinn ;) Ég verð samt að segja að ég er einstaklega hamingjusöm með að hafa fengið bókina Inside out: A personal history of Pink Floyd eftir Nick Mason og hlakka mikið til að glugga í hana!
En jæja, ætli það sé ekki best að fara að koma sér í ból til að hafa úthald í jólaboð og meira át á morgun. Góða jólanótt elskurnar mínar, ég vona að þið hafið það endalaust mikið gott um jólin og borðið minnst fimm kíló af konfekti á mann!!!

...

2006-12-14T15:02:00.000Z

Jamm. Ég er lifandi. Gott, ekki satt?

Í kvöld ætla ég á jólahlaðborð með vinnunni og tónleika með kærastanum mínum og svo ætla ég að knúsa hann í klessu fyrir að vera til. Gott plan ekki satt?!

...

2006-11-28T12:13:00.000Z

Jæja. Þá er bíllinn minn kominn úr viðgerð og akkúrat í dag finnst götuhreinsunarherrum borgarinnar við hæfi að hreinsa snjóinn af gangstéttunum sem ég hef ekki getað labbað á síðustu daga og vikur. Alveg er þetta dæmigert...

...that's when good neighbours...

2006-11-27T19:14:00.000Z

...become not so good friends.

Mér leiðast nágrannar mínir. Nágrannar mínir búa (eins og ég) í herbergi sem er inni á sérgangi með aðgangi að baðherbergi og þvottahúsi. Nágrannar mínir halda að þeir búi í 3 herbergja íbúð, alla vega eru þau búin að framlengja húsgögn og húsbúnað fram á gang og geyma þar öll eldhúsáhöld og raftæki. Að auki finnst þeim sniðugt að elda frammi á ganginum í rafmagnspotti sem er látinn standa þar og svo sullar og bullar upp úr pottinum á gólfið og út um allt. Það sem er eldað er yfirleitt mjög ólystugt, alla vega að finna lyktina sem angar um ganginn og jafnvel inn í þvottahús þar sem hreinn og fínn þvotturinn hangir og læsir sér í hann þannig að maður þarf jafnvel að renna honum aftur í gegnum skolunarprógramm til að ná hvítlaukslyktinni úr. Ef það er svo ekki verið að nota ótæpilega af hvítlauk þá er verið að sjóða eitthvað torkennilegt kjötmeti sem lyktar verr en súrheysturn og hending ef það er opnaður gluggi á ganginum. Að auki láta þau dyrnar að herberginu standa galopnar á meðan þessu stendur svo að ef maður á leið inn eða út þá kemst maður ekki hjá því að glápa inn til þeirra og jafnvel hitta á annað þeirra á nærbrókinni einni fata.
Að lokinni eldun og átu er baðherbergið (sem er eina uppspretta vatns hér í kjallaranum) teppt í ca. 1-1oghálfan tíma fyrir uppvask og fyrir utan það þá held ég að þau finni það á sér þegar ég þarf að fara í sturtu, sérstaklega ef ég er að flýta mér því það er svoooo oft sem ég horfi á eftir stelpunni inn á baðið í sturtu rétt á undan mér.
En þetta er samt ekki það allra versta. Það sem mér finnst ömurlegast og er að gera mig brjálaða er að helvítis kallpungurinn reykir inni á klósetti. Mér væri nú alveg sama þótt hann reykti bara inni hjá sér en þetta er sameiginlegt rými og mér finnst þetta eiginlega bara dónaskapur. Hann má að vísu eiga það að hann blæs örugglega út um gluggann og það er sjaldan sem lyktin berst fram á gang en reykingafýlan situr svo föst í sturtuhenginu og blandast þar allri matarógeðislyktinni að maður þarf hálfpartinn að halda fyrir nefið ætli maður að fara í sturtu. Ég er að hugsa um að útvega mér svona No Smoking merki og líma á spegilinn inni á baði. Veit einhver hvort það er hægt að fá No Cooking miða einhvers staðar? Eða á maður kannski bara að vera feginn á meðan enginn ælir í þvottavélina eins og hérna um árið?

...skemmtun kvöldsins...

2006-11-23T09:49:00.000Z

Vá. Nú get ég ekki orða bundist. Hvernig í órökuðum órangútaeyrum getur fólk sem kallar sig siðmenntað látið þvílíkt og annað eins sjónvarpsefni yfir sig ganga og þessar Entertainment Tonight “fréttir” sem boðið er uppá á Sirkus? Ég var að flakka á milli stöðva og lenti á endanum á einum þættinum og þulirnir Barbie og Ken* voru að fara yfir það sem yrði í þættinum daginn eftir og Barbie sagði orðrétt: “...and we’ll have John Travolta on a motorcycle, you don’t want to miss that!!!!!!!!” Og ég set svona mörg upphrópunarmerki því maður heyrði svona mörg upphrópunarmerki. Þetta kom út eins og það væri alls ekki nóg að það yrði fjallað um JT, heldur yrði hann á mótorhjóli... Æ þetta hljómaði bara eins og það væri verið að auglýsa simpansa í sirkus.
Er þetta virkilega eitthvað sem fólk horfir á af fúsum og frjálsum vilja? Ég hef nokkrum sinnum rekist á þetta og síðustu vikuna hefur verið nánast bein útsending frá undirbúningi fyrir brúðkaup Tom Cruise og Kate Holmes sem var greinilega ekki í Ameríku þó ég hafi ekki náð hvar.
Það var í alvörunni send “frétta”kona til að vera í beinni að tala um hvað hefði verið gert þann daginn; “já, blómaskreytingarnar komu í dag, þær voru svoooooo fallegar, verst að það má ekki taka myndir af neinu svo að þið getið ekki fengið að sjá það en ég sá þær og þær voru svoooooo fallegar!!!!!” “Takk fyrir þetta Sindy.* Næst; nýjustu fréttir af skilnaði Reese Witherspoon og Ryan Phillipe!!!!” Meira að segja upphrópunarmerki í loftinu á eftir því. Svo er allt hæpað upp með svona “coming up” innslögum og hamrað á því hvað er næst í þættinum eins og gert sé ráð fyrir að áhorfendur hafi athyglissvið á við hamstur.
Ég veit ekki með ykkur en mér finnst þetta frekar ósmekkleg þáttagerð. Þessi forvitnissýki um hagi náungans sem sumt fólk virðist þjást af er með ólíkindum. Bara af því að fólk er frægt á ekki að gefa okkur rétt til að vita ALLT um þetta fólk, hverju erum við bættari með það að vita hvernig blómin í brúðkaupinu hjá “Tomkat” (og þessar asnalegu styttingar eru efni í annan pistil) voru á litin? Höfum við virkilega svona lítið að gera í okkar sældartilveru að okkar afþreying felst í að fylgjast með öðru fólki lifa lífinu?
Eða höfum við kannski alltaf verið svona? Var ekki helsta skemmtunin fyrr á öldum þegar förufólk kom á bæina og sagði sögur af fólkinu í kring? Ætli förumennirnir hafi stoppað á fimm mínútna fresti til að láta vita hvað kæmi næst; “Já hann Jón á Eyrum tók sér konu og síra Þorkell gaf þau saman. Eftir smástund segi ég frá deilum Sigurðar frá Ósum og Herjólfs gamla í Koti um landamerki, nú ætla ég að taka mér hlé og borða þetta dýrindis saltket sem húsmóðirin hefur borið á borð, stei tjúnd...”

_
* Þar sem ég hef ekki hugmynd um hvað þessir þulir heita í alvörunni ákvað ég að gefa þeim viðeigandi gælunöfn í þessum pistli. Sá sem kallaður er Ken held ég að hafi í alvörunni verið með plasthár.

