<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d8130701\x26blogName\x3d...No+Power+in+the+Verse+can+stop+me...\x26publishMode\x3dPUBLISH_MODE_BLOGSPOT\x26navbarType\x3dBLACK\x26layoutType\x3dCLASSIC\x26searchRoot\x3dhttps://skolabull.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://skolabull.blogspot.com/\x26vt\x3d-965859614412168442', where: document.getElementById("navbar-iframe-container"), id: "navbar-iframe" }); } }); </script>

...No Power in the Verse can stop me...

þriðjudagur, nóvember 29, 2005

Lífið í lit

posted by annabjörg @ 10:02 f.h.  
Þemamyndin: Týndur
Eins og Anna sá það


sunnudagur, nóvember 27, 2005

Fokk...

posted by annabjörg @ 12:35 e.h.  
...Hver í andskotanum skrúfaði frá dramakrananum??

Er ekki alveg að meika einhvern stalker-boi akkúrat núna (ekki það að það sé nokkurn tíman þægilegt!), drunk dialling og óskiljanleg sms um miðjar nætur eru EKKI leiðin að hjarta ungra stúlkna...

laugardagur, nóvember 26, 2005

Lífið í lit

posted by annabjörg @ 4:00 e.h.  
Oooo það er svo gott ad fá smá knús og klapp, Tiki er sko algjör kelirófa!
Eins og Anna sá það


föstudagur, nóvember 25, 2005

...

posted by annabjörg @ 4:18 e.h.  
Fór ekki á Gullkindina í gær, var hreinlega of þreytt. Í staðinn lærði ég smá og þóttist vera að læra meira með Völlu en vorum eiginlega meira að skoða ferðasíður og horfa á VM. Vissuð þið að það kostar ekki nema ca 550þúsund að fara í 5-6 mánaða skipulagða ferð um Suður-Ameríku?! Ég fékk alveg smá fiðring í ferðatána við að skoða þetta allt saman, mig langar svo í einhverja svona STÓRA ferð, langar að hitta fólk sem maður getur lært nýja hluti og siði af... Langar að upplifa eitthvað. Ég er ekkert viss um að það sé neitt hérna sem gæti stoppað mig, námið verður ennþá hérna þegar ég kem til baka, ef ég tek mér pásu þá get ég unnið eins og geðsjúklingur í hálft ár, borgað upp megnið af skuldum og reikningum og borgað eina svona ferð...
En þetta eru bara pælingar. Ennþá... Það blundar nefnilega lítið ferðadýr inní mér sem virðist vera að vakna til lífsins þessa dagana og langar að sjá eitthvað annað en strendur og fulla túrista eins og í síðustu ferð. Indland, Ástralía, Suður-Ameríka og Kyrrahafseyjarnar eru draumaáfangastaðirnir akkúrat núna. Svo var ég að reikna út á roundtheworldflights að ef ég vel þá leið sem ég vil fara þá kosta flugmiðarnir ekki nema ca. 170þúsund og það er sko með viðkomu í Asíu, Ástralíu og Suður-Ameríku.
Ég er að gera mig brjálaða með því að skoða þetta, annað hvort verð ég að hætta að skoða eða fara að gera alvöru úr þessu...

Annars er tölvan mín komin til landsins og ég fæ hana í hendurnar um eða eftir helgi geri ég ráð fyrir, nú bíð ég bara eftir að fá tengingarmál í lag og svo verð ég online 24/7 næstu vikurnar! Það er svo gaman að eiga nýtt dót!!!

fimmtudagur, nóvember 24, 2005

...

posted by annabjörg @ 11:29 f.h.  
Fallegi stjörnubjarti morguninn breyttist í yndislegan dag, nú get ég ekki ákveðið mig hvort mig langar meira niður að sofa eða út í göngutúr...

Kannski bara best að fara í smá göngutúr og svo leggja sig smá... Bara smá auðvitað því ég ætla að vera ógó dugleg að læra í dag. Og fara á Gullkindina í kvöld, þótt Silvía Nótt sé að kynna, mig langar alveg svakalega til að sjá Rass unplögged (NEI EKKI ÞANNIG, PERRINN ÞINN! Pönkhljómsveitin Rass kemur fram og spilar órafmagnað. Pönk á kassagítar, það ætti að vera spes)...

