...No Power in the Verse can stop me...

Duran Duran hvað??? Ég man eftir Snúran Snúran!!!
Snúran Snúran kom fram í Stundinni okkar nítjánhundruðáttatíuogeitthvað og spiluðu lög eins og „Kornflex” á frumstætt trommusett og gítar með eitthvað færri strengjum en upphaflega var gert ráð fyrir.
Það er eins og mig minni að það hafi verið hljómsveitakeppni eða eitthvað svoleiðis í gangi í SO en ég man ekkert eftir neinum öðrum hljómsveitum, bara Snúran Snúran sem var snilld!
(Held ég, þessi minning er lituð með litum bernskuminninga sem eiga það til að fara út fyrir línurnar...)

…Grab that cash with both hands and make a stash.

Það er miðvikudagur og ég hef ekkert annað að gera en að bíða eftir föstudeginum. Það vill nefnilega svo skemmtilega til að auk þess að vera föstudagur, sem eitt og sér er tilefni taumlausrar gleði, þá er næsti föstudagur, 1. júlí, líka útborgunardagur og Einarshittingsdagur og má vart á milli sjá hvort er meira gleðiefni! Nei ég segi nú bara svona, auðvitað vinnur Einar hands down…
Ég hlakka samt alveg til að fá útborgað, þetta verður í fyrsta skipti síðan áður en ég fór í skólann sem ég fæ „alvöru” laun, ekki „rétt-nóg-til-að-kaupa-núðlur-út-mánuðinn” laun. En ég tek hlutverk mitt sem fátækur námsmaður mjög alvarlega og peningar eru hvort sem er ekki það mikilvægasta í heiminum.
Og í þessum töluðu orðum var ég trufluð af bókhaldara fyrirtækisins sem tilkynnti mér að ég fengi launahækkun! The world works in mysterious ways. Og hvað á maður svo að gera við alla þessa peninga? Mig langar að kaupa mér fullt af bókum (sem ég á samt ekki eftir að hafa tíma til að lesa) og allskonar dót. Eða kannski bara byrja að grynnka aðeins á óskalistanum mínum á amazon. Jæja, byrja allavega á því að borga skólagjöldin (já, ég kalla þetta skólagjöld), svo sjáum við til.

...that make up a dull day.

Jæja. Síðan í september hefur þetta gerst:

*Sótti um vinnu hjá Íslenska Útvarpsfélaginu
*Byrjaði að vinna hjá Norðurljósum
*Vinn núna hjá 365-prentmiðlum
*Náði öllum jólaprófunum, vei!
*Hafði það rooooosalega gott í lööööööngu jólafríi
*Hætti að halda upp á afmælið mitt og ætla héðan í frá að halda upp á afmæli innra barnsins míns
*Tommi hoppaði inn í líf mitt á einum fæti
*Jóga. Mmmmmmm jóga
*Tók „procrastination” kast dauðans eftir áramót, hætti í einum kúrs og nánast frumlas hina fyrir próf. Úbbs! Bíð núna eftir að fara í sumarpróf í tölfræði...
*Missti af Þórsmerkurferðinni. Aftur. *grát*
*Komin aftur „heim” til Miðlunar í sumar, verð semsagt að vinna voða voða mikið næstu 2 mánuði
*Ætla að labba á Esjuna í sumar og gerast almenn útivistargeit.
*Hildur þykist ætla að flytja til útlanda (hrmpf, það er sko enginn Einar í útlöndum jú nó...)
*Valla þykist kannski ætla að fara til ennþá meiri, stærri og lengra í burtu útlanda (þá verður Einar bara Al og ég fer að gráta)

Annars er ég bara hamingjusöm sko...

Hmmm... Kannski það geti verið svona eins og kaktus, það tók mig alveg nokkur ár að drepa kaktusinn minn!

Og af því tilefni setjum við templatið í kaktusgrænan sumarbúning...