...jóla eitthvað...

2006-11-21T15:29:00.000Z

Jæja, mig langar að gera eitthvað jóla jóla, hver er til í föndur- og/eða konfektstund laugardaginn 9.desember?!
Ég er með tvær uppskriftir að „hollu” konfekti sem er hrikalega gott og svo gerir maður auðvitað eitthvað smá gúmmulaði líka!
Svo er kannski bara spurning um að föndra nokkur rauð páskaegg til að fest' upp á vegg!

Annað sem er jólatengt og mig langar að koma á framfæri; eftir umhugsunarvert samtal við bróður minn hef ég ákveðið að í ár fá allir bara litlar og sætar jólagjafir frá mér og restin af þeim fjármunum sem annars hefðu farið í jólagjafir fer til góðgerðamála (Amnesty International og Unicef). Mér þætti líka vænt um að þeir sem hafa hugsað sér að gefa mér eitthvað um þessi jól hafi það eitthvað lítið og frá hjartanu (eða jafnvel bara gott jólaknús!) og geri eitthvað gott fyrir annað fólk í staðinn...

Lífið í lit

2006-11-19T10:44:00.000Z

Getum við ekki bara haldið jól núna?!

Eins og Anna sá það.

Knúið af GSMBloggi Og Vodafone

Lífið í lit

2006-11-18T15:17:00.000Z

Hann Algrímur borðar skrítna hluti og sefur í skrítnum stellingum. En hann er samt ekkert skrítinn, bara sætur!

Eins og Anna sá það

Knúið af GSMBloggi Og Vodafone

...

2006-10-21T13:42:00.000Z

Ég hef sjaldan séð himininn jafn stjörnubjartan eða jafn mikið af dansandi norðurljósum og síðastliðna nótt. Þar sem það er mjög erfitt að koma því í orð hvað þetta var ótrúlega fallegt þá langar mig bara að minna ykkur á að taka ykkur einstaka sinnum tíma til að líta upp til himins og gá hvað þar er að sjá. Það gæti komið á óvart...

...

2006-10-15T19:53:00.000Z

Það er allt hverfult í heiminum, eftir einhver ár verða lyklaborð væntanlega orðin úrelt og við farin að skrifa með hugarorkunni eða eitthvað álíka. Ætli þetta verði svipuð ráðgáta og Stonehenge í framtíðinni?!

...papparössuð...

2006-10-13T11:26:00.000Z

Ég fór sem leið lá eftir vinnu í gær að sækja skjólstæðinginn minn í liðveislunni og við ákváðum að það væri ágætis hugmynd að rölta niður að tjörn og gefa öndunum og svona. Og þarna stóðum við í mesta sakleysi okkar, við og móðir með son sinn, öll voða hamingjusöm að gefa fuglunum, trallalalala... Allt í einu sá ég að það stoppaði lítill skutlubíll á Lækjargötunni og út úr honum stukku nokkrir jakkafataklæddir karlmenn, asískir í útliti og byrjuðu að taka myndir í gríð og erg, bæði af okkur og fuglunum, svo bara eins og hendi væri veifað hurfu þeir aftur inn í bílinn sem brunaði í burtu! Nú hefur staðalímyndin af asíska túristanum með myndavélina á lofti endanlega verið staðfest, takk fyrir...

...slitrur...

2006-09-29T13:58:00.000Z

Mig dreymdi mjög illa í nótt. Um hluti sem voru svo raunverulegir í draumnum að þegar ég rumskaði og áttaði mig á því að þetta var draumur þá þurfti ég samt að endurtaka með sjálfri mér að þetta var bara draumur og að það væri allt í lagi í raunveruleikanum. Þegar ég hugsa til baka var samt nákvæmlega ekkert raunverulegt við þennan draum, ég var klifrandi upp á skápa, labbandi í einhverju voðalega skrítnu landslagi og fór inn í hús sem var svo lítið að ég hefði líklegast aldrei komist þar inn í alvörunni. Einhver Alice in Wonderland fílingur í þessu öllu saman.
Ég held bara að ákveðinn atburður sem gerðist snemma í draumnum hafi valdið þessari raunveruleikatilfinningu og því meira sem ég hugsa um það því hræddari verð ég við mínar eigin tilfinningar og hvað myndi gerast ef þetta gerðist í alvörunni.

Kannski er bara ágætt að ég fari úr bænum í kvöld og andi smá fersku lofti að mér og hugsi málin...

---
Það mætti kannski líka nefna að ég hef uppfært linkana mína undir „fólk” þar sem ég hef kynnst mörgu frábæru fólki undanfarið sem bloggar alveg villt og galið (og er flest nett galið en það er nú önnur saga...)

...

2006-09-10T16:43:00.000Z

Ha ha, eins og þetta komi eitthvað á óvart!

You Are Buffy the Vampire Slayer

"We saved the world. I say we have to party."

What Superheroine Are You?

...

2006-09-02T18:24:00.000Z

...allt fyrir mig...

2006-09-01T17:52:00.000Z

Eftir að hafa legið í dvala í næstum 3 mánuði hefur vefsvæði Baggalúts loksins verið opnað að nýju. Ritstjórn þessa ágæta vefs hefur gert miklar breytingar á útliti síðunnar frá því sem áður var en innihaldið breytist lítið enda er það gullmoli í þeim hafsjó af hugarsora sem meirihluti internetanna samanstendur af (þið hafið öll heyrt orðróminn á internetunum, er það ekki?!). Og elsku bestu vitleysingarnir á Gestapó hafa lítið breyst í sumar og snéru tví- og jafnvel þríefldir til leiks aftur í gærkvöldi og nú þegar eru komin fram tímamóta ljóðverk, skemmtilegir leikir (eins og t.d. eltingaleikur og sítrónubauv), frjálslegar umræður um allt sem skiptir máli (t.d. hvort uppreist æra sé það sama og að fá uppreisn æru og hvar í heiminum sé mögulega best að vera útigangsmaður) og þar fram eftir götunum. Þetta er skemmtilegur heimur.
Ritstjórnin hefur náttúrulega haft í nógu að snúast í sumar og gaf m.a. út tímamótaverkið Aparnir í Eden sem er fáanlegt í öllum betri hljómplötuverslunum og allir eiga að vera búnir að kaupa fyrir löngu. Sem minnir mig á það að ég þarf að finna betri hljómplötuverslun (hmmm... er það samt ekki rangnefni á verslun sem selur eingöngu tónlist á geisladiskum??) og festa kaup á gripnum, það hefur því miður setið á hakanum of lengi. En bót verður gerð þar á við fyrsta tækifæri, ég er farin að iða í skinninu eftir að geta hlustað almennilega á þessa seiðandi strandköntrítóna. < fer í húlapils og brjóstahaldara úr kókoshnetum og fléttar blómsveiga fyrir viðstadda >

...tannlæknuð...

2006-08-16T17:30:00.000Z

Mér hefur aldrei verið neitt sérstaklega vel við tannlækna. Eða sko, kannski eru þeir hið ágætasta fólk sem umbreytist í Satan á meðan ég sit í stólnum hjá því, hver veit?? Ég veit bara að það að gapa í tæpan klukkutíma á meðan einhver bláókunnug manneskja togar og teygir munninn á manni til þangað til varirnar líta út eins og á Stephen Tyler af því að það þarf að koma bornum fyrir (já og sogdótinu líka), vekur upp mjög órökréttan kvíða hjá mér sem skynsemin nær engum tökum á.
Þetta leiðir til þess að ég hef trassað allt of lengi að fara til tannsa og þ.a.l. er miklu meira fyrir hann að gera þegar ég loksins druslaðist til að fara til hans :( En fyrsta skrefið er alltaf erfiðast og ég er mjög fegin að ég tók það. Þetta er líka fínn tannlæknir sem ég fann, miklu betri en sá sem ég var hjá síðast sem hreytti í mann að setjast og hamaðist svo með bornum í klukkutíma á meðan ég sat stjörf með tárin í augunum. Það var ekki skemmtileg reynsla. Allt starfsfólkið hjá nýja tannlækninum hefur hins vegar yndislegan skilning á tannlæknafóbíu og er mjög róandi í umgengni, sem er mjög gott fyrir fólk eins og mig.