...

posted by annabjörg @ 10:31 f.h.  
Tiki og Toppur eru í pössun hjá mér fram yfir helgi á meðan eigendurnir bregða sér til Boston (enda er ég sérlegur húsa- bíla- og gæludýrapassari fyrir fjölskylduna!). Snúður er ekki alveg að fíla þessa heimsókn ennþá, hann er eitthvað óöruggur greyið. En þeir eru alveg vinalegir samt, hef samt pínu áhyggjur af að þeim lendi eitthvað saman út af fætinum og öllu því, Snúður hefur nú lent í svoleiðis áður...

Random hugsunarbrot dagsins:
Lykt er magnað fyrirbæri...

Lífið í lit

posted by annabjörg @ 10:28 f.h.  
Tiki og Toppur komnir í pössun...
Eins og Anna sá það


þriðjudagur, nóvember 22, 2005

...

posted by annabjörg @ 12:20 e.h.  
Þetta Idol var einu sinni fyndið. Það er hætt að vera fyndið og orðið scary, í dag eru búnar 2 seríur og úr þessum 2 seríum eru held ég 4 eða 5 einstaklingar (og einn hallærislegur sönghópur) sem gefa út plötur fyrir jólin með ófrumlegu efni. Tökulög í steingeldum útgáfum sem enginn hefur þörf fyrir að hlusta á (og ein vond frumsamin ballaða pr. plötu) er það sem flæðir yfir okkur í kjölfar Idolsins, fyrir utan alla hina hugmyndasnauðu söngvarana sem eru með áskrift að plássi fyrir ábreiðuplötur í jólatörninni og fyrst það eru svona margir sem fá að gefa út plötur núna, hugsið ykkur hvað gerist á næsta ári þegar enn fleiri vælarar verða byrjaðir á sínum 15 mínútum (mín kenning er reyndar sú að frægð á Íslandi sé ekki 15 mín heldur meira svona 3x5 mín, Íslendingar eru nefnilega svo fljótir að gleyma…). Ég er að hugsa um að vera í Guam um næstu jól…
Það sem er samt mjög hughreystandi er að þetta er alls ekki það eina sem er að gerast í músíkmálum fyrir jól, það er ferlega mikið af flottum, ferskum hljómsveitum og tónlistarmönnum sem bjarga manni úr Idol-lágkúrunni, það er rosalega mikið af flottri tónlist í gangi akkúrat núna ef maður nennir að hlusta; Úlpa, Lights on the Highway, Sign, Jeff Who?, Jakobínarína, Þórir og fuuuuullt af öðrum sem eru allavega með smá metnað í tónlistargerð. Sem betur fer…

Verð líka að segja að ég heyrði lag með honum Begga í Sóldögg (sem er víst að gefa út ábreiðuplötu fyrir jólin, nema hvað?!), man ekkert hvaða lag það var en ég get svo svarið það ég hélt að þetta væri Mike Flower Pops mættur aftur með nettu hallærislyftutónlistina sína!
…And after all, you’re my wonderwall, dududududu…!!!

mánudagur, nóvember 21, 2005

...

posted by annabjörg @ 4:19 e.h.  
Leifur laganemi og lukkudýr fær knús og kossa dagsins fyrir að vera afmælisstrákur!

________
Sjitt, ég get svo svarið það, fólk sem vinnur í húsunum sem ég labba framhjá á leiðinni í vinnuna heldur ábyggilega að ég sé eitthvað klikk! Ég er nefnilega þannig að ef ég er að labba ein þá byrja ég hinar furðulegustu samræður við sjálfa mig í hausnum á mér og stundum veit ég bara ekki fyrr en ég er skellihlæjandi, labbandi ein á gangstétt einhvers staðar... Yfirleitt fatta ég þetta samt á sama staðnum á hverjum degi og reyni að halda niðri í mér hlátrinum yfir að hafa gert þetta aftur! Mér finnst ég bara svo skemmtileg að ég get ekki annað en skemmt mér með mér...

(Tók nefnilega eftir gaur sem horfði voða mikið á mig út um gluggann sinn í dag, hann hefur kannski séð þessa sýningu áður!)

sunnudagur, nóvember 20, 2005

I've been thinking about...

posted by annabjörg @ 9:23 e.h.  
...my doorbell...

Takk takk takk! You made my night hon...

