<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d8130701\x26blogName\x3d...No+Power+in+the+Verse+can+stop+me...\x26publishMode\x3dPUBLISH_MODE_BLOGSPOT\x26navbarType\x3dBLACK\x26layoutType\x3dCLASSIC\x26searchRoot\x3dhttps://skolabull.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://skolabull.blogspot.com/\x26vt\x3d-965859614412168442', where: document.getElementById("navbar-iframe-container"), id: "navbar-iframe" }); } }); </script>

...No Power in the Verse can stop me...

þriðjudagur, janúar 31, 2006

...

posted by annabjörg @ 11:20 e.h.  
Vaááááá hvað ég á bestu vinnufélaga í heiminum, ég hef ekki hlegið svona mikið síðan ég veit ekki hvenær og mér er illt í maganum af hlátri!

Maturinn á Red Chili fær samt bara tvær stjörnur, þetta er ekki alveg rétti staðurinn fyrir svona grænmetisfólk. Ég pantaði eina grænmetisréttinn sem ég fann (fyrir utan salat) og hann var ekkert spes, eiginlega bara hálfrar stjörnu virði en restin er fyrir súkkulaðikökuna sem við fengum í eftirrétt. Hún var góð! Þetta er samt flottur staður og kjötæturnar virtust mjög sáttar við matinn, kannski kíki ég þangað aftur ef ég fæ óviðráðanlega kjötlöngun einhvern tíma...

...

posted by annabjörg @ 1:22 e.h.  
Vá, það er eins gott að ég vann aðeins á laugardaginn, það er endalaust mikið að gera hjá mér í dag. Og ég gleymdi iPodinum heima svo að ég þarf að gera það allt í þögn og þunglyndi, oooooooo.
Í kvöld er svo hittingur hjá fyrrverandi og núverandi vinnufélögum á Gulu, ætlum út að borða á Red Chili á Laugaveginum og hlæja aðeins saman. Þetta eru konur á aldrinum 22-43 en það er ekki hægt að segja að maður finni fyrir einhverjum aldursmun í þessum hópi, við skemmtum okkur alltaf frábærlega saman og ég hlakka mikið til kvöldsins!

Eníveis, farin að vinna, það veitir víst ekkert af að fara að grynnka aðeins á bunkanum...

Knús dagsins fær Valla fyrir atburði morgunsins (sem gerðust samt ekki...)

mánudagur, janúar 30, 2006

...

posted by annabjörg @ 5:00 e.h.  
Ég er að hugsa um að taka undir með Mr. Garrison: There are no stupid questions, just stupid people!
Ég fór í 2 fyrirlestra í dag og í hvorugum tókst að fara yfir allt námsefnið af því að fólk var alltaf að spyrja eitthvað laaaaangt útfyrir efnið. Kennarinn í öðrum er reyndar allt of gjarn á að þvælast út og suður með efnið og fara sjálfur út af sporinu, enda er hann svo langt á eftir miðað við kennsluáætlun að hann ætlar að búa til nýja handa okkur sem tekur gildi í næsta tíma. Þetta var sko annar fyrirlesturinn í þessum kúrsi og ég held að hann sé kominn meira eftirá en ég!
En ég mætti þó alla vega í skólann í dag og það er alltaf gott! Er ekki alveg búin að vera nógu dugleg í þeirri deildinni en það kemur allt saman. Ég var samt búin að gleyma hvað mér verður alltaf kalt í Háskólabíói (var ekkert í tímum þar á síðustu önn), held að ég ætti að hafa með mér trefil og vettlinga næst þegar ég þarf að mæta þar.

Tónlist dagsins: The Decemberists - Picaresque. Alveg fínasta músík, mætti kannski kalla þetta þjóðlaga-melódíu-rokk ef það þarf eitthvað að vera að setja svona merkimiða á tónlist...

laugardagur, janúar 28, 2006

...

posted by annabjörg @ 11:47 f.h.  
Mig dreymdi að ég gæti spilað á hörpu. Það var mjög gaman!