Svo er spurning hvort það sé nóg til að slá á kvíðann, það var svosem ekkert vont að vera í stólnum hjá honum en váááááá hvað þetta er vont eftirá. Hell I tell ya... Ég hef sjaldan verið svona eftir mig eftir tannlæknisheimsókn og næst á dagskrá er endajaxlataka. Ef þið heyrið ekkert frá mér eftir næstu viku þá er ég dáin úr endajaxli...

...

2006-08-14T21:11:00.000Z

Það er svo gott að komast út fyrir borgina og hlaða náttúrubatteríin, sem var akkúrat það sem ég gerði um helgina með góðu fólki og líður dásamlega fyrir vikið.
Í dag byrjaði ég svo að passa hús og kött í Grafarvogi meðan íbúar/eigendur skemmta sér í Kaupmannahöfn. Það fyrsta sem ég gerði þegar ég var búin að vinna var að fara í Bónus og kaupa mat. Sem er hægt að elda! Það er svo margt sem er ekki hægt að gera þegar maður býr í 16 fermetrum án eldhúss...
Og það er heitur pottur...

Hver vill koma í heimsókn?!? :Þ

...

2006-08-02T00:16:00.000Z

Sá þetta hjá Hildi og varð að stela :P

...

2006-07-25T18:13:00.000Z

Jöminn, það spjúðist upp meira bloggerí í dag en ég ætlaði mér...

Morgunblaðið er að gera útaf við mig í dag, bæði netútgáfan og blaðið sjálft. Í fyrsta lagi var það fréttin um ásatrúar fangann í Ameríku sem myrti samfanga sinn fyrir að virða ekki trúna. Síðasta setningin í fréttinni er á þessa leið:

„Milli 10 og 20.000 manns eru ásatrúar í Bandaríkjunum. Ekki er ljóst hversu margir þeirra eru fangar.”

Seriously?!? Hvaða máli skiptir það þótt þessi tiltekni maður sé ásatrúar og fangi, þarf eitthvað að setja frekara samasem merki þarna á milli?!

Alla vega, svo er mjög skemmtileg frétt frá Svíþjóð í blaðinu þar sem kemur fram að umhverfisdómstóll í Växjö telur að golfkúlur valdi umhverfisháska og því sé golfiðkun skaðleg umhverfinu! Jess, gó Svíþjóð, næsta skref er auðvitað að útrýma þessari „íþrótt” fyrir fullt og allt enda einhver sú alvitlausasta í heiminum.

Ó og svo er það fréttin um að þyngd hafi áhrif á námsárangur. Eða sko fyrirsögnin um að þyngd hafi áhrif á námsárangur, því að þegar maður les greinina er sko talað um að tengslin séu fyrst og fremst milli námsárangurs og umhverfis, félagslegra þátta og líðanar þátttakenda og þyngd barnanna sé einkenni en ekki orsök, enda kemur ekkert fram um þau börn sem eru of þung hafi verri hæfileika til náms en þau börn sem eru grönn eða í meðalþyngd. Þetta er sýnist mér bara vera dæmigerð rannsókn þar sem breytum er snúið á hvolf til að segja manni eitthvað sem rannsóknin segir ekki endilega en er í samræmi við hugarfar rannsakenda.
Og ég tala náttúrulega pínulítið út frá eigin brjósti þar sem mér gekk nú (og gengur) bara ágætlega í skóla þrátt fyrir að hafa verið í yfirþyngd og ekki alltaf liðið vel í skóla. En ætli ég fái þá betri einkunnir núna þegar ég er búin að losna við slatta af umframþyngdinni?!?

...

2006-07-25T15:03:00.000Z

...Jæja, þá hefi ég í fyrsta skipti á ævinni horft á spaghettívestra, það þykir mér mjög merkilegt. Og það meira að segja tvo (eða alla vega einn og hálfan).
Það væri alveg hægt að skrifa langan bálk um karllægan hugsunarhátt og staðalímyndir töffarans í þessum myndum og móðgast yfir rembuhættinum o.s.frv. en ég nenni því bara ekki, þetta var ágætis afþreying og má bara alveg vera það án þess að maður anólæseri þetta niður í duftið...

*hummar spaghettístef eftir Morricone*

Hvern annan langar annars að vera undir sæng með bók akkúrat núna? Grátt veður er... grátt!

...

2006-07-12T23:18:00.000Z

Vá, ég held að ég hafi fundið mér áhugamál! Var á námskeiði hjá línuskautar.is og vaaaaááá hvað það var gaman! Ég held að ég sé í endorfín vímu og ég á eftir að fá svooooo miklar harðsperrur á morgun en mér er alveg sama, þetta var æði! Þið öll sem eigið línuskauta, búið ykkur undir að vera dregin út á skauta við fyrsta hentuga tækifæri :P

...remember kids, there are no stupid questions...

2006-06-29T17:14:00.000Z

...just stupid people...

Ahahahaha, ég verð að koma úr „sumarfríinu” mínu til að deila með ykkur þessum dásamlegu orðaskiptum sem ég varð vitni að í dag, ég tek það kannski fram að hlutaðeigandi í samræðunum voru ungar stúlkur (ca. 17-20) sem virkuðu meira fyrir ljósabekki og meiköpp heldur en heiminn í kringum þær.

Stúlka 1: Já, þetta er geggjað fyrir þau bæði, svona unisex.
Stúlka 2: Ha, gera þau það bara í júní?

Og hún hljómaði eins og hún væri alveg að meina þessa spurningu! Ég náði samt ekki fyrri hlutanum og veit því ekkert hvað er svona geggjað fyrir þau bæði og ég hló svo mikið inní mér að ég gat ekki verið í sama hluta búðarinnar og þær svo að ég veit ekki hvort vinkonan náði að leiðrétta misskilninginn!
En þetta er næstum því fyndnara en „U 'n' I sex” (úr Friends), það er greinilega mjög auðvelt að misskilja þetta orð...

Annars er það helst í fréttum að ég keypti línuskauta fyrir viku síðan, er búin að fara tvisvar út á þeim og bara búin að detta einu sinni, veiiiiii! Næst á dagskrá er svo að fara á námskeið hjá línuskautar.is og læra að stoppa, ég er ekki alveg nógu góð í því þótt ég geti staðið og beygt og komið mér áfram án teljandi vandræða. Stoppið er nefnilega frekar mikilvægt svo að þangað til ég er búin að læra það er víst best að halda sig á svæðum þar sem er ekki mikið af brekkum (semsagt ekki í Grafarvoginum) og hafa fólk með mér sem er gott að grípa í!

