...No Power in the Verse can stop me...

Úbbs, þarf maður ekki að fara að gera einhver plön fyrir morgundaginn? Ég veit ekki einu sinni hvar ég verð í mat...

Ég held bara að ég sé með frekar gott stundaskrárkarma, stundaskráin mín á vormisseri er æði; skóli á mánudögum, þriðjudögum og föstudögum! Svo byrjar skólinn ekki fyrr en 17. janúar svo að ég næ alveg að verða árinu eldri áður en það gerist. Það er náttúrulega besta lækningin við einhverju skammdegisþunglyndi að eiga afmæli í janúar...

Jæja. Þá er ævintýrið úti, bíllinn orðinn að graskeri og höllin að lítilli kjallaraholu. En þetta var ósköp notalegt allt saman, veit ekki hvernig jólin hefðu verið ef ég hefði verið heima hjá mér, ekki einu sinni með netið þar eða neitt því Síminn segir að það sé ekki hægt að setja upp ADSL tengingu inn í blokkina. Ég held að ég sé að fara að gráta... Er samt búin að setja Trausta í að tala við Símann (af því að hann talar svona síma-tækni-mál) og er að vona að það sé hægt að gera eitthvað í þessu. Ætli það kosti ekki eitthvað... Annars þarf ég hvort sem er að fara að hugsa um að flytja svo að það skiptir kannski ekki máli hvort ég fæ netið núna eða eftir nokkra mánuði, ég get þá alltaf haldið áfram að stelast í vinnunni. Og verið dugleg að fara á heita reiti...
Vill einhver búa með mér, btw?! Ég er ekkert voða mikill sóði og tek ekkert voða mikið pláss, kann að baka killer skúffuköku og stundum kann ég að elda...
Krapp, þetta setur samt aðeins strik í skólareikninginn, ég get ekkert farið að leigja nema ég vinni meira og ég get ekki unnið meira nema ég minnki námið og ég er orðin nógu sein með það nú þegar. Hver nennir að eyða heilum 4-5 árum eða svo í stúpid BA gráðu? Og eiga svo masterinn eftir. Ég get svo svarið það, ég verð ekki búin með þetta fyrr en ég verð fertug eða svo. Speaking of wich, hún systir mín elskuleg verður víst fertug í næstu viku! Ég man sko eftir fertugsafmælinu hennar mömmu eins og það hafi verið í gær svo að hvernig getur systir mín verið komin á þennan aldur?! Tíminn er magnað fyrirbæri...

Mikið er þægilegt að vakna, velta sér á hliðina og kveikja á tölvunni! Það er samt ekki alveg eins þægilegt þegar það sem maður vaknar við er blautt kisutrýni að biðja um athygli... En hey, horfum á björtu hliðarnar, ég næ ábyggilega að sofna í kvöld!

Krapp, ég er ekki ennþá sofnuð. Hvurslags hálfvitaskapur er það að snúa sólarhringnum við á síðasta degi jólafrísins?! Oh well, old habits die hard... Og ég verð nú að segja að það sem hélt mér vakandi var ansi áhugavert, ekkert að smá msn-daðri á svona dásamlegum jólanóttum! Góðan dag gott fólk, vakið vel í dag á meðan ég sef...

P.s. Ég talaði við mömmu í nótt og spurði hana hvort það hefði verið útpælt hjá Arnari að setja tvenn sokkapör í pakkann minn og hún sagði sko að hann hefði viljað vera öruggur um að ég þyrfti ekki að ganga í eins sokkum, gæti bara blandað þeim strax saman! Mér finnst það æðislegt hjá honum!

Æj, þetta var dásamlegur aðfangadagur. Ég borðaði góðan mat og fékk dásamlegar gjafir frá dásamlegu fólki og ég elska ykkur öll! Nú á ég t.d. The Wall með Pink Floyd á DVD (sem ég átti ekki fyrir, ótrúlegt en satt!)og tónleikaupptökur á DVD frá 1966 og 1967, dásamlegt sushi sett, flotta leðurhanska (til að vera í við flotta leðurjakkann), svoooooo dásamlega hlýja og mjúka dúnúlpu, Victoria's secret ilmi, bókina sem mig langaði svo mikið í sem heitir Verónika ákveður að deyja og fullt annað sem er alveg jafn dásamlegt en of langt að telja upp!
Annars var sósan hjá pabba svolítið þunn og allan tíman sem við vorum að borða söng í hausnum á mér „smakka sósuna, því mér finnst hún í það þynnsta, hún þarf korter enn í það allra minnsta...” sem er úr aðventulagi Baggalúts frá því í fyrra. Ef einhver er að velta fyrir sér þessum skyndilegu Baggalúts kvótum þá eru þessi tvö lög, Sagan af Jesúsi og Kósíheit par exelans, búin að vera á repeat í tvo daga. Og hin jólalögin frá Baggalúti inn á milli. Dásamleg leið til að komast í jólaskap!
Æj, það er kominn tími til að enda þennan dásamlega dag, er að spá í að skríða upp í rúm (stillanleg rúm eru æði!) og setja Nightmare before Christmas í DVDið...
Góða nótt og gleðileg jól!