föstudagur, janúar 27, 2006

Handbolti smandbolti...*

posted by annabjörg @ 9:20 e.h.  
Ég er greinilega miklu meiri hópsál en ég hélt. Ég komst að því í kvöld að það er alveg sama hversu lítinn (eiginlega bara engan) áhuga ég hef á handbolta, alltaf skal ég horfa á landsleiki og fara í fáránlegt spennukast yfir því hvort Íslendingum takist nú að vinna, öskra á fáránlega dómara og æpa öðru hvoru upp yfir mig: RUÐNINGUR!!! þótt ég viti eiginlega bara ekkert á hvað ruðningur er dæmdur. Og svo verð ég náttúrulega sérfræðingur í varnarleik (dæmi eru um að setningar á borð við: nei andskotinn hafi það, af hverju eru þeir ekki í 6-0 núna?? hafi dottið út úr mér á slíkum stundum) og ríf hár mitt þegar leikmaður fær 2 mínútna brottvísun út af engu (auðvitað er það alltaf út af engu). Og nú er íslenska liðið komið í milliriðil svo að þessi einkenni eiga bara eftir að versna.
En ég geri ráð fyrir að ég sé nú ekki eini Íslendingurinn sem þjáist af Rembingus Handboltus Islandicus, þetta liggur yfir þjóðinni eins og mara þessa dagana...

_____
* Tek það fram að þetta er aðeins ýkt frásögn en samt byggð á frekar raunverulegum atburðum...

fimmtudagur, janúar 26, 2006

...

posted by annabjörg @ 12:54 f.h.  
Hvur andskotinn er að fólki að vera að spila einhverja ógeðslega tekknómúsík á fullum styrk á þessum tíma sólarhrings? Andskotinn hafi það, ef ég finn þetta pakk verður það lamið úti á bílastæði með hafnaboltakylfu og hengt upp í næsta ljósastaur. Og það er bara fyrir að hafa lélegan tónlistarsmekk, það fær eitthvað miklu verra fyrir að halda fyrir mér vöku...

miðvikudagur, janúar 25, 2006

...

posted by annabjörg @ 10:29 e.h.  
Valla kom til mín með forrit til að búa til tónlist. Því miður get ég ekki sett það í tölvuna mína eins og er því hún er full af tónlist. Það er ákveðin írónía í þessu...

þriðjudagur, janúar 24, 2006

Sjálfhverfa...

posted by annabjörg @ 4:55 e.h.  
Ok, ég ætla að taka það fram að það er bara Hildur sem er skyldug til að svara þessu af því að ég lagði á mig ómælda vinnu við að svara þessu á síðunni hennar...

1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifinn af mér?
5. Langar þig að kyssa mig?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Líst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkirðu mig?
13. Hvenær sástu mig síðast?
14. Hefur þig einhvern tíman langað til að segja mér eitthvað en ekki getað það?
15. Hvaða dýr minnir þig á mig?
16. Hvaða lag minnir þig á mig?
17. Hvaða sjónvarpsþáttur/bíómynd minnir þig á mig?
18. Hvaða frasi, orð minnir þig á mig?
19. Finnst þér ég sæt?
20. Ætlaru að setja þetta á bloggið þitt svo ég geti skrifað um þig?

Öðrum er þó að sjálfsögðu frjálst að játa sínar dýpstu hugrenningar um mig...

...

posted by annabjörg @ 3:40 e.h.  
*geisp geisp*
Ég er svoooo þreytt (enda ekki á hverjum degi sem ég druslast út úr rúminu kl 7 að morgni) en þetta er nú samt góður dagur af hinum ýmsustu ástæðum sem verður ekki farið nánar út í hér.
Ég mætti á fund á Kleppi þegar ég var búin í skólanum og hitti skjólstæðinginn minn. Einu sinni var ég alveg búin að ákveða að ég væri sko ekki að læra sálfræði til að fara út í geðbatteríið á Íslandi og ætlaði sko ekki og aldrei að vinna á geðdeild. Fyrir mér var sálfræðin meira um skilning og þekkingu á mannlegu eðli almennt heldur en að ég hefði einhvern sérstakan áhuga á geðröskunum og þess háttar. Nú er það hins vegar svo að ég þekki nokkur fólk (já ég veit...) sem hafa lent í því að fá geðsjúkdóm og þurft að fóta sig aftur í lífinu eftir það og það er ekkert grín. Bæði eru þvílíkir fordómar út í þjóðfélaginu gegn geðsjúkdómum og svo er bara erfitt að koma sér upp þegar maður er dottinn ofan í holuna. Ég held að það sé þess vegna sem mig langar til að takast á við þetta starf, mig langar að hjálpa fólki af stað út í lífið og sýna að það eru ekkert allir hræddir við eða fordómafullir út í geðsjúkdóma, þetta er allt hluti af okkar mannlega samfélagi og við eigum að fara vel með þá sem geta ekki hjálpað sér sjálfir.