Næsthelst í fréttum er svo Galna-Galakvöldið á laugardaginn, Valla lét mig kaupa kjól (samt ekki eins og hún hafi þurft að snúa upp á höndina á mér!) en af því að ég hafði ekkert tilefni til að nota hann þá ákváðum við að búa til tilefni og það er bara komið að því núna, við stelpurnar ætlum að vera hrikalega fínar og borða fínt saman og drekka fína fína drykki og fara svo í bæinn á Rex og Pravda og Hverfis...
Ahahaha, féll einhver fyrir þessu?! Glætan spætan og mauraætan að ég fari á einhvern þessara staða, ég held að ég myndi frekar vilja fá glóandi skörunga í augun á mér (alla vega miðað við þetta eina skipti sem ég hef farið á Pravda, hef líka komið einu sinni á Hverfis og fannst það frekar ó-geðslegur staður, Rex hef ég bara heyrt sögur um en þær eru álíka leiðinlegar og Pravda svo að þúst... glætan!), við förum væntanlega bara á sömu staði og venjulega. Hvaða staðir sem það svo eru :S
En ef einhver vill sjá mig í kjól (sem er nánast sjaldgæfara en að rekast á Stórfót á röltinu á Laugaveginum) þá er hinum sömu bent á að vera staddir í miðbæ Reykjavíkurborgar aðfaranótt 2. júlí...

Þarnæsthelst í fréttum er að ég er að reyna að taka skynsamlegar ákvarðanir um skóla vs. vinnu, ég þarf alla vega eitthvað að endurskoða plönin mín miðað við búsetu, útgjöld og annað. En ég elllllska yfirmennina mína, þau eru svo þolinmóð og yndisleg á meðan ég er að taka mínar ákvarðanir, segja bara að ég geti unnið eins mikið og ég vilji, ég ræð bara. Ef ég vil fulla vinnu þá fæ ég hana, ef ég vil hlutastarf þá fæ ég það og þau bara styðja svo vel við mig í þessari flækju minni... Yndislegt fólk I tell ya!!

Þarþarnæsthelst: TIME'S FUN WHEN YOU'RE HAVING FLIES!!! (þýðing: tíminn líður ennþá og það bara þónokkuð hratt!)

...loksins loksins...

2006-06-22T14:47:00.000Z

Uppáhaldsfólkið mitt er að tínast til landsins hvert af öðru, sem er mjög gott, það sannfærir mig ennþá frekar um það að tíminn líður í alvörunni. Einar er alla vega loksins á landinu í heilu lagi og í tilefni af því verður fyrsta stefnumótið okkar í sumar í kvöld, veiiii og vá hvað ég hlakka mikið til!

Annars ætla ég bara að vera í hálfgerðu bloggsumarfríi á næstunni, er einhvern vegin dottin úr blogggírnum í bili. Það er líka að verða komið heilt ár síðan ég byrjaði á þessum ósóma aftur og þvílíkt ár sem þetta hefur verið (þótt það hafi nú ekki allt ratað hingað)! En þrátt fyrir að það hafi margt gott og jafnvel frábært gerst á þessu ári þá gerðist líka margt miður gott og mér finnst ég hafa lært helling um sjálfa mig og lífið og hvað ég vil og hvað ég vil ekki. Sem er gott. Nú má lífið fara að byrja, ég er alveg að verða tilbúin... ;)

...think pink...

2006-06-19T15:41:00.000Z

Eru ekki allir örugglega í bleiku í dag?! Ég er meira að segja í samstæðum, bleikum sokkum af því að mér finnst svo gaman að vera kona. Stelpa... Kona... Ég er ekki alveg búin að ákveða það...!
Alla vega, takk mömmur,ömmur og langömmur fyrir að hafa lagt ykkar af mörkum fyrir framtíðina, allt sem við konur gerum í dag eigum við formæðrum okkar að þakka. Þótt flestir telji skólagöngu, val um starfssvið, kosningarétt og ýmislegt fleira vera sjálfsagðan hlut í nútímalífi (enda er sjálfsagt að allir sitji við sama borð) þá má ekki gleymast að hlutirnir voru öðruvísi í „gamla daga” og það þurfti virkilega að hafa fyrir því að breyta þeim. Þrefalt húrra fyrir súffragettum og kvenréttindaforkólfum þessa lands, án þeirra væri ég kannski bara berfætt í eldhúsi einhvers staðar!!

Eníhús, sigurinn á föstudaginn var svikinn af mér með reglubreytingum á síðustu stundu (ég er auðvitað sannfærð um að ég hefði unnið ef leikurinn hefði ekki verið styttur í annan endann). En ég var í öðru sæti og að auki með laaaangflottustu múturnar, að sjálfsögðu! Nú tekur bara við stíft æfingatímabil fyrir næstu keppni, ekki spurning :P

...heima er laaaaangbest...

2006-06-16T20:01:00.000Z

Æ hvað það er gott að koma heim og vera í alvörunni að koma HEIM, ekki bara til að vera þar í 2 daga áður en maður fer eitthvað annað. Mér finnst meira að segja allt í lagi að það sé rigning og rok, það er bara vinalegt!
En já, ég ætla að leyfa mér að liggja uppi í rúmi í 2 mínútur í viðbót áður en ég fer að hafa mig til fyrir kvöldið, fyrir miðnætti ætti að vera komið í ljós hver er Miðlunarmeistari í Trivial Pursuit. Trausti bróðir sá til þess að múturnar mínar til dómarans bárust í tæka tíð (í þessari keppni er maður nefnilega ekki dæmdur úr leik fyrir að múta dómara, heldur er það stór hluti af keppninni og tekinn mjög alvarlega!) og hann bætti meira að segja við svo að ég held að ég eigi góða möguleika á mútuverðlaunum!! Krossleggið putta og tær fyrir mig takk fyrir, ég er að fara að keppa við einhverja eldgamla kalla og ég verð eiginlega að vinna þá, bara til að halda haus í vinnunni!
Jæja, 2 mínútur liðnar og ég ætla að druslast framúr og fara að hafa mig til...

...

2006-06-14T20:26:00.000Z

Vá vá vá það er sko rétt hjá Furðu (sjá komment), mánudagurinn var ekki dagur til að syngja blús! Vá hvað þetta voru æðislegir tónleikar! Í alvörunni, við erum að tala um major gæsahúð þegar fyrsti tónninn í Shine on you Crazy Diamond byrjaði og hún varð bara meiri eftir því sem leið á. Og svo kom pííínuponsulítill kökkur í hálsinn þegar hann spilaði Wish you were here (af því að það er svo fallegt lag og, lets face it, wish you were here ;). Ég var alein einhvers staðar í miðju mannhafinu á fyrri hluta tónleikanna. Ég kom nefnilega svolítið seint og fann ekki Agnesi og Ágúst. Ég vissi svona sirka hvar þau áttu að vera og stefndi í þá átt (að ég hélt) en allt í einu lokaðist mannhafið og ég var bara stödd í blindgötu og komst hvorki áfram né afturábak. En um leið og ég uppgötvaði að ég kæmist ekki lengra gekk Waters á sviðið svo að ég ákvað að vera bara kyrr og njóta, ein einhvers staðar í mannþrönginni og það var fínt! En ég fann þau svo í hléinu og við Agnes vorum fremst (þótt það hafi verið frekar mikið til hliðar!) í smástund, veiiii! En já, í einu orði; dásamlegt og að heyra Dark Side of the Moon í heild sinni er upplifun sem gleymist seint.
Lagið sem hann söng um fjölskylduna sem hann kynntist á puttaferðalagi í Beirút vakti mig samt til umhugsunar um nokkuð sem ég hef svolítið verið að pæla í, hvar eru yngri kynslóðir þegar kemur að mótmælum og pólitík í tónlist? Nýja platan með Neil Young er uppfull af pólitískum textum og ádeilu á stjórnvöld fyrir vafasamar ákvarðanir teknar í nafni borgaranna og svo kemur þetta fallega lag með mjög umhugsunarverðum texta (og teiknimyndasögu á risaskjá fyrir aftan, mjög flott "storytelling") frá Roger Waters. Ætlum við bara að láta “gömlu kallana” sjá um þetta?? Hefur ungt fólk í dag virkilega ekkert við þetta að bæta, erum við í alvörunni orðin svona sinnulaus af öllu þessu “góðæri” sem einhverjum datt í hug að grípa úr lausu lofti? Ef einhver veit um eitthvað sem bendir til hins gagnstæða þá megið þið endilega láta mig vita, það væri gott að fá að vita að það eru ennþá til hugsjónir ;)