...

posted by annabjörg @ 6:25 e.h.  
Þetta varð óvart mun meiri djammhelgi heldur en áætlun gerði ráð fyrir! Fór í afmæli hjá vinnufélaga mínum í gær og svo lenti ég alveg óvart í smá föstudagsdjammi líka sem var æði (endaði samt snemma og endaði vel!). Er semsagt pínulítið þunn í vinnunni í dag. Mig langar sko alveg að vera heima, undir sæng að hlusta á góða tónlist. Mig langar líka ógó mikið í þynnkumat en ég er að vinna ein til 22 í kvöld svo ég kemst ekki einu sinni til að kaupa neitt. Mig langar líka á White Stripes. Mér finnst lífið svo endalaust ósanngjarnt akkúrat núna!

laugardagur, nóvember 19, 2005

Lífið í lit

posted by annabjörg @ 11:08 e.h.  
Skál!
Eins og Anna sá það


fimmtudagur, nóvember 17, 2005

Sjæks, það er nóvember!

posted by annabjörg @ 1:06 e.h.  
Kom upp til að nota tölvuna og læra og hvað haldiði að sé það fyrsta sem ég sé þegar ég fer að græjunum til að kveikja á útvarpinu? Kallinn bara búinn að taka fram jóladiskana! Hann er nú svolítið mikið jólabarn í sér hann pabbi minn...

miðvikudagur, nóvember 16, 2005

Það er...

posted by annabjörg @ 6:05 e.h.  
...bara 1 klst og 55 mínútur í snilldina...

mánudagur, nóvember 14, 2005

...

posted by annabjörg @ 1:56 e.h.  
Ok, það geta aðrir talað um hvað Eddan er tilgangslaus og allt það en ég verð að spyrja: Hvaða úber-fokking djók er það að Sylvía Nótt fær ekki bara ein heldur tvenn verðlaun? Nú skil ég að Sylvía Nótt er tilbúinn karakter og þetta er ákveðin tegund af húmor, ég skil meira að segja þennan húmor en mér finnst hann bara ekki fyndinn í hennar meðförum. Johnny National er búinn með þetta form, braut það snyrtilega saman og gekk frá því inn í skáp og ég get ekki séð að það hafi verið kominn tími á að viðra það. Skemmtiþáttur ársins o svei, það eina sem þessi þáttur ætti að fá verðlaun fyrir er förðun og/eða hárgreiðsla...

Omygodomygodomygod!!!

posted by annabjörg @ 1:13 e.h.  
Valla, ég er komin með miða á Serenity á miðvikudagskvöldið!

Lífið í lit

posted by annabjörg @ 12:22 e.h.  
Hr. Sætastur
Eins og Anna sá það


Lífið í lit

posted by annabjörg @ 12:48 f.h.  
Þemamyndin: Tími
Eins og Anna sá það


laugardagur, nóvember 12, 2005

...

posted by annabjörg @ 11:45 e.h.  
Æj hvað mér þykir vænt um þessa gríslinga mína og enn meira fyrir hvað þau eru alltaf góð við frænku sína, bæði farin að sofa fyrir klukkan ellefu, ekkert múður og ekkert röfl. Bless their little hearts!

Vona svo bara að foreldrarnir standi við það að koma snemma heim, þá er allt í gúddí og ég get gert það sem ég þarf að gera...

Lífið í lit

posted by annabjörg @ 11:30 e.h.  
Einn sofandi Bjarki
Eins og Anna sá það


Lime and limpid green, the sound surrounds...

posted by annabjörg @ 3:20 e.h.  
...the icy waters underground


Held að ég meiki ekki samfelldan texta í dag.

Slagsmál við kónguló í miðri sturtu (með sjampó í hárinu og hálfrakaðan handarkrika) er ekki góð leið til að byrja daginn. Fyndin, en ekki mjög góð.

Veðrið er næstum fullkomið.

Mér finnst ömurlegt að vera of blönk til að komast á White Stripes.

Hlakka til að fara að passa krútt- og kitlumallana mína í kvöld.

Hlakka líka til að elda í kvöld, I luv it when I get my hands on a kitchen! (Á matseðlinum eru kjúklingur, grænmeti og villihrísgrjón en hver samsetning þessara hráefna verður kemur í ljós síðar.)