Og talandi um það, muniði eftir spakmælinu um að það segi meira um manneskjuna hvernig hún kemur fram við þá sem eru lægra settir en hvernig hún talar við jafningja? Mér finnst það alveg eiga við um ríki og ríkisstjórnir líka og mér finnst skammarlegt hvernig ríkið kemur fram við þá sem eru lægst settir í þessu þjóðfélagi...

Jæja, búin að vera sósíal og pólitísk í dag, þarf að halda áfram að vinna núna!

laugardagur, janúar 21, 2006

...

posted by annabjörg @ 4:34 e.h.  
Neeeei, ég megasukkaði ekki neitt í gær, man allt og allt var æði!

föstudagur, janúar 20, 2006

Lífið í lit

posted by annabjörg @ 11:55 e.h.  
Megasukk the band og megasukk ég !
Eins og Anna sá það


...

posted by annabjörg @ 10:54 f.h.  
Ég er ekki mikil efnishyggjumanneskja, það verður bara að segjast eins og er. Það er samt ógeðslega gaman að eiga nýtt dót og í dag á ég nýtt dót! Fór til Hildar í gær og fékk iPodinn hjá henni og slatta af tónlist (sem er samt bara 4Gb svo að það er nóg pláss eftir) og myndir frá því síðasta sumar (kændamyndir og kveðjupartíið) og það er svo gaman hjá mér akkúrat núna!
Svaf að vísu yfir mig í skólann (en það var bara fyrsti tíminn í kúrsinum svo að ég geri ráð fyrir að ég hafi ennþá tíma til að vinna það upp...) en það er einhver stemning yfir því að vera ennþá í náttfötum að druslast svona á föstudagsmorgni og hlusta á góða tónlist, veit nefnilega ekki hvað ég hef mikinn tíma til að gera svoleiðis um helgina sem virðist ætla að verða þétt skipulögð en það er nú í lagi þegar maður skipuleggur skemmtilega hluti með skemmtilegu fólki...

miðvikudagur, janúar 18, 2006

Í dag...

posted by annabjörg @ 4:46 e.h.  
* Svaf ég pínulítið yfir mig
* Er svo kalt í vinnunni minni að ég er í úlpu og með hitablástur á tærnar á mér
* Langar mig ennþá í súkkulaðiköku með smartís, hlaupböngsum og sleikjó (fjármálastjórinn bauð samt í bananarúllutertu í kaffinu, það var líka fínt!)
*Er ég með Death is not the End og fleiri drungaleg lög á heilanum
*Er miðvikudagar en í mínum heimi eru miðvikudagar mánudagar og af því að síðasti mánudagur var mánudagur frá helvíti þá er þessi vika sérlega slæm svona mánudagslega séð... (mánudagslógík, don’t ask)
* Langar mig í heimsókn. Sjáum til hvernig dagurinn fer...
* Vildi ég óska að ég ætti pollabuxur
* Er ég búin að klaufast eins og ég veit ekki hvað í vinnunni, prenta út vitlaus skjöl og eyða út heilum leitarorðalista sem ég var nýbúin að setja inn
* Er annars bara ekkert merkilegt að ske...

þriðjudagur, janúar 17, 2006

Lífið í lit

posted by annabjörg @ 12:35 e.h.  
Af hverju í andsk... er verið að ryðja snjó upp á gangstéttar svo að maður neyðist til að labba úti á miðri götu, í staðinn fyrir að ryðja af þeim?? Ef það verður keyrt á mig fer ég í mál við Reykjavíkurborg... Get ég það ekki alveg Hildur?!
Eins og Anna sá það


mánudagur, janúar 16, 2006

...

posted by annabjörg @ 2:24 e.h.  
Bestu afmæliskvót dagsins:

„Birthdays are nature's way of telling us to eat more cake.”
og
„Growing old is mandatory; growing up is optional.”

Sem er kannski ástæðan fyrir því að mig langar í súkkulaðiköku með smartís og hlaupböngsum og sleikjó...

...

posted by annabjörg @ 12:05 e.h.  
Af einhverjum ástæðum finn ég óvenjulega mikla samsvörun í þessu í dag!!! Arthúr er náttúrulega endalaust fyndinn...