Eníhús, ég er semsagt komin aftur til Akureyrar og verð hérna fram á föstudag. Það er held ég bara notalegt að vera komin aftur, ég er í sama herbergi og síðast og það er ágætt fyrir svona vanaföst dýr eins og mig (ég sit líka við borðið "mitt" á Kaffi Akureyri :P). Planið fyrir kvöldið frestaðist þangað til á morgun af því að við vorum aðeins lengur uppi í vinnu að taka á móti nýjum skrifborðum og innréttingum fyrir þjónustuverið, þetta er allt að verða voða flott svo að ég ákvað að kíkja aðeins hingað á Kaffi Akureyri, fá mér piparmyntute og tölvast aðeins. Ég held samt að þetta sé síðasta skiptið sem ég kem hingað í bili, þær í þjónustuverinu hérna á Akureyri sjá sjálfar um að þjálfa næstu starfsmenn og ég geri ráð fyrir að þær sem ég ætla að kenna hluta af mínu starfi, svo að ég geti farið í frí einhvern tíma, komi suður næst svo að já, ég klára þetta bara og verð svo vonandi bara í bænum það sem eftir er. Þangað til okkur dettur í hug að opna útibú í París eða New York...!

...

2006-06-14T15:08:00.000Z

Ég er föst á Akureyri í mjög takmörkuðu netsambandi, urrg og pirr. Tónleikarnir voru ÆÐI, meira um það seinna, sé til hvort ég kemst á nettengt kaffihús í kvöld eða annað kvöld ;)

Gotta go...

...í dag...

2006-06-09T10:30:00.000Z

...er góður dagur til að syngja blús. *andvarp*

...viðeigandi...

2006-06-06T23:46:00.000Z

...já, mér finnst það!!

Lífið í lit

2006-06-05T14:29:00.000Z

Öhm... Hinn bíllinn hennar Tigru?!

Eins og Anna sá það

Knúið af GSMBloggi Og Vodafone

(Æ það sést kannski ekki nógu vel en það er geggjað flott tígrisdýr á húddinu og sætin eru með tígrisdýraáklæði. Fyndið að sjá tvo svona tígrisdýrabíla sama daginn!)

Lífið í lit

2006-06-04T18:09:00.000Z

Bíllinn hennar Tigru?!

Eins og Anna sá það

Knúið af GSMBloggi Og Vodafone

...

2006-06-03T12:06:00.000Z

Ef ég væri ekki í vinnunni þá væri ég ábyggilega syngjandi og dansandi einhvers staðar í sólinni. Ég væri alla vega ekki sofandi því nýja svefnleysið mitt lét mig vakna kl 7: 30 í morgun. Nýja svefnleysið lýsir sér nefnilega í því að í staðinn fyrir að geta ekki sofnað á kvöldin (eins og gamla, góða svefnleysið) þá vakna ég upp eldsnemma og get ekki sofnað aftur og er bara ónýt yfir daginn. Og er farin að drekka miklu meira kaffi en ég ætti að gera.
En já, annars er lífið bara æði og yndi og fiðrildi og hugs & puppies... Í tilefni af því (eða einhverju öðru, who knows) fáið þið að lesa uppáhalds Garfield kvótin mín:

· All I do is eat and sleep. Eat and sleep. Eat and sleep. There must be more to a cat’s life than that. But I hope not
· Avoid fruits and nuts. After all, you are what you eat.
· His IQ is so low you can’t test it. You have to dig for it.
· I’m hungry. Therefore I am.
· I’m not messy. I’m organizationally challenged!
· If you’re patient… and wait long enough… Nothing will happen!
· You know what “diet” is, don’t you? It’s “die” with a “t,” that’s what it is!
· Would you be willing to lead a parade in celebration of the lazy life? If the answer is yes… you’re all wrong for lazy week.

I *heart* Garfield!

...

2006-05-30T17:14:00.000Z

...and the hits just keep oooon coming... *andvarp*

...AAAARRRRGGGHH...

2006-05-30T10:34:00.000Z

Ég er svo reið og ég er svo sár og ég veit bara ekki hvað ég á að gera. Ég var alveg tilbúin til að vera góða frænkan, vera með smá slaka og athuga hvort það væri ekki hægt að treysta drengnum til að axla pínulitla ábyrgð en nei. Það eina sem hann virðist hafa á hreinu er hvernig er hægt að ljúga að og særa fólk sem þykir vænt um hann og heldur alltaf að hann komist upp með það. Og þótt það komist upp að lokum þá gengur hann bara lengra næst.
Hvað getur maður gert??

...

2006-05-28T16:18:00.000Z

Hmmm...
-
-
-
(but in a good way!)

...

2006-05-25T12:41:00.000Z

Jæja, þarf maður ekki að fara að ákveða sig? Ég tók þetta próf sem ég sá á síðunni hans Þarfagreinis og er bara nokkuð sátt við niðurstöðuna:

Þú ert 40% hlynntur S lista
Þú ert 30% hlynntur V lista
Þú ert 20% hlynntur F lista
Þú ert 10% hlynntur D lista
Þú ert 0% hlynntur B lista

Og nei, ég sameinaðist engum um að vega ódrengilega að flokknum í þeirri von að hann legði árar í bát eins og Halldór Ásgrímsson orðaði það víst í vælubréfi sínu til flokksmanna, þeirra málflutningur höfðar bara engan vegin til mín, eins og sjá má!
Hins vegar finnst mér frekar fyndið að þegar maður slær inn „Framsóknarflokkurinn” í leitarvélina finna.is þá er efsta niðurstaðan síða Sjálfstæðisflokksins!

...a snappy answer...

2006-05-25T00:22:00.000Z

...to a stupid question...

Fólk (sem hefur ekki séð mig lengi): Hey Anna, ertu bara að hverfa?
Ég: Yes. I'm the world's slowest magic trick...

(varð að hafa það á ensku af því að þetta poppaði upp í hausinn á mér á ensku)

...

2006-05-24T14:54:00.000Z

Úff, það er erfitt að vera mamma! Elsku „litli” strákurinn minn vaknaði upp með bráðaofnæmi, heiftarleg útbrot, kláða og bólgur annan daginn í röð kl 7 í morgun og þegar að það lagaðist ekki við að gefa honum ofnæmistöflu fór Trausti bróðir með hann niður á Slysó til að fá sprautu (þurfti að rífa hann upp úr rúminu af því að ég er ekki með bíl). Það var tekin blóðprufa í gær en engar niðurstöður komnar ennþá svo að nú bíðum við bara eftir þeim, læknirinn sem þeir töluðu við í morgun setti hann á sterkari lyf og þetta dugar vonandi fyrir hann greyið.
Hann fílar þetta samt alveg held ég, á meðan þetta er ekkert alvarlegra, hann vaknar, fær lyfin og frí í vinnunni það sem eftir er dags á meðan þetta jafnar sig allt og hangir bara heima að horfa á dvd (held að hann hafi klárað allar Nightmare on Elm Street myndirnar í gær)!
Grey Trausti samt, hann er á fullu að undirbúa kosningasjónvarpið hjá NFS og Stöð2 (hann ER sko kosningasjónvarpið held ég bara, gleymið þessu fólki sem stendur fyrir framan myndavélina, hann er hetjan sem setti þetta allt saman!), var að vinna langt frameftir í gær og svo vek ég hann með látum klukkan rúmlega 7. En við erum víst ábyrg fyrir drengnum svo að maður verður bara að taka þessu...

