<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d8130701\x26blogName\x3d...No+Power+in+the+Verse+can+stop+me...\x26publishMode\x3dPUBLISH_MODE_BLOGSPOT\x26navbarType\x3dBLACK\x26layoutType\x3dCLASSIC\x26searchRoot\x3dhttps://skolabull.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://skolabull.blogspot.com/\x26vt\x3d-965859614412168442', where: document.getElementById("navbar-iframe-container"), id: "navbar-iframe" }); } }); </script>

...No Power in the Verse can stop me...

mánudagur, október 31, 2005

...

posted by annabjörg @ 5:19 e.h.  
Sko hvað mín er tæknileg, búin að setja upp Mblogg og allt saman! Mikið til ætlað fyrir Hildi auðvitað ;)

Lífið í lit

posted by annabjörg @ 5:05 e.h.  
Gula mìlan!
Eins og Anna sá það


...

posted by annabjörg @ 3:37 e.h.  
Mér finnst „insomnia” vera mjög fallegt orð...

sunnudagur, október 30, 2005

...

posted by annabjörg @ 4:57 e.h.  
Gaawd, ég er svefnlaus og vitlaus í dag. Hef ekki náð að sofa almennilega síðan í síðustu viku og ég er viss um að Valla stal svefninum mínum! Annars er sæmilega viðburðarík helgi að baki, skrítin en alveg mátulega klikkuð. Fór til Völlu í gær og lærði svolítið, svaf pínulítið, horfði á My name is Earl og fór í Sing Star. Fór svo í afmæli í gærkvöldi þar sem var mikið sungið og spilað undir á gítar, harmonikku og bongótrommur! Mjög áhugaverð samsetning verð ég að segja. Dagurinn í dag er svo sem betur fer bara rólegur, er að reyna að læra (must.finish.essay) en ég er svo þreytt að það gengur eiginlega ekki neitt. Er mikið að spá í að flytja niður í Þjóðarbókhlöðu í næstu viku til að klára þetta. Mig vantar líka heimildir, það eru allar góðu bækurnar um efnið í útláni eins og venjulega. Ef þið vitið eitthvað um hvernig smáríki í Evrópu hafa brugðist við Evrópusamrunanum þá megið þið láta mig vita.
Og já, My name is Earl eru geggjaðir þættir. Farðu og náðu í þá NÚNA. Í alvörunni, þetta er bara eins og demantur sem stendur upp úr mykjuhaug lágkúrulegs sjónvarpsefnis. Ekki það að þetta sé einhver hámenningarlegur húmor eða neitt svoleiðis, þetta er bara vandaður húmor. Mátulega svartur og yndislega grófur á köflum. Það verður mitt fyrsta verk þegar ég er komin með tölvuna mína (sem verður líklegast bara núna í vikunni, veiiiii!) að ná í Earl. Og Veroniku Mars. Og Scrubs. Og fullt af fleiru sem ég man ekki akkúrat núna en ég er búin að skrifa lista! Ég á ábyggilega eftir að breytast í lítinn Gollum eftir nokkrar vikur...

laugardagur, október 22, 2005

Ég er ekki...

posted by annabjörg @ 6:34 e.h.  
*dáin
*týnd
*flutt upp í sveit að einbúast
*búin að finna kærasta sem tekur allan tíma minn svo að ég hef ekki tíma til að blogga
*svo svakalega dugleg að læra að ég hafi ekki tíma til að blogga (því miður)

Það er hins vegar búið að vera eitthvað svo mikið að gera í vinnunum mínum undanfarið að ég hef ekki náð að henda neinu inn hérna. En það stendur nú til bóta, ég hefi ákveðið að kaupa mér eitt stykki fartölvu og hendast þar með langleiðina inn í tuttugustu og fyrstu öldina. Og þá get ég bloggað allan sólarhringinn ef mér sýnist svo!



Ég fór nefnilega að hugsa um daginn að fyrst ég er að vinna hjá fjarskiptafyrirtæki sem veitir starfsmönnum 50% afslátt af ADSL tengingum þá ætti ég endilega að notfæra mér það. Og til þess að geta notfært mér það þá þarf ég að eiga tölvu. ”Hey, kaupum 117þúsund króna tölvu til að fá 50% afslátt af reikningi sem verður bætt við núverandi útgjöld!„ Girl logical enough for ya?!
Ég fæ tölvuna reyndar mun ódýrari og það er náttúrulega sparnaður. Mér finnst ég bara ógó dugleg að spara.
Nei, ok, ég veit að ég er ekkert að spara og að ég er að brjóta áramótaheitið mitt sem var: „ENGAR NÝJAR SKULDIR ÁRIÐ 2005” en ég var svo dugleg bæði 2003 og 2004 að kaupa ekkert nema ég hefði efni á því (sem þýðir að ég á krappí drasl, en ég Á líka þetta krappí drasl!) svo að ég held að það sé í lagi núna að skulda smá.
Svo var ég líka að fá launahækkun í vinnunni (á reyndar eftir að athuga hvort hún tekur gildi fyrir áramót, nýja starfið mitt byrjar alla vega um áramótin) svo þetta er eiginlega allt í lagi.

Só... Eigum við að fara að skipta niður á okkur þáttum til að ná í?!

þriðjudagur, október 04, 2005

...

posted by annabjörg @ 4:10 e.h.  
Urr hvað ég þoli ekki lækna. Ekki fyrir það að vera læknar sem þurfa að pota í mann og spyrja óþægilegra spurninga eins og það sé eðlilegasti hlutur í heimi, ekki fyrir að vera yfirleitt handkaldir ef þeir þurfa að snerta mann einhvers staðar eða fyrir að láta mann oftast bíða í lengri tíma flettandi gömlum og leiðinlegum blöðum áður en maður kemst að. Nei, það sem ég þoli minnst við lækna er að borga þeim. Nú er ég reyndar þeirrar skoðunar að læknar eigi (í samræmi við þá menntun sem þeir verða sér úti um) að hafa ágætis laun. Mér finnst samt líka óþarfi að staðla gjöldin á læknastofum svo rosalega að maður greiðir það sama fyrir 2 mínútna viðtal og 20 mínútna ítarlega skoðun (sama nefnilega hvaða menntun maður hefur, maður á að fá borgað fyrir það sem maður gerir, ekki það sem maður kann).
Ég fór nefnilega til læknis í dag. Sem betur fer er ég nú ekki alvarlega veik eða neitt slíkt heldur þurfti ég að leita álits læknis á ákveðnu vandamáli. Læknirinn tók á móti mér og spurði um erindið, ég sagði honum það og þá segir hann; já, ég er reyndar í samstarfi við annan lækni sem myndi kíkja á þetta fyrir þig. Ok segi ég, læknirinn skoðar kvillann minn örsnöggt og skrifar svo tölvupóst til hins læknisins með mínum upplýsingum og segir mér að það verði hringt í mig til að ákveða tíma. Allt þetta tók ca. 5 mínútur í það heila og fyrir þessar 5 mínútur greiddi ég tæpar þrjúþúsund krónur, sem er flokkað sem komu-og skoðunargjald. Og ég var ekki einu sinni skoðuð og þarf ábyggilega að borga hinum lækninum ennþá meira! Urrrrrrrrr…


Powered by Blogger And Falconer Designs.