------
Wisdom doesn't necessarily come with age. Sometimes age just shows up all by itself. ~Tom Wilson

It's official...

posted by annabjörg @ 12:39 f.h.  
...I'm old...

Héðan í frá mun líf mitt snúast um að skiptast á uppskriftum, lesa húsráðabækur svo að ég kunni að ná olíublettum úr silkiskyrtum, læra að gera sjálf við eldhúsvaskinn og fá afleggjara af pottaplöntum. Það hljómar allavega alveg grown up and boring, maður verður nú að fara að hætta að hegða sér á svona óábyrgan hátt eins og á föstudagskvöldið, en þá var ég náttúrulega bara ung og vitlaus...

-------
To think, when one is no longer young, when one is not yet old, that one is no longer young, that one is not yet old, that is perhaps something. ~Samuel Beckett

laugardagur, janúar 14, 2006

BESTA.AFMÆLISDJAMM.EVER!

posted by annabjörg @ 9:32 e.h.  
Þ.e.a.s. það sem ég man... Það sem ég man ekki var víst ekkert voða skemmtilegt (enda aðallega ég að skandalast eitthvað eftir því sem ég hef heyrt...) en sem betur fer var ég umkringd besta fólki í heimi og það sá um að koma mér heim (eða sko í rúm af því að ég lét þær víst reyna mikið að opna vitlausa blokk með lyklunum mínum og á endanum gáfust þær upp og ég vaknaði heima hjá Ingu Laufeyju í Grafarvogi!). Ég kenni Bananadrama um...!

föstudagur, janúar 13, 2006

...í kvöld...

posted by annabjörg @ 3:23 e.h.  
Ég hlakka svolítið mikið til kvöldsins. Ég og Valla ætlum að halda upp á afmælin okkar í kvöld og halda pínulítið partí fyrir handfylli af sérvöldum vinum og vandamönnum og restinni af fólki er velkomið að hitta okkur í bænum og gefa okkur afmælisknús! Við fórum í ríkið í gær (og má ég taka fram að þrátt fyrir endalaust mikið djamm í haust var þetta fyrsta ríkisferð mín síðan í september og samt átti ég hálffullan ísskáp af áfengi fyrir, veit ekki alveg hvernig ég fór að þessu!) en af því að við erum fátækir námsmenn er þetta samt BYOB partí. Nema að við ætlum að bjóða upp á Bananadrama! Það er búið að tala um þetta voðaskot síðan það var búið til fyrir löngu síðan en enginn fengið að smakka fyrr en nú. Ég veit samt ekki hvort það er hægt að drekka það fyrr en maður er búinn með að minnsta kosti 4 glös af einhverju öðru fyrst. Það var alla vega fundið upp eftir a.m.k. 4 glös svo að ég veit eiginlega ekki almennilega hvernig þetta er á bragðið. Kannski er þetta bara hundvont, það kemur bara í ljós!
En aðalatriðið er auðvitað að í kvöld verð ég umkringd besta fólki í heiminum og ég ætla að hlæja með þeim og syngja með þeim (auðvitað verður SingStar í partíi sem ég og Valla höldum saman!) og knúsa þau í tætlur. Svo ætla ég bara að hitta skemmtilegt fólk í bænum og fara bara á staði þar sem er skemmtileg tónlist. Sem þýðir að ég neita að fara á eftirtalda staði: Sólon, Hressó, Thorvaldsen, Prikið og hvað þetta allt heitir. Ef það heyrist ekki í rafmagnsgítarsólói út á götu þá fer ég ekki inn! Væri alveg til í að kíkja á afmælisveislu Xfm á Dillon eða bara á Grand Rokk, það er alltaf soldið næs að enda bara þar...

fimmtudagur, janúar 12, 2006

...

posted by annabjörg @ 9:17 e.h.  
Ooooh, hú em æ kidding, auðvitað fer ég ekkert að lesa þegar veraldarvefurinn liggur við fingurgómana!