...

2006-05-23T20:55:00.000Z

Me and my big mouth! Ég verð víst eini kvenkynsfulltrúi fyrirtækisins í Trivial Pursuit keppni sem fram fer í júní. Talið barst nefnilega einhvern vegin að Trivial í einhverjum umræðum um helgina og kom upp úr kafinu að það eru nokkrir innan fyrirtækisins (eða makar) sem vinna mjög oft þegar þeir spila í sínum vinahópi. Í framhaldinu var svo ákveðið að halda Trivial mót þegar allir eru búnir að jafna sig eftir árshátíðina (sem sagt um miðjan júní) þar sem allir sem vinna "alltaf" ætla að keppa, sigurvegarinn verður útnefndur Meistari Miðlunar en fær ekki 5 milljónir, bara bjór! Nú þarf maður að standa við stóru orðin, er einhver til í að taka mig í þjálfunarbúðir?! Ég sé fyrir mér skeiðklukkur, takkaskó og svitabönd sko...

Annars er ég komin með annan fótinn í Breiðholtið þessa dagana, Ásta og Eddi voru að leggja af stað til útlanda með fjölskylduna, þau fara með Norrænu í fyrramálið og ætla í 3 vikna jeppaferð um Skandinavíu. Marvin fer samt ekki með svo að ég og Trausti ætlum að skiptast á að hafa auga með honum, ég á fyrstu vakt. Það verður fínt, þau eiga stórt sjónvarp og stórt rúm og eldhús! Þetta verður eitthvað skrautlegt samt, Marvin er náttúrulega enginn venjulegur 17 ára unglingur. Það eina sem er óhentugt eru auðvitað bílamálin, mamma tók nefnilega bílinn minn á meðan ég var í burtu og ætlaði að láta gera við hann (I *heart* my mom) en kallinn sem ætlaði að gera það hefur ekki ennþá komist í það svo að ég er alveg bíllaus, Trausti fékk bílinn hennar Ástu svo að hann gæti farið með sinn á verkstæði og þau fóru náttúrulega á jeppanum. En þetta reddast einhvern vegin, nú ef allt fer á versta veg þá er bara ekkert langt að labba úr bökkunum og niður á Tunguháls, ca. hálftími eða svo. Það er bara svo kalt!

...and when I come home, cold and tired...

2006-05-21T19:26:00.000Z

Jubb, komin heim og fer ekki aftur norður fyrr en í fyrsta lagi í júlí. Ég þarf alla vega pottþétt að fara aftur einu sinni eða tvisvar í sumar. Af hverju gátum við ekki opnað útibú í París eða New York?!

Íhugunarorð dagsins eru: Be careful what you wish for, you just might get it. Skrítið þegar maður er búinn að hugsa um eitthvað og langa ofboðslega mikið í það svo verður það að veruleika og þá er það bara ekkert það sem mann langar í í rauninni. Þetta er bara asnalegt.

Lífið í lit

2006-05-20T21:52:00.000Z

Goooó Finnland! Mikið rosalega er rokkarahjartað glatt núna! SKÁL :-P

Eins og Anna sá það

Knúið af GSMBloggi Og Vodafone

...Nýtt hljóð í strokknum!...

2006-05-18T22:13:00.000Z

Akureyringar eru æði!! Ég fann Akureyring sem reddaði mér áramótaskaupinu ’85 á tölvutæku formi! Ég byrjaði að horfa á það og ég hló svo mikið að ég ákvað að ég gæti ekki horft á það ein, er ekki stemning fyrir ’85 partíi þegar ég kem heim?! Sem verður á sunnudaginn btw, ég geri ráð fyrir að koma skelþunn heim á sunnudagseftirmiðdag. Ég var nefnilega að fá dagskrána fyrir árshátíðina í hendurnar og mér sýnist bara vera 48 tíma djamm framundan! Og af því að maður er nú fastur hérna í þessu skrítna menningarsamfélagi þá er framboð skemmtunar af skrítnum skammti, við förum á Upplyftingu annað kvöld (á stað sem heitir Vélsmiðjan, ég man ýmislegt þaðan síðan síðast) og á laugardagskvöldið (eftir júró) er víst búið að redda okkur inn í Sjallann þar sem Í ******* fötum (get ekki skrifað... you know!) verður að spila. Inn á milli eru svo óvissuferðir, hlaðborð, drykkja og þú veist... bara það sem manni dettur í hug. Og svona til að hita aðeins upp og í tilefni fimmtudags og svona þá fékk ég mér hvítvín í staðinn fyrir mitt venjulega piparmyntute hérna á Kaffi Akureyri. Það eina sem mér finnst í rauninni vont við að sitja hérna er að ég er farin að söngla með óþægilega mörgum lögum á útvarpsstöð djöfulsins (þið vitið hverja ég á við ;).
Eníhús, sé ekki fram á að vera í miklu tölvusambandi þangað til ég kem heim, verið þið bara góð hvert við annað og kjósið Finnland í Júró, annað er bara bull!!!

Love ya’s, miss ya’s, really wanna kiss ya’s! (kannski ég hefði ekki átt að panta annað hvítvínsglas!)

...

2006-05-16T21:35:00.000Z

Dagur 2. Ég er ennþá lifandi. Sort of...
Hvað er málið með að það er ekki hægt að fá sér að borða á kaffihúsunum hérna? Það eina annað sem er hérna í miðbænum eru skyndibitastaðir og rándýrir veitingastaðir, þeir fyrri eru vondir fyrir mig og þeir seinni vondir fyrir veskið. En það eru a.m.k. 3 kaffihús í göngufæri (ekki það, það er allt í göngufæri hérna) en ekkert þeirra er með mat. Bara kökur. En ég fann loksins piparmyntute á Kaffi Akureyri sem gerir það eiginlega átómatískt að hengátinu mínu á meðan ég er hérna. Ég kemst samt ekki á MSN hérna, bara á netið og útvarpið er stillt á fm9*7 (get ekki skrifað allt orðið, þá dey ég)... Ó hvað standardinn lækkar um leið og maður er kominn út fyrir borgarmörkin.

Vinnan gengur só só, það var ákveðið í gær að ég ætti að sjá um ákveðið verkefni í sambandi við næsta blað sem kemur út en það gleymdist bara að segja mér frá því. Svo að nú er ég með deadline á nýtt verkefni sem ég VERÐ að klára á morgun svo að allt annað sem ég þarf að gera situr á hakanum. Mig vantar afstressun...

Annars er ég komin aftur í klessu. I'm all wonky. Ég vaknaði upp í nótt og ég saknaði einhvers sem ég átti aldrei til að byrja með. Stupid brain with stupid memories about stupid times. Ég held að Akureyri hafi skrítin áhrif á mig. Tímamismunurinn og þyngdaraflið og allt það... Ég veit ekki ennþá hvort ég þarf að vera hérna áfram fram í næstu viku. Allt sem ég veit er að ég kem heim á sunnudag, miðvikudag eða föstudag í næstu viku en það gæti verið of seint, ég gæti verið sokkin í stórkostlegt epískt þunglyndi ef þetta heldur svona áfram...