Stjörnuspáin mín í dag segir að ég sé „tryllingslega aðlaðandi núna.” Einstaklega skemmtilega orðað hjá stjörnunum, ætli þær hafi séð kóngulóarslagsmálin mín?!

Hún segir líka að ég sé heppin í ástum!

Stjörnuspáin mín er klikkaðri en ég í dag (enda er ég einstaklega róleg þessa helgi).

Tarantínó er kúl og mig langar að sjá Hostel.

Mér finnst Xfm þrjátíu þúsund sinnum betri en Xið. Tónlistarlega séð eru þetta svosem ekkert ólíkar stöðvar en þegar 365 klipptu gamla Xið út þá misstu þeir gríðarlega mikið af góðum útvarpsmönnum frá sér og Xfm græðir bara á því (og eru alltaf að græða, nú er Dr.Gunni kominn þangað og það hreinlega lekur snilldin út úr útvarpinu hjá manni). Það er engin lygi að þeir björguðu rokkinu. Allavega í mínum huga.

Ég druslaðist loksins til að byrja aftur að stunda jóga. Það er svooooo gott en ég fékk harðsperrur. Það hefur ekki gerst í háa herrans...

Tölvan mín kemur ekki fyrr en eftir næstu helgi :(

Ég þarf svo mikið að læra. Á ennþá eftir að kaupa eina bókina í Evrópusamvinnukúrsinum. Þetta gengur sko ekki lengur.

Ooooog búið...

föstudagur, nóvember 11, 2005

...

posted by annabjörg @ 3:01 e.h.  
Þessi er svo mikið föstudags eitthvað:

A study at Latrobe University showed that the kind of male face that a woman finds attractive can differ, depending on where a woman is in her menstrual cycle. For instance, if she is ovulating she is attracted to men with rugged and masculine features. If she is menstruating, she is more prone to prefer a man with scissors shoved in his temple and a cricket bat jammed up his arse while he is on fire.

fimmtudagur, nóvember 10, 2005

...

posted by annabjörg @ 2:58 e.h.  
Svefnleysi getur haft undarleg áhrif á hugsanaferlið...

Ég er með línu úr SigurRósarlaginu með Coldplay fasta í hausnum á mér:
„When you get what you want but not what you need.”
Ég veit hvað mig langar í en ég veit ekki hvers ég þarfnast. Fyrir utan þetta augljósa; mat, húsaskjól og allt það, hvað þarf maður í raun og veru? Ef maður gæti bara í smástund stigið út fyrir sjálfan sig og horft á það sem maður er þá fengist kannski svar en sjálfmiðaður heili okkar gerir bara ráð fyrir að hann verði að tryggja afkomu okkar og afkomendur. Gen eru sjálfselsk og gera okkur sjálfselsk. Allt snýst um mig. Sama hver ég er. Sama hver þú ert, þá snýst allt um þig. Þetta er ekki okkur að kenna. „We don’t have to be the best, we just have to be good enough.” Alla vega er það nóg frá erfðafræðilegu sjónarmiði.
Þróunarsagan er skrifuð í fuglinn minn, hann hefur eðlisávísun sem þróaðist hjá forfeðrum hans en hann býr í búri heima hjá mér, rétt eins og foreldrar hans bjuggu í búri einhvers staðar annars staðar og foreldrar þeirra líka. En genin eru eins og þau voru þegar aðstæður voru allt aðrar í heiminum. Genin eru eftirá. Við erum löngu búin að búa til nýjan heim til að búa í en við erum ennþá að berjast fyrir sömu hlutunum og áður. Takmarkaður tími á jörðinni þýðir takmarkaður tími til að fylgjast með og læra af reynslunni.
Það er ekki hægt að læra af reynslu annarra svo að hver kynslóð þarf að finna upp hjólið, hvert barn sem fæðist þarf að fara í gegnum það sama og þeir milljarðar manna sem hafa farið um jörðina á undan því en einstaklingsmiðuð reynsla kennir manni ekkert um heiminn. Maður, líttu þér nær en nær væri að segja, Maður líttu þér fjær. Sjáðu allt sem er í heiminum og þú getur ekki snert. Sjáðu alla staðina sem þú munt aldrei heimsækja, allt fólkið sem þú munt aldrei hitta. Hugsaðu um óendanleikann og að þú ert ekki hluti af honum. Þú ert bara á þínum stað, hugsandi um sjálfan þig og hvað þig langar í. Alveg eins og ég. Hvers þarfnast ég?
„When you get what you want but not what you need…”