Valla, við getum notað þetta á morgun ;)

...

posted by annabjörg @ 6:46 e.h.  
Það var enginn veikur í vinnunni í dag! Ég kláraði líka að ganga frá öllum
samningum frá því fyrir áramót og flutti mig svo í hinn endann á þjónustuverinu (þar sem er meira næði) og fékk mér annan tölvuskjá (er sem sagt með tvo í gangi) af því að það er miklu betra fyrir það sem ég geri.
Ég var eiginlega bara að dúlla mér í þessu núna eftir hádegi, skrúfa
saman skrifborð í rétta stærð (við erum sko með einingar sem eru skrúfaðar saman eftir því hvernig maður vill hafa borðið), tengja tölvu og síma upp á nýtt (og tengja vitlausa símalínu niðri í símstöð sem var sooooldið mikið vesen að laga, úbbs!) og finna út hvernig ég á að snúa; færi mig píííínulítið framar... Og svo ööööörlítið til hægri... Og svo kannski snúa oggopons til vinstri... Svona á ég eftir að vera út næstu viku! En ég er miklu sáttari við vinnuna mína en í gær, það var bara svoleiðis dagur og ekkert meira um það að segja, yfirleitt er ég mjög ánægð hérna og sérstaklega þegar vinnuaðstaðan mín er orðin svona góð, luvitt!!

Og haldiði svo að Hive hafi ekki bara ákveðið að í dag er dagurinn sem Anna Björg kemst í samband við umheiminn?!! Ég er semsagt heima hjá mér, tengd við netið, með allt sjónvarp sem hægt er að hafa á Íslandi og hvað langar mig að gera?? Hreiðra um mig uppi í rúmi og lesa The Tao of Pooh (sem er ekki klósettbrandarabók, eins og væri hægt að lesa út úr titlinum, heldur bók um Taóisma og Bangsímon). Held að ég geri það bara...

...

posted by annabjörg @ 1:53 e.h.  
Jæja. Er bólan sprungin eða á ég að hætta mér út í umræðuna um DV? Ég veit ekki alveg hvað mér á að finnast. Fyrstu viðbrögð mín voru algjörlega á þá leið að maðurinn tók þessa ákvörðun sjálfur, byggða á þeim staðreyndum sem lágu fyrir. Staðreyndirnar eru þær að hann var sakaður um misnotkun á drengjum og þær ásakanir birtar í fjölmiðli áður en þær höfðu farið rétta leið í dómskerfinu. Þetta eru erfiðar og þungar ásakanir og ljóst að framundan var erfitt líf hjá manninum, óháð því hvort hann yrði fundinn sekur eða saklaus fyrir rétti. Það er líka staðreynd að maðurinn vissi sjálfur hvort hann var sekur eða saklaus. Hann vissi hvort baráttan framundan var fyrir sannleikanum og mannorði sínu (væri hann saklaus) eða hvort honum yrði útskúfað úr mannlegu samfélagi fyrir gjörðir sínar og maður getur ekki varist þeirri hugsun að kannski hafi þetta verið viðbrögð hans við því að það hafi komist upp um hann. Það hefur gerst áður að menn hafa svipt sig lífi þegar upp hefur komist um svona brot og hefur ekki þurft DV til.

Ég þekkti þennan mann ekki neitt. Ég hef engar heimildir fyrir því að hann hafi nokkurn tíma gert neitt enda er sjaldgæft að aðrir en fórnarlömb og gerandi viti það með vissu í kynferðisbrotamálum en ég veit samt (trúir manni einhver ef maður segir „eftir áreiðanlegum heimildum”?! Þetta er samt eftir áreiðanlegum heimildum) að það var ýmislegt óeðlilegt við samskipti hans við drengi. Og ég held að ég sé sammála lagaprófessornum sem var í Íslandi í dag í gær sem sagði að þetta væru tveir aðskildir hlutir, afleiðingarnar breyta hvorki orðum né innihaldi fréttarinnar. Ákvörðunin um að birta þessa frétt var tekin áður en vitað var um afleiðingarnar, rétt eins og allar ákvarðanir sem við tökum. Afleiðingar geta bara breytt því sem við gerum næst, ekki því sem við höfum gert.