Gleðileg jól kæra fólk!
Hér er lítil saga (endursögð af Baggalúti) til að minna okkur á tilgang jólanna:

SAGAN AF JESÚSI

Það var um þetta leyti
þarna suðurfrá - í miðausturlöndum.
Þar var ungt par á ferli
konan kasólétt - þeim var vandi á höndum.

Öll mótelin vor'upptekin
og yfirbókuð gistiheimilin.

Og þannig byrjaði sagan af því
þegar hann Jesús kom heiminn í.

Þau létu fyrirberast
inní fjárhúsi - með ösnum og kindum.
En það var ósköp kósí
ekki ósvipað – gömlum biblíumyndum.

Þar kom í heiminn – mannkyns von
hinn kunni Jesús Kr. Jósepsson.
Hann endaði í jötunni
beint undir Betlehemstjörnunni.

Og þannig hljómar nú sagan af því
þegar hann Jesús kom heiminn í.

Hallelúja!

Og þannig hljómar nú sagan af því
þegar hann Jesús kom heiminn í.

Svo rákinn nefið vitringar
sem fyrir rælni voru staddir þar.
Þeir óðu inn með gras og gull
og eitthvað óríental jurtasull.

Ó, Jósep sendi SMS.
Ó, María, var bara furðu hress.
Ó, barnið lá og snuðið saug
með bros á vör – og soldinn geislabaug

Og þannig endar nú sagan af því
þegar hann Jesús kom heiminn í.

Já, þannig hljómaði sagan af því
þegar hann Sússi kom heiminn í.

Þið ráðið sjálf hvort þið trúið því
Amen

AAAAAAAAAARRRRRRGGG... Ég er alveg að verða stressuð. Ég þarf að prenta svo mikið út en ég er með mjög vont prentarakarma. Þegar ég sagði við kennarana mína að ég skilaði ritgerðum of seint af því að prentarinn virkaði ekki, þá var ég aldrei að ljúga. Prentarar vilja bara ekki prenta fyrir mig. Ef ég þarf að prenta eitthvað þá er blekið allt í einu búið, þótt það sé nýbúið að skipta. Eða allt í einu bilar snúran. Eða tölvan finnur ekki prentarann. Eða að hann ælir út úr sér sömu blaðsíðunni 15 sinnum. Eða þá að hann finnur upp alveg ný vandamál, bara fyrir mig...
Og nú þarf ég svo mikið að prenta út fullt af sjitti fyrir ákveðna jólagjöf, jólin eru á morgun og prentarakarmað mitt er komið á fullt, litablekið er búið í prentaranum uppi í vinnu sem ég ætlaði að stelast í svo að ekki gengur sú áætlun upp. Æj, ætli þetta endi ekki sem svona sorrí-hvað-þetta-kemur-seint-gjöf milli jóla og nýárs, enda fær þessi tiltekna manneskja annað frá mér líka sem dugar alveg á morgun. Sko, stresskastið búið, málunum reddað!!!

Annars get ég ekki hætt að brosa akkúrat núna, dásamlegt hvað falleg orð geta haft mikil áhrif á mann!

Mér finnst fátt jólalegra en lykt af UHU-lími. Ekki það að ég liggi uppi í sófa og sniffi lím um jólin, ég held bara að ég hafi aldrei notað UHU-lím nema bara í jólaföndri svo að það er kannski ekkert skrítið að þessi lykt veki upp einhverjar jólatengdar minningar...

9 ástæður fyrir því að ég elska vinnuna mína í dag:

·Það er svo mátulega langt að labba í hana (þótt ég hafi ekki þurft að labba í dag þá er þetta samt það allra besta við hana!)

·Þegar maður vinnur á furðulegum tímum þá fær maður matartíma á furðulegum tímum. Í matartímanum mínum næ ég akkúrat að fara heim og horfa á Weird Nature. Mér finnst það æði!

·Skiltið inni í tölvudeild sem stendur á: „If you have a complaint, ask for Haywood Jablomy.” Ég hlæ alltaf þegar ég labba framhjá því...