Lífið í lit

posted by annabjörg @ 3:36 f.h.  
Fyrst svefn virðist ekki vera í boði í nótt er þetta næst á dagskrá...
Eins og Anna sá það


þriðjudagur, nóvember 08, 2005

Lífið í lit

posted by annabjörg @ 8:20 e.h.  
Þemamyndin: Kind/ur
Eins og Anna sá það


sunnudagur, nóvember 06, 2005

Tímaskakkur eða bara kalkaður?!

posted by annabjörg @ 9:13 e.h.  
Var að tala við mann sem er fæddur 1924 og hélt því statt og stöðugt fram að hann væri í viðskiptum við Iðnaðarbankann í Lækjargötu! Kölkun eða sönnun fyrir tilvist og notkun tímavéla?!

...

posted by annabjörg @ 8:14 e.h.  
Valla var að stinga upp á því að við settum upp okkar eigið ljósmyndamaraþon. Það fer þannig fram að við erum búnar að setja saman lista yfir þemu og við höfum 2 daga til að gera hverju þema myndræn skil (með símamyndavél eða venjulegri) og birta á heimasíðum okkar. Engin keppni, hugmyndin er meira að reyna að líta aðeins öðrum augum á heiminn. Fyrsta verkefnið liggur fyrir og verður vonandi tilbúið á morgun...

Ef einhverjum finnst þetta góð hugmynd og vill vera með er það alveg hjartanlega velkomið (meira að segja fólk sem er í útlöndum og á myndavélasíma (þótt hann sé soldið lélegur) getur verið með!).

...

posted by annabjörg @ 7:11 e.h.  
Mikið rosalega er Fight Club annars góð mynd. Það er kúrs í sálfræði sem heitir Lífeðlisleg sálfræði þar sem eitt af ritgerðarefnum síðasta vetrar var Áhrif svefnleysis á geðsjúkdóma eða eitthvað í þá áttina og mig langaði virkilega mikið til að taka FC fyrir og skrifa ritgerð um framgang myndarinnar út frá heimildum um efnið. En ég hætti í Lífeðlislegu og þurfti þess vegna ekkert að skrifa þessa ritgerð. Ef ég tek hana seinna þá getur vel verið að ég hafi þetta efni bakvið eyrað...

laugardagur, nóvember 05, 2005

...

posted by annabjörg @ 9:59 e.h.  
Jæja, bara mínúta eftir af helvíti dagsins, svo er ég farin heim að horfa á Fight Club en ég ætla nú ekkert að tala um það...

And every day...

posted by annabjörg @ 7:52 e.h.  
...the paperboy brings more...

(Ætli það sé ekki best að taka það fram, fyrst þetta er á hálf-opinberri síðu, að þetta eru mínar persónulegu skoðanir og tengjast í engu skoðunum yfirmanna minna eða 365-prentmiðla og endurspegla ekki á nokkurn hátt frammistöðu mína í starfi! Þetta er bara röfl.)