Persónulega vona ég að DV athugi aðeins sinn gang og minnki aðeins “þor”hrokann í sér („DV; þorir þegar aðrir þegja”), það er ekkert mál að þora að benda á mann og segja að hann sé svona og hinsegin (öll hrekkjusvín gera það), setja fram einhverjar sjokkerandi, einhliða fullyrðingar og fylgja málum einungis eftir ef þau skapa einhvern æsing. Það er slæmt þegar sögurnar fá engan endi, maður veit bara það sem manni er sagt og það er erfitt að gera sér grein fyrir heildarmyndinni þegar maður hefur bara 3 bita í 100 bita púsli þótt DV virðist halda að ef þeir bara berji bitana saman þá geti þeir látið okkur halda að myndin sé heil.
Þetta er ekki vönduð blaðamennska en þetta er hluti af málfrelsinu þótt málfrelsið sé vandmeðfarið. Það er leyfilegt að gera þetta. Svo má náttúrulega endalaust deila um siðferðilegt réttmæti svona fréttamennsku og það sem fer mest fyrir brjóstið á mér er það að DV birtir myndir og upplýsingar áður en málin eru komin í eðlilegan farveg í dómskerfinu. Þótt talað sé um fjölmiðla sem fjórða valdið þá eiga þeir ekki að hafa rétt umfram dómsvald.

En þetta er bara svo viðkvæmt mál. Eiga barnaníðingar rétt á nafnleynd? Ég segi nei, ég vil fá að vita hverjir þetta eru (og það er DV að þakka að ég veit að tveir menn sem ég hef verið í samskiptum við um ævina eru dæmdir barnaníðingar) en það verður líka að vera sannað að þeir séu það því það er óskaplega erfitt að troða tannkreminu aftur í túpuna þegar það er komið út og atgangur DV hefur, eftir því sem maður heyrði í umræðunni í gær (og þetta er ekki eitthvað sem ég tel mig hafa eftir áreiðanlegum heimildum (m.ö.o slúður)) hrakið a.m.k. eina fjölskyldu úr landi eftir að fjölskyldufaðirinn var sakaður um níðingsskap gagnvart börnum, þar fengu lesendur víst bara 2 bita af 100 í púslið og málið aldrei klárað.

Æsingurinn í fólki í gær er skiljanlegur, við vitum alveg hvernig við Íslendingar erum; hlaupum upp til handa og fóta þegar næsti maður gerir það án þess jafnvel að hugsa málið til enda eða mynda okkur sjálfstæða skoðun. Stemningin í gær var bara svolítið sú að krossfesta DV eins og DV krossfestir aðra.
Það sem gerðist á þriðjudaginn var harmleikur og já, frétt DV og myndbirting áttu þátt í að þessi harmleikur gerðist en fyrir mitt leyti ætla ég að segja að á endanum er ákvörðunin þess sem hana tekur. Maðurinn ákvað að taka eigið líf, hann lagði ákveðnar forsendur til grundvallar þeirri ákvörðun og framkvæmdi.
Það er kannski rétt að taka það fram að ég tel mig ekki vera þess umkomna að dæma, hvorki hann né DV, þetta eru bara mínar vangaveltur um málið, svo sem engin niðurstaða en það er í raun ekkert nauðsynlegt þegar málið er svona fjarlægt manni...

miðvikudagur, janúar 11, 2006

Don't luv my job...

posted by annabjörg @ 3:01 e.h.  
8 ástæður fyrir því að vinnan mín er ekki skemmtileg í dag:

· Það er ekki ennþá búið að ráða manneskju fyrir þá sem hætti um áramótin. Fyrir vikið er ég með allt of mikið á mínu borði.

· Það er ALLTAF einhver veikur. Sem þýðir að það lendir ennþá meira á mínu borði og ég þarf að fresta verkefnum til að taka símann (er sko með samninga frá því fyrir áramót sem er ekki búið að ganga frá ennþá).

· Það er ömurlegt að vera í þeirri aðstöðu að maður getur ekki gert neitt fyrir viðskiptavin en vegna ákvarðana og samninga yfirstjórnar erum við í nákvæmlega þeirri aðstöðu gagnvart einum af okkar stærstu viðskiptavinum. En á meðan þeir borga reikningana sína þá finnst engum neitt að þessu. Urrrr...

· Það getur enginn skipt um vakt við mig á föstudaginn svo að ég mæti líklegast bara of seint í mína eigin afmælisveislu...

· Það er óendanlega kalt hérna inni akkúrat núna, er að spá í að koma með flísteppi og ullarsokka með mér á morgun.

· Það tókst að plata mig til að vinna á afmælisdaginn minn þótt ég ætti að vera í fríi. (Þoli ekki að vera fátækur námsmaður og geta ekki sagt nei við aukapening (hver fann annars upp peninga?!)).