·Var að fá jólagjöfina; glæsileg matarkarfa að venju. Árið í ár hlýtur að hafa skilað góðum hagnaði því það er bæði hvítvín og rauðvín í körfunni (en ekkert hangikjöt reyndar, góð skipti samt held ég bara!).

·Elsa. Hún verður bráðum eina þjónustuverjan eftir af þeim sem voru þegar ég byrjaði og hún er æði. Perla.

·Það er of auðvelt stundum að stelast til að blogga og gera ýmislegt annað nettengt sem maður á ekki að stunda í vinnunni. En ég er samt voða dugleg að vinna líka...

·Jólalandið inni í þjónustuveri (held að við höfum stolið öllum seríum sem eru til í húsinu til að setja upp hjá okkur!)

·Að ég fæ actually tíma til að sinna mínum verkum (ekki eins og áður en ég byrjaði í skólanum þegar það þurfti að gera allt á hlaupum meðfram öðrum verkefnum/símanum). Ellllllska að geta slökkt á símanum og hlustað á eitthvað gott á meðan ég vinn.

·Hún er ekki of erfið en alls ekki of létt. Hún er aaaaaalveg mátuleg!

Gawd, nú er ég orðin pínulítið jólastressuð. Ég er að vinna á svo fáránlegri vakt fram að jólum, 11-19. Ég meina, búðir opna ekki fyrr en 10 eða 11 svo það er hæpið að maður nái að versla eitthvað fyrir vinnu, kl 19 er svolítið seint til að fara að byrja á einhverju en maður verður samt að gera það ef maður ætlar að gera eitthvað yfir höfuð og það er svo stressandi að byrja á einhverju sem maður getur ekki klárað. En ég þarf samt að byrja að gera eitthvað í sambandi við jólagjöfina hennar mömmu, það er víst ekki nóg að fá góða hugmynd í september, það þarf að framkvæma hana fyrir 24. desember. Annars var ég voðalega dugleg í morgun, var vöknuð fyrir allar aldir (sem þýðir semsagt fyrir klukkan 9) og farin að saga og líma og klippa og bara alls konar dugleg. Ætla svo að vera ofboðslega dugleg í kvöld líka, klára kannski að kaupa þessa síðustu jólagjöf og svona...

Ætli Einar nenni kannski í búðir í kvöld?!

Jæja, bara smástund eftir af vinnu í dag og svo er ég farin heim að pakka niður og flytja tímabundið upp í Grafarvog en eins og hefur áður komið fram er ég sérlegur hús- bíla- og gæludýrapassari fjölskyldunnar hennar Agnesar og mun stunda þau störf af kostgæfni næstu daga/vikur.
Ég á eftir að fá víðáttubrjálæði. Og elda á furðulegum tímum sólarhringsins, bara af því að ég get það! Og hanga á netinu og fara í pottinn og hafa alls konar gaman af lífinu. Það verður svo æðislegt hjá okkur Mjásu um jólin!!!

Annars er allt ljúft bara, Hildur kemur heim seint í kvöld (var svöng og vansæl á Kastrup síðast þegar ég vissi) og það þýðir náttúrulega bara eitt; stefnumót með Einari!! Jibbí og sjibbíjei hvað ég hlakka mikið til! Einar er náttúrulega besti, besti, besti stefnumótari í heiminum, alveg sama hvað við gerum saman, það er alltaf æðislegt hjá okkur. En við þurfum alla vega að hittast og borða framandi mat, það er möst... Kannski ég eldi bara handa okkur, rómantíska máltíð með kertaljósum og freyðivíni... Ahahahahahhahahahaha, það er alveg hægt að missa sig endalaust í þessum Einarspælingum...

Ég á eftir að sakna E! sjónvarpsstöðvarinnar, hvar annars staðar eru sjónvarpsþættir auglýstir með þvílíkum gullmolum:
„I wanna lipo my pinkytoes”
og
„Plastic surgery; it’s not just for strippers anymore”

Og svo er löggan á Reality TV sem segir okkur að:
„Cops aren’t from other planets, they’re just standard issue people who do a dangerous job”
Í alvörunni?! Eru löggur ekki frá öðrum plánetum?!!

...praise the dawning, it's just a restless feeling by my side...

Gærkvöldið var sko mjög skemmtilegt, áfengisneyslu stillt í ágætis hóf (þrátt fyrir að hafa rifjað upp gömul kynni af Jack nokkrum Daniels á steinunum) og almennt bara fínt kvöld:

Viðey: Maturinn var frábær, ég datt í eitthvað kjötstuð og borðaði eiginlega bara forrétti af því að þeir voru æði (graflax, svartfugl, hreindýr og grafin gæsabringa, allt svo gott að það bráðnaði uppí manni (þið stoppið mig bara ef ég fer að minna á matarklámið í Enid Blyton bókunum…)) STOPPAÐ!

Grafarvogur: Partíið sem átti að vera karókípartí en var það (sem betur fer?!) ekki. En við vorum sko ekki tónlistarlaus því maður einnar sem ég er að vinna með kom með gítar með sér. Sko, ég hef tekið minn með í partí og útilegur af því að það er alltaf einhver sem er mun betri gítarleikari en ég sem getur haldið uppi stuði og stemningu en þetta snérist einhvern vegin við núna því allt í einu var ég komin á gítarinn og það var geggjað stuð hjá okkur. Sungum í gegnum nokkur Pink Floyd og auðvitað Bubba, engin leið að spila á gítar í partíi og spila ekki Bubba!

101: Ég veit ekki alveg hvernig mér datt í hug að fara niður í bæ þegar klukkan var að verða 4 but I did…Það byrjaði ágætlega, við strákarnir stofnuðum Pink Floyd coverbandið Shine On á Ölstofu Kormáks og Skjaldar (ég ætlaði sko að vera David Gilmour), fórum svo á Vegamót og skemmtileg tilviljun (eða ekki) að það var akkúrat verið að spila Sódómu þegar við löbbuðum inn og Gummi Jóns það fyrsta sem við sjáum á barnum. Kannski ekkert voða skemmtilegt…

Jæja, let the party continue!
Jólahlaðborð með vinnunni úti í Viðey í kvöld og þá kemur í ljós hver hann Stúfur minn er. Hann fær sko stórt knús fyrir vikuna!

Annars er ég alveg búin að djamma of mikið undanfarið, muniði þegar ég drakk ekki í alveg mörg ár?! Og eftir það fór ég á djammið kannski þrisvar á ári? Þetta hefur hins vegar verið alveg massa törn sko alveg síðan í sumar (enda verður þetta sumar kallað skandalasumarið mikla (ruglist ekki saman við sandalasumarið mikla 1987)) og málið er að þetta er aldrei eitthvað tilgangslaust djamm heldur er alltaf eitthvað að gerast (og yfirleitt slepp ég frekar ódýrt frá þessu öllu saman, frítt bús í vinnunni eða afmæli eða eitthvað svoleiðis). Í kvöld blæðir vinnan (alla vega víni með matnum), svo er bara spurning um að fara eitthvað á eftir og taka þetta almennilega fyrst það er frí á morgun (ok, sef fram að hádegi og fer svo að læra...).
Endilega látið mig vita ef þið verðið í bænum í kvöld ;)

...you walking away

Ahhhh, föstudagsþynnka... Það þýðir bara eitt; ÆÐISLEGT fimmtudagskvöld. Það hefði samt verið aðeins skárra ef ég hefði ekki þurft að mæta á fund kl 10 í morgun. Svo er ekkert ofboðslega sniðugt að fara í Ikea með mömmu, draslast um gangana og reyna að hafa áhuga á hillusamstæðunni sem mamma er svo spennt fyrir og skoða endalaust af smádóti og jólaskrauti á meðan hausinn segir manni að gjöra svo vel og fara heim að sofa meira (eða alla vega taka eina verkjatöflu) eða bara eitthvert annað þar sem eyrunum á manni er ekki misþyrmt með vondri jólatónlist (hvar svo sem það ætti að vera þessa dagana). Ég keypti samt sturtuhengi og jólaskraut sem ég hef ekkert pláss fyrir og fyrir utan það nenni ég eiginlega ekki að skreyta neitt mikið af því að ég verð ekki heima hjá mér um jólin eftir því sem ég best veit. Þynnkushopping er stórhættulegt...

Stúfur er alveg að standa sig sem leynijólasveinn, ég fékk vínflösku frá honum í dag en hún er pökkuð voða fínt inn og ég tími ekki að opna þetta strax svo að ég veit ekkert hvaða tegund eða litur þetta er. Kemur bara í ljós seinna...

Uppáhaldslag dagsins: Walk Away með Franz Ferdinand, mátulega passlegt þynnkulag.

Random staðreynd dagsins: Það eru fleiri plastflamingóar (svona bleikir sem standa á öðrum fæti í görðum hjá smekklausu fólki) heldur en alvöru flamingóar í BNA.

Gáta dagsins (í boði Celebrations jóladagatalsins): What do you get when you cross an archer with a giftwrapper?
Ribbon Hood!

Það er leynijólasveinaleikur í vinnunni hjá mér þessa viku, ég var svo mikið að gera og græja fyrir jólabarnið mitt í dag að ég hafði eiginlega ekki tíma til að vinna, missti svo af póststráknum sem varð til þess að prófarkir og reikningar fara ekki í póst fyrr en á morgun. Úbbs! En þessi jólasveinaleikur er æði, það draga allir nafn samstarfsfélaga og eiga að gera eitthvað jóló fyrir hann á hverjum degi út vikuna. Minn jólasveinn sleppur reyndar vel af því að ég er bara að vinna 3 daga í viku en hann er samt æði því ég fékk tvær gjafir í dag. Svo fékk ég Celebrations jóladagatal á mánudaginn og það eru dásamlegar litlar gátur inni í gluggunum eins og þessar hér:

Where did the mistletoe go to become famous?
To Holly-wood!

What king do you see every christmas?
A Stock-king!

What do you call a snowman on roller blades?
Snow mobile!

Þetta er alveg yndislegt, get ekki beðið eftir að opna fleiri glugga!

Önnur mál á dagskrá, ég er aaaalveg að verða nettengd heima (meira en verið hefur) því heimasíminn minn á að vera tengdur í síðasta lagi á mánudag og þá getur Hive farið að plögga mig í samband við umheiminn (ákvað að fara til Hive fyrst ég er hætt að vinna hjá OgVodafone).
Ég er samt búin að hafa nóg að gera, Trausti lánaði mér flakkarann sinn sem er stútfullur af alls konar skemmtilegu dóti, m.a. hluti af Little Britain, nýja Family guy serían, My name is Earl og Wonder Showzen (sem er svo súr og svartur þáttur að það er æði) og endalaust mikið af tónlist. Sumt sem maður finnur inni á honum er samt virkilega disturbing, hvað er bróðir minn t.d. að gera með tónlist eftir Geirmund Valtýsson?! Hann er sko yfirlýstur Geirmundar-hatari. Eða það hélt ég allavega! Og Hallbjörn. Og fuuuuullt af vælutónlist og kéllingapoppi og svo reynir hann að afsaka þetta með því að það sé fullt af dóti þarna sem hann hefur gert upptækt úr tölvunum uppi í vinnu hjá sér... Sjor!!! En auðvitað er mest af þessu góð tónlist því hann hefur nú alveg fínan tónlistarsmekk svona yfir höfuð.

Jæja, bless með stæl og varúlfsvæl!!!
(sá sem veit hvaðan þessi setning er fær sérstök verðlaun í boði Kertasníkis)

Ahhh, lífið heldur áfram, stalked or not, mér líður vel!

Fór út að versla í gær. kíkti í ZikZak og keypti geggjaðan bol til að vera í um jólin (tvö orð: bleikur, fleginn) og tvo ljótustu kjóla sem ég hef á ævinni séð en þeir voru svo dásamlega ljótir að ég varð að kaupa þá! Nota þá bara sem náttkjóla eða eitthvað...
Svo keypti ég líka jólagjafir sem er mjög óvenjulegt að ég geri svona snemma í desember. Og fékk hugmynd að einni jólagjöf í viðbót og keypti efni til að búa til 2 jólagjafir (jább, það er fólk þarna úti sem fær krappí heimatilbúnar jólagjafir frá fátæka námsmanninum).

Ég er að fara að vinna hjá OgVodafone/365 í síðasta skipti á sunnudaginn. Ef við rifjum upp söguna þá er hún svona:

Sótti um vinnu hjá Íslenska útvarpsfélaginu.
Byrjaði að vinna hjá Norðurljósum.
Vann hjá 365 ljósvakamiðlum.
Vann hjá 365 prentmiðlum.
Sagði upp hjá OgVodafone.

Og alltaf meira og minna í sama starfinu! Við tekur starf við liðveislu hjá Félagsþjónustu Reykjavíkurborgar og sálfræðineminn í mér er himinlifandi með skiptin, það er betra fyrir sálina að hjálpa öðrum en að taka við allskonar krappi frá fólki sem mér er svo alveg sama um... Ég held alla vega að þetta séu góð skipti. Svo verð ég auðvitað áfram hjá Miðlun enda hef ég bara aldrei verið ánægðari á vinnustað en þar, það var næstum eins og að koma heim þegar ég byrjaði aftur í sumar. Þetta er svona fyrirtæki sem maður festist við, það er svo gott fólk að vinna þar að stundum langar mig að byrja daginn á að knúsa alla bara fyrir að vera til! Alla vega flesta...

Eníveis, VM kvöld í kvöld, heimurinn er loksins orðinn eins og hann á að sér að vera!