Ó og STÓÓÓÓÓR knús og hamingjuóskir til Völlu og síðbúnar hamingjur til Hildar með góðu fréttirnar, hver færi líka að segja nei við ykkur ;)

Miss ya’ll (vildi að rúmið mitt gæti lesið þetta...)

...dagur eitt kæri jóli...

2006-05-15T20:03:00.000Z

Jæja, þá er búið að afsanna kenninguna um að það sé alltaf gott veður á Akureyri. Það er skítakuldi og grátt hérna. Gistiheimilið er samt fínt, það er alveg í miðbænum og alveg 5 skref frá vinnunni, hérna er mynd af herberginu mínu (skv. pöntun frá Völlu):

Og hérna er mynd út um gluggann:

A room with a view it aint...

En það er kósí og píííínulítið með píííínulitlu baðherbergi og píííínulitlum fataskáp sem er samt svona “walk-in closet.” Það er uppi á 3 hæð, engin lyfta og þessir stigar eru í harðri samkeppni við Bulldog gistiheimilið í Amsterdam um titilinn “þrengstu og óþægilegustu stigar til að bera þungar töskur upp.” Sem betur fer þarf maður bara að fara einu sinni upp, þetta ætti að verða auðveldara á leiðinni niður ef öll eðlisfræðilögmál virka rétt.

Þessi fyrsti dagur er annars bara búinn að vera fínn, að vísu byrjaði hann frekar snemma, eða fyrir kl 6 í morgun, venjulega þegar ég er vakandi kl 6 er það vegna þess að ég er ekki farin að sofa ennþá. Enda var ég næstum því sofnuð úti á flugvelli kl rúmlega 7 og ákvað þess vegna að fá mér kaffi í flugvélinni. Það entist alveg til kl 16 (ég er sko ekki vön að drekka kaffi svo að þegar það virkar, þá virkar það), þá var eins og ég hefði labbað á vegg og var næstum sofnuð fram á lyklaborðið í vinnunni og til að forða því að ég færi að babbla einhverja vitleysu við viðskiptavinina stökk ég út í Te&Kaffi og keypti annan kaffibolla. Ég er ennþá titrandi og koffíneruð en ég er alla vega vakandi! Ég verð samt eiginlega að viðurkenna að mér fannst flugvélakaffið betra en fína fína Te&Kaffi kaffið.
Eníhús, ég fæ að vita á morgun hvort dvöl mín hér verður framlengd eitthvað fram í næstu viku, ég á ekkert líf hvort sem er og get alveg verið líflaus á Akureyri eins og í Reykjavík...

Ok, ég skrifaði þetta fyrir ofan uppi á herbergi og stökk svo út á Café Amour til að komast á netið, kannski sitja hérna í smástund og hafa það næs en nei, það er leiðindatík að afgreiða, ömurleg tónlist (akkúrat núna er einhver rímix útgáfa af Smooth operator með Sade, ágætis lag svo sem en trommutaktur og syntesiserar gera góða tónlist ekki betri, hvenær ætlar fólk að læra...) og það er ekki einu sinni til piparmyntute, ég er farin eitthvert annað...

P.s. það er kalt alls staðar á Akureyri, ég er í úlpu og langar til að vera með vettlinga hérna inni en ég get ekki pikkað á lyklaborðið í þeim...

...

2006-05-14T01:31:00.000Z

Af einhverjum orsökum sem ég skil ekki alveg, endaði ég í afmælinu hans Hermanns (hver svo sem það nú er, hann er allavega orðinn 25 ára). Það var haldið í Klúbbnum sem er svo mikill úthverfaplebbapöbb (reyndu að segja það 10 sinnum hratt) að það fyrsta sem ég sá þegar ég kom þangað var flíspeysumamma í strigaskóm við barinn og afgreiðslufólkið var líka svona flíspeysufólk (ekki það að það sé eitthvað vont að vera í flíspeysu, það verður bara að viðurkennast að flís er afar sjaldséð í 101 á helgarnóttum). Og til að kóróna plebbismann var hljómsveitin frá Selfossi (eins og Hermann sjálfur skildist mér) og var mjög stolt af að spila Sk*mó (get ekki skrifað allt orðið, þá dey ég) og annað Selfossrusl, gömul júróvisjónlög (Hægt og hljótt í "rokk"útsetningu, WTF?!) og ýmislegt annað óprenthæft.
Fólk virtist samt skemmta sér ágætlega þrátt fyrir það en þar sem svona skemmtanir eru ekki alveg minn tebolli þá ákvað ég bara að fara snemma heim, þarf líka að vakna á morgun og pakka niður. Og ég þarf sko að pakka ÖLLU niður. Föt fyrir viku, plús eitt sett af djammfötum plús eitt árshátíðardress með öllum skófatnaði, snyrtivörum, hárvörum og fylgihlutum sem þessu fylgir... Getur einhver lánað mér stærri tösku??!

...

2006-05-13T10:58:00.000Z

Ég vaknaði ekki með timburmenn, heldur við timburmenn. Einhverjir hálfvita iðnaðarmenn byrjuðu að hamra og bora í blokkina á móti kl 8 á laugardagsmorgni. KLUKKAN ÁTTA Á LAUGARDAGSMORGNI, ER EKKI ALLT Í LAGI?! Ég þurfti að stilla mig um að fara ekki út og henda grjóti í þá og kalla þá öllum illum nöfnum. Ég meina, klukkan átta á laugardagsmorgni er alveg nógu erfitt að sofa þegar sólin er farin að skína í andlitið á manni og fuglarnir byrjaðir að tísta fyrir utan gluggann án þess að þetta bætist við.

Fallegur dagur samt, farið og fáið ykkur ís eða eitthvað á meðan ég myglast í vinnunni...

...

2006-05-11T16:35:00.000Z

Vaaaaáá hvað hún mamma mín losaði sig við bílinn á réttum tíma. Nú sit ég uppi með bilað, hávært pústkerfi og truflanir í ljósa- og læsingabúnaði sem átti að vera búið að laga en var greinilega ekki lagað nógu vel. Djöfuls. En jæja, þetta var hvort sem er of gott til að vera satt, nú legg ég bara bílnum fram á sumar eða hvenær sem ég hef efni á að láta gera við hann, I got them feets, you know!
Og þá þarf ég ekki að eyða pening í bensín á meðan, veiiiiiii!

...

2006-05-09T10:25:00.001Z

Vá. Er maðurinn virkilega að meina þetta?! Gaurinn við hliðina á honum er grunsamlega brosandi og þetta er náttúrulega fáránleg hugmynd! En maður veit samt aldrei með svona heittrúarfólk, það virðist líta hugtakið „rökfærsla” allt öðrum augum en við hin...

...

2006-05-08T11:58:00.000Z

Ég er að fikta. Ég er komin með hundleið á þessum kaktusgræna viðbjóði sem átti alltaf að vera tímabundin lausn hvort sem er...

...

2006-05-08T00:42:00.001Z

Jæja. Fyrir utan það að borða sushi í morgunmat, kaupa mér föt sem ég hef engan vegin efni á, fara á tónleika, partíast og letikastast almennt þá lærði ég um helgina að stundum getur maður ekki horft framan í ákveðið fólk úr fortíðinni.

Þegar ég var yngri, kannski 14-15 ára, var ég að labba með systur minni í Mjóddinni, allt í einu kippti hún í mig og snéri við út í bíl á staðnum. Ástæðan var sú að hún sá fyrrverandi kærasta (frekar nýlega hætt samband þá) og fannst hún engan vegin geta talað við hann af því að hún var ekki alveg nógu vel tilhöfð og eitthvað svoleiðis, hún útskýrði alla vega fyrir mér að þegar hún hitti hann aftur þá vildi hún vera fín og sæt svo að hann sæi nú af hverju hann hefði misst. Og let’s face it, að líta vel út er góð hefnd. Æ, kannski ekki hefnd... Hvað er hitt orðið yfir hefnd, bara minna?!