· Uppáhaldssamstarfsfólkið mitt er annað hvort hætt eða að hætta og guð má vita hvað við fáum í staðinn (vegna skipulagsbreytinga innan fyrirtækisins spái ég því að héðan í frá fáum við ekkert nema ótalandi og óskrifandi gelgjur sem vinna hérna í tvo mánuði og hætta svo af því að enginn sagði þeim að það væri ekki hægt að eyða vinnutímanum eingöngu í sms, msn og persónuleg símtöl heldur þyrfti maður aksjúallí að vinna fyrir kaupinu sínu (höfum fengið nokkrar svoleiðis í viðtöl og þjálfun en sem betur fer hefur þeim verið hent út um leið og þessar tilhneigingar koma í ljós en það sárvantar starfsfólk og að endingu hljóta kröfurnar að minnka. Því miður)).

· Framkvæmdastjórinn á afmæli í dag og býður ekki einu sinni í afmæliskaffi. Ég ætla sko ekki heldur að hafa afmæliskaffi á mánudaginn...

mánudagur, janúar 09, 2006

...AMMLI!...

posted by annabjörg @ 3:10 e.h.  
...til hamingju með afmælið elsku bestasta Valla!...

Lífið í lit

posted by annabjörg @ 1:23 f.h.  
Nei sko, asnaleg bumbubanaauglýsing á þýsku í sjónvarpinu...
Eins og Anna sá það


laugardagur, janúar 07, 2006

...

posted by annabjörg @ 3:44 e.h.  
Jæja, í tilefni dagsins eru hér 10 hlutir sem maður ætti aldrei að láta út úr sér á fyrsta stefnumóti. Eða nokkru stefnumóti...
(þýtt, staðfært og stolið frá davezilla)


10.„How you doin’?” með Joey rödd.
9.„Bíddu aðeins, ég þarf að hringja í mömmu, hún hefur svo miklar áhyggjur þegar ég er svona seint úti.”
8.„Engar áhyggjur, ég hef séð Strákana gera þetta margoft.”
7.„Á ég að segja þér leyndarmál? Ég á mér fantasíur um Björn Bjarnason.”
6.„Er þér sama þótt við komum við á snókerbarnum, strákarnir trúðu ekki að ég ætti stefnumót.”
5.„Sko, ég fann draumabrúðarkjólinn minn í búð fyrir nokkrum árum og ég bara keypti hann! Viltu sjá?!”
4.„Sjáðu, ég fótósjoppaði saman myndir af okkur svo við gætum séð hvernig börnin okkar líta út”
3.„Já já, og hvað ertu búinn að vinna þarna lengi?... ok, frábært, hvernig litist þér á að skrifa upp á lán fyrir mig?”
2.„Er þér ekki sama þótt vinkona mín komi með, hún er búin að vera á hálfgerðum bömmer undanfarið og veitir ekkert af smá félagsskap”
1.„Ætlarðu að panta BigMac eða McNuggets?”

föstudagur, janúar 06, 2006

...

posted by annabjörg @ 12:14 e.h.  
Ég á besta bróður í öllum heiminum! Og bróðir minn á bestu vini í öllum heiminum! Ég sá alveg fyrir mér hellings vesen og kostnað við að laga símalínuna hjá mér og var eiginlega búin að sætta mig við að vera bara netlaus þangað til ég flyt (sem mér finnst reyndar ótrúlega skrítin tilhugsun) en svo bankar bara vinur hans Trausta uppá hjá mér í gær og lagar línuna bara einn tveir og þrír! Svo að nú er ég búin að hringja í Hive og biðja þá um að vinsamlegast gera aðra tilraun til að tengja mig og bíð bara. Ég er mjög góð í að bíða...
Ég hlakka bara aðallega til að hafa eitthvað að gera þegar ég get ekki sofið, það er frekar sorglegt þegar maður endar á því um miðja nótt að horfa á infomercials á þýsku fyrir allskonar bumbubana, tannhvítunarefni, undrasópa og vonda tónlist. Sem betur fer nota ég ekki kreditkort, annars væri ég kannski búin að panta mér allskonar bumbubana, tannhvítunarefni, undrasópa og vonda tónlist, svefnleysi hefur stundum skrítin áhrif...

miðvikudagur, janúar 04, 2006

Lífið í lit

posted by annabjörg @ 11:11 e.h.  
Og Bjarki er tótallí með Blue Steel á hreinu!
Eins og Anna sá það


Lífið í lit

posted by annabjörg @ 11:01 e.h.  
Við kunnum tótallí að pósa!
Eins og Anna sá það


...

posted by annabjörg @ 5:33 e.h.  
Uh... Hvað gerir maður við svona „frí?” Þ.e.a.s. ég er ekki að vinna nema hluta dags þrjá daga í viku í einni vinnu, hin vinnan er í smááááá biðstöðu og skólinn byrjar ekki fyrr en eftir tvær vikur (það eina góða sem kemur út úr fjársvelti félagsvísindadeildar) og ég veit eiginlega ekki hvað ég á af mér að gera.
Jú, ég er að hugsa um að fá geðveikiskast og þrífa á morgun (taka netta jólahreingerningu, ‘tis the season...) en hvað svo? Jú, liggja uppi í sófa og horfa á dvd... Það hljóta reyndar að vera takmörk fyrir því hvað hægt er að gera mikið af því, kannski það verði missjonið mitt í „fríinu” að komast að því hvar þessi mörk liggja!
Eða kannski ætti ég að vera ógeðslega skynsöm og klár og byrja að lesa tölfræði (sem ásækir mig í martröðum mínum) svo að ég nái henni kannski í þetta skiptið.
Eða undirbúa afmælisfögnuðinn sem verður ekki næstu helgi heldur þarnæstu (taktu hana frá ef þú vilt koma með á besta djamm það sem af er árinu!).
Eða þjálfa Snúð til að fara út í búð fyrir mig (geta svona lítil kvikindi ekki borið eina jógúrtdollu eða svo?!)...

Æj við sjáum bara til, þetta á eftir að fljúga hjá, áður en maður veit af verða komin jól aftur...

mánudagur, janúar 02, 2006

...árið...

posted by annabjörg @ 6:03 e.h.  
Jæja, plön voru gerð og plön eyðilögðust, samt komu áramót! Þetta voru annars bara mjög notaleg áramót, var voða stillt og prúð og komin snemma heim og vakti svo bara heima með dvd-i og kertaljósum langt fram á morgun. Dásamleg byrjun á (vonandi) dásamlegu ári!
Er svo ekki voða mikið í tísku að gera upp árið?!

Árið 2005 var/gerðist:
Janúar-apríl
Jóga, skóli, vinna, fresta, tónlist, Snúður, kalt, fall...

Maí-ágúst
Vinna, djamm, vinna, uppgötvanir, hægfara sjálfsmorð, endurfæðing, skemmtanir, vinna, þægilegt, tónlist, blautt, fjölskyldudrama, vinna, tónlist, kveðjustund...

September-desember
Skóli, vinna, tónlist, spánn, þægilegt, fullorðin (næstum því), sátt, spennandi, niðurstaða, endir, byrjun...

Mér tókst ekki að halda áramótaheitið mitt sem var „ENGAR NÝJAR SKULDIR ÁRIÐ 2005!” (sem er búið að vera standandi áramótaheit undanfarin ár) því ég keypti mér glænýja og fallega og flotta og frábæra fartölvu á glænýjum og frábærum skuldum. Ég ákvað að setja þetta ekki sem sérstakt áramótaheit í ár því það stefnir allt í að 2006 beri með sér alls konar leiðindi í peningamálum, aukinn kostnaður og útgjöld í bland við minnkandi tekjur. Hverjum datt annars peningar í hug??
Hitt áramótaheitið mitt rann eiginlega út í sandinn í apríl en það átti að fara þannig fram að ég skrifaði niður fullt af bókum, plötum og kvikmyndum á miða og svo ætlaði ég að draga tvo miða í hverjum mánuði og kaupa það sem stæði á þeim. Ég held að ég hafi samt sjaldan eða aldrei verið duglegri að hlusta á tónlist og taka eftir tónlist og í fyrra, var samt allt of ódugleg að lesa bækur (en það er auðvitað bara af því að skólabækur eru í forgangi) og er ekki ennþá búin að sjá hinn helminginn af Citizen Kane... En skemmtilegt áramótaheit engu að síður!

Er að spá í að sleppa öllu áramótaheitabrasi þetta árið, ætla bara að vera góð við allt og alla, láta hverjum degi nægja sína þjáningu (eða gleði) og halda áfram að vera verk í vinnslu...


Powered by Blogger And Falconer Designs.