Í dag hata ég hina vinnuna mína næstum jafn mikið og ég hata Raymond. Og þið vitið að ég hata Raymond. Mér finnst bara svo ósanngjarnt að ég var eiginlega neydd til að fara yfir í þetta, ég réði mig upphaflega í allt annað starf sem ég taldi að ég gæti sinnt áfram meðfram prentmiðlunum þegar mér var boðið að vera áfram uppi á Lynghálsi og það gekk alveg upp þangað til þjónustuverið var flutt, þá er maður allt í einu fastur í einhverju sem maður hefur bara enga löngun til að vinna við. Þetta væri allt í lagi ef ég hefði sótt um akkúrat þetta starf og hefði einhvern metnað til að sinna því vel, því ég get það alveg. Eins og málum er háttað í dag finnst mér þetta bara versta starf í heiminum og mér finnst alveg hrikalegt að ég eigi eftir að sitja hérna í 7 klukkutíma á morgun og segja já og amen við fólk sem dettur í hug að rífast yfir því að það fái ekki Fréttablaðið. Sko, Fréttablaðið er ókeypis og mér er alveg sama þótt þú fáir ekki blaðið þitt, farðu bara í göngutúr eða hlustaðu á fréttir Ríkisútvarpsins, það er líka (næstum því) ókeypis. Og fólk sem öskrar af því að það eru seldar auglýsingar í blaðið og ef það kemur ekki erum við sko þvílíkt að svíkja auglýsendur... Sko, Fréttablaðið gefur sig t.d. út fyrir 76% LESTUR í ákveðnum aldursflokki, mér er skítsama hvort hin 24 prósentin lesa ekki blaðið af því að það berst ekki eða af því að þau henda því í ruslið. Á meðan þessi 76% lesa blaðið stöndum við við okkar þótt þú hafir ekki fengið blaðið inn um lúguna hjá þér. Asninn þinn...
En aðall góðrar þjónustu er að veita hana óháð því hvernig þér líður persónulega og þess vegna má ég víst ekki segja þetta við þá sem hringja inn.
Ef ég þyrfti að sitja hérna allan daginn alla daga og tala við svona fólk væri ég komin á Klepp. Í spennitreyju, ekki í föndur og dúllerí eins og sumir! Í alvörunni, þetta starf er skólabókardæmi um það sem sálfræði kallar „lært hjálparleysi” og hefur m.a. áhrif á þunglyndi og vanlíðan (hmmmm... Þarna er kannski komin hugmynd að BA eða Masters verkefni?!).
En í alvörunni, að rífast yfir Fréttablaðsleysi er eins og að rífast yfir því að fá ekki tengdamömmu í heimsókn... Or sum...

föstudagur, nóvember 04, 2005

Lífið í lit

posted by annabjörg @ 10:05 e.h.  
Er einhver med betri hugmynd?!
Eins og Anna sá það


...

posted by annabjörg @ 6:20 e.h.  
Amerískt sjónvarp er asnalegt. Það verður ekkert VM kvöld í kvöld af því að það var enginn nýr þáttur úti í þessari viku, bara endursýning. Ljóta sjónvarp. Svo kansela þeir líka öllum skemmtilegum þáttum. Asnalega ammríska sjónvarp, það er bara eins gott þeir láti Earl í friði, annars verð ég brjáluð!

Vinir mínir eru aftur á móti ekki asnalegir, bara bestir í heiminum! Agnes var að lána mér bílinn sinn af því að hún er að fara til Danmerkur og Svíþjóðar í nokkra daga og alltaf þegar ég lít út um gluggann og sé veðrið þá get ég ekki annað en brosað af því að ég þarf ekki að labba heim! Eins mikið og mér finnst alveg ágætt að eiga ekki bíl er nú samt rosalega þægilegt að fá einn upp í hendurnar svona öðru hvoru...

Lífið í lit

posted by annabjörg @ 2:02 e.h.  
Esjan, fallega bleik og sjúkleg í gær...
Eins og Anna sá það


fimmtudagur, nóvember 03, 2005

Lífið í lit

posted by annabjörg @ 5:38 e.h.  
Èg og Ásthildur Silva skelltum okkur à Krakkadaga í Smáralind í dag, voda gaman hjá okkur!
Eins og Anna sá það


miðvikudagur, nóvember 02, 2005

...

posted by annabjörg @ 3:27 e.h.  
Ég var að fá besta og flottasta og frábærasta póstkort í heiminum, frá Finnlandi, Eistlandi og Flórída! I luv it, thank you for the moomories too ;)

Eníveis, farin niður og undir sæng. Læknirinn hefur greinilega ekki gengið í gegnum þetta sjálfur, hann sagði að þetta yrði ekkert vont þegar deyfingin væri farin en þetta er HELL vont, þurfti að fara til Ástu að fá lánað parkódín (eins og maður sé algjör dópisti, hringjandi í fólk til að redda parkódíni!) og reddaði líka öllum sjónvarpsstöðvum Digital Ísland og American Tail á vídeói, held að ég sé tilbúin til að liggja undir sæng þangað til á morgun!

Crazy...

posted by annabjörg @ 11:40 f.h.  
...toys in the attic I am crazy...

Skrítinn dagur framundan. Anna, the work in progress continues...

Lífið í lit

posted by annabjörg @ 11:36 f.h.  

;)
Eins og Anna sá það



Powered by Blogger And Falconer Designs.