Alla vega, mér verður stundum hugsað til þessarar stundar þegar ég er búin að hafa mig eitthvað upp á og er voða voða fín og sæt eða þá bara þegar það er einstaklega góður hárdagur. Þá hugsa ég nefnilega með sjálfri mér (með nötrandi kaldhæðni nb) að ég gæti sko hitt hvaða fyrrverandi sem er (sko af öllum þessum “mörgu” sem eru þess heiðurs aðnjótandi að vera í X-Anna klúbbnum). Og það kaldhæðnislega er að ég hugsaði þetta í gær áður en ég fór á tónleikana. Og svo sá ég fyrrverandi (sem ég hef ekki hitt í tæp 2 ár) úti í búð, snéri við á staðnum og hljóp út. Stundum er greinilega sama hvað maður heldur að maður sé kominn langt frá því sem maður var, sumir hafa alltaf lag á að kippa manni til baka.
Æ, ég er bara mjög vond í að takast á við fortíðina.

Líka fortíð sem er miklu minni fortíð, eiginlega bara nútíð ennþá. Þótt maður hafi ekki eldheitar ástartilfinningar til einhvers, þá þýðir það kannski ekki að manni sé alveg sama. Algjört sambandsleysi er alla vega verra en að reiða einu sinni til höggs, ef ætlunin er að höggva... What to do, what to do?
Æ, ég er líka bara vond í tilfinningakrappi yfir höfuð. Ég ætti bara að fara og búa í helli einhvers staðar. Með dádýrum og þvottabjörnum, ekki öðru fólki.

Þetta tilfinningakrapp er samt mun minni hluti af mínu lífi en margur gæti haldið miðað við skrifin á þessari síðu (sem betur fer), attitjúdið mitt er yfirleitt meira; "æ, þetta gerðist, lets laugh and move on" heldur en að vera eitthvað að obsessa yfir hlutum sem ég get hvort sem er ekki breytt og ég veit satt best að segja ekki af hverju ég hef fundið mig knúna til að vera svona dramatísk og tilfinningasöm undanfarið, þetta er engan vegin raunsönn endurspeglun af mínu lífi!

...

2006-05-07T05:08:00.000Z

Dang, and a good party it was! Og síðasta helgi endurtók sig ekki, tvöfalt hallelúja fyrir því!!!

Lífið í lit

2006-05-06T23:33:00.000Z

Now that's what I call a party! SKÀL!!

Eins og Anna sá það

Knúið af GSMBloggi Og Vodafone

...

2006-05-06T13:37:00.000Z

Í dag er megrunarlausi dagurinn, go nuts!

Ég fékk mér sushi í morgunmat, mér finnst það mjög góð byrjun á megrunarlausum degi!

Lífið í lit

2006-05-04T21:20:00.000Z

Veiii, fèkk kòkòmjòlk og heimsòkn!

Eins og Anna sá það

Knúið af GSMBloggi Og Vodafone

...got milk?...

2006-05-04T16:33:00.000Z

I got cake, komdu í heimsókn!

Mér finnst nefnilega mjög róandi og gott að baka svo að ég yfirtók eldhúsið heima hjá systur minni í gær og bakaði „holla” súkkulaðiköku sem er alveg dýrðarinnar dásamleg og góð (en það þarf samt mjólk með henni og hún er mjög súkkulöðuð þótt hún sé „holl”) og bjó til nammi sem er svooooo gott. Og líka hollt.
I feel very zen now...

...

2006-05-03T17:18:00.000Z

Það fór ekkert allt til helvítis í alvörunni, bara í smástund meðan hausinn á mér bráðnaði. Annars er ég aðallega bara heima hjá mér þessa dagana í algjöru off-mode. Það er mjög gott en ekkert sérstaklega bloggvænt...

...helvítis...

2006-04-29T14:11:00.000Z

Helvítis. Helvítis helvítis helvítis.

...

2006-04-28T09:32:00.000Z

Vitiði hvað er mest pirrandi? Að ætla að nota tækifærið fyrst maður þarf ekki að vakna snemma í dag og sofa út eftir skrykkjóttan svefn síðustu nátta, bara til að vera minnt á það að dagmamman í næsta stigagangi hendir börnunum í vagna út á svalir eldsnemma á morgnana og lætur þau grenja sig í svefn...

...guess the future is here after all...

2006-04-26T23:48:00.000Z

Myndatextinn sést eitthvað illa: „Scientists from the RAND Corporation have created this model to illustrate how a "home computer" could look like in the year 2004. However the needed technology will not be economically feasible for the average home. Also the scientists readily admit that the computer will require not yet invented technology to actually work but 50 years from now scientific progress is expected to solve these problems. With teletype interface and the Fortran language, the computer will be easy to use.”

Þvílík framtíðarsýn! Hvað ætli þessi myndi segja ef hann sæi lappann minn?! Sem minnir mig á það, veit einhver þarna úti hvort það er óhætt að mála fartölvur?! Mig langar nefnilega til að gera smá listaverk á hana en ég veit ekki hvort það er skynsamlegt. Eða hvernig málningu ætti að nota. Það gæti kannski gengið að segja plastfilmu á lokið og mála á hana en það gæti orðið sóðalegt ef plastið losnar upp... Anyone???

...

2006-04-25T21:51:00.000Z

Neibb, ég er bara undarlega tóm. Mig langar ekki til að hugsa um þessa síðustu daga og vikur og mig langar ekki heldur til að skrifa um þær. Ég er alla vega hætt að lemja mig í hausinn með hamrinum, þetta ætti að fara að verða gott bráðum.

Það er samt svo skrítið með þetta líf að þegar eitt gengur ekki upp þá gengur eitthvað annað vel. Einkalífið sökkar en það gengur allt upp í vinnunni. Sem er gott því það léttir alla vega til í hausnum á manni á meðan. Ég þarf svo að taka eina viku á Akureyri í maí til að taka við nýju starfsmönnunum sem koma úr þjálfun í Reykjavík. Sem betur fer kem ég undirbúin eftir síðustu Akureyrarferð, ég veit hvar kaffihúsin eru og hvar er hægt að fá gott Sesar salat, hvaða skemmtistaði ég nenni ekki á og hvernig maður fer á rúntinn! Ekki það, ég fer fljúgandi svo að ég verð ekki með bíl en verð staðsett alveg í miðbænum svo að ég get fylgst með rúntfólkinu. Og kannski farið í skemmtilega hnakkaleikinn sem við fundum upp þarna síðast...
Ég ákvað að fara 15.maí, vinna af krafti út vikuna og svo verður árshátíðin okkar á Akureyri þann 20. (sem er samt júróvisjón kvöldið, það er eiginlega verið að hafa af manni djamm með því að hafa þetta á þessum degi! En það er samt búið að redda skjávarpa og græjum í salinn sem við verðum í svo að við ætlum að horfa á Júró með öðru auganu yfir einhverjum fansí smansí mat og drykk). Og tilbreyting er á við frí svo að þetta verður fínt. Fínt segi ég. Lífið heldur alltaf áfram og það verður betra einhvern tíma... ;)

Lífið í lit

2006-04-20T12:15:00.000Z

Gemmèr...!

Eins og Anna sá það

Knúið af GSMBloggi Og Vodafone

...lífið...

2006-04-17T19:19:00.000Z

„So why do I keep hitting myself in the head with a hammer? Cause it feels so good when